പിറന്നാൾ ആശംസകൾ മുമ്മു, നച്ചുമാമി നിന്നെ കാണാൻ കാത്തിരിക്കുന്നു; കുഞ്ഞു മറിയത്തിനു ജന്മദിന ആശംസകളുമായി നസ്രിയയും

മലയാളത്തിന്റെ കുഞ്ഞിക്കയായ ദുൽകർ സൽമാന്റെ മകളുടെ പേരാണ് മറിയം അമീറ സൽമാൻ. ദുല്കറിന്റേയും ഭാര്യ അമാൽ സൂഫിയയുടെയും ഈ കുഞ്ഞു മകൾ ഇന്നാണ് തന്റെ മൂന്നാം പിറന്നാൾ ആഘോഷിച്ചത്. മകൾക്കു ജന്മദിന ആശംസകൾ നൽകിക്കൊണ്ട് ദുൽകർ സൽമാനിട്ട സോഷ്യൽ മീഡിയ പോസ്റ്റും ചിത്രങ്ങളും ഏറെ വൈറലായിരുന്നു. ദുൽകർ സൽമാന്റെ ആശംസക്കൊപ്പം തന്നെ ശ്രദ്ധ നേടിയ ആശംസയാണ് പ്രശസ്ത നടിയും നടൻ ഫഹദ് ഫാസിലിന്റെ ഭാര്യയുമായ നസ്രിയ നസിം നൽകിയ ആശംസയും. “പിറന്നാൾ ആശംസകൾ മുമ്മു. നച്ചുമാമി നിന്നെ കാണാൻ കാത്തിരിക്കുന്നു”, എന്നാണ് കുഞ്ഞു മറിയത്തിന്റെ ചിത്രം പങ്കു വെച്ച് കൊണ്ട് നസ്രിയ പറഞ്ഞിരിക്കുന്നത്. മകളുടെ ചിത്രം പങ്കു വെച്ച് കൊണ്ട് ദുൽകർ സൽമാൻ കുറിച്ച വാക്കുകളും ഏറെ ശ്രദ്ധ നേടുകയാണ്.

ദുൽകർ സൽമാൻ കുഞ്ഞിന് ആശംസകളേകിയത് ഹൃദയ സപ്ര്ശിയായ വാക്കുകളിൽ. അദ്ദേഹം മകളോട് പറയുന്നത് നീ അതിവേഗം വളരുകയാണ് എന്നും ഇത്ര വേഗത്തിൽ വളരാതെ മേരി എന്നുമാണ്. സ്വന്തമായി കളികൾ സൃഷ്ടിക്കുന്ന, തങ്ങളോട് കഥകൾ പറയുന്ന, തനിയെ നടക്കുന്ന, ഓടുന്ന, ചാടാൻ പഠിച്ച ഒരു വലിയ കുട്ടിയാണ് നീയിപ്പോൾ എന്നും  നീ വേഗത കുറയ്ക്കുക മേരി എന്നും ദുൽകർ പറയുന്നു. ഇനിയും നീ ഒരു കുഞ്ഞായിരിക്കുക എന്ന് മകളോട് പറയുന്ന ദുൽകർ, കുഞ്ഞിനെ തങ്ങൾ ആദ്യമായി കണ്ട ദിവസം പോലെ, കുഞ്ഞിന്റെ ആദ്യ കരച്ചിൽ കേട്ട ദിവസം പോല, ആദ്യമായി തങ്ങളുടെ മറിയം എന്ന മാലാഖയെ കണ്ട ദിവസം പോലെ മകളോട് കുഞ്ഞായി തന്നെയിരിക്കാൻ പറയുകയാണ്. മകളെ കുഞ്ഞായി കണ്ടു മതിയായിട്ടില്ല എന്നും നീ തങ്ങളുടെ  കൊച്ചുകുഞ്ഞായി തന്നെയിരിക്കുക എന്നും ദുൽകർ മറിയത്തോടു പറയുന്നു. ലോകം ഒരു വലിയ കുട്ടിയായിരിക്കുന്നുവെന്ന് നിന്നോട് പറയുമ്പോഴും, നീ വളരാൻ തിരക്കുകൂട്ടരുത് എന്നും പറഞ്ഞാണ് ദുൽകർ നിർത്തുന്നത്.