മലയാളത്തിന്റെ യുവ താരം ദുൽഖർ സൽമാൻ നായകനായി എത്തുന്ന പുതിയ മലയാള ചിത്രമാണ് കിംഗ് ഓഫ് കൊത്ത. ഒരു ഇടവേളയ്ക്കു ശേഷം ദുൽഖർ മലയാളത്തിൽ അഭിനയിക്കാൻ പോകുന്ന ഈ ചിത്രം സെപ്റ്റംബർ പകുതിയോടെ ആരംഭിക്കുമെന്നാണ് റിപ്പോർട്ടുകൾ പറയുന്നത്. മലയാളത്തിന്റെ മാസ്റ്റർ ഡയറക്ടർ ജോഷിയുടെ മകൻ അഭിലാഷ് ജോഷി ആദ്യമായി സംവിധാനം ചെയ്യാൻ പോകുന്ന ഈ ചിത്രം രചിച്ചത് അഭിലാഷ് എൻ ചന്ദ്രനാണ്. ജോഷി സംവിധാനം ചെയ്ത സൂപ്പർ ഹിറ്റ് ചിത്രമായ പൊറിഞ്ചു മറിയം ജോസ് രചിച്ച ആളാണ് അഭിലാഷ് എൻ ചന്ദ്രൻ. ഒരു കംപ്ലീറ്റ് മാസ്സ് ആക്ഷൻ ചിത്രമായാണ് കിംഗ് ഓഫ് കൊത്ത ഒരുക്കാൻ പോകുന്നതെന്നാണ് റിപ്പോർട്ടുകൾ പറയുന്നത്. ദുൽഖർ സൽമാൻ തന്നെ നിർമ്മിക്കുകയും ചെയ്യുന്ന ഈ ചിത്രത്തിന് രണ്ടു ഭാഗങ്ങൾ ഉണ്ടായേക്കാമെന്നും സ്ഥിതീകരിക്കാത്ത വാർത്തകൾ വന്നിരുന്നു. ഇപ്പോഴിതാ ഈ ചിത്രത്തിന്റെ താരനിരയെ കുറിച്ചും ചില വാർത്തകൾ സോഷ്യൽ മീഡിയയിൽ പരക്കുകയാണ്.
മലയാളത്തിന്റെ യുവ താരങ്ങളായ ആന്റണി വർഗീസ്, ആസിഫ് അലി എന്നിവർ ഇതിന്റെ ഭാഗമായേക്കാമെന്നും, അതിൽ തന്നെ വില്ലൻ വേഷത്തിലാവും ആസിഫ് അലി എത്തുന്നതെന്നും വാർത്തകൾ വന്നിരുന്നു. ഇപ്പോഴിതാ ഐശ്വര്യ ലക്ഷ്മിയാണ് ഇതിലെ നായികാ വേഷം ചെയ്യുന്നതെന്നാണ് വാർത്തകൾ വരുന്നത്. താരനിരയെ കുറിച്ച് ഇതുവരെ ഔദ്യോഗികമായ സ്ഥിതീകരണമൊന്നും തന്നെ വന്നിട്ടില്ല. തമിഴിലും തെലുങ്കിലുമായി ഒട്ടേറെ ചിത്രങ്ങളിൽ അഭിനയിക്കുന്ന ഐശ്വര്യ ലക്ഷ്മി ഇപ്പോൾ ചെയ്യുന്നത് മമ്മൂട്ടി നായകനായ ബി ഉണ്ണികൃഷ്ണന്റെ മലയാള ചിത്രമാണ്. ഇത് കൂടാതെ തമിഴിൽ ആര്യ നായകനായെത്തുന്ന ക്യാപ്റ്റൻ, മണിരത്നത്തിന്റെ പൊന്നിയിൻ സെൽവൻ, വിഷ്ണു വിശാലിന്റെ ഗാട്ടാ ഗുസ്തി, ആമസോൺ ഒറിജിനലിന്റെ തെലുങ്ക് ചിത്രമായ അമ്മു എന്നിവയും ഐശ്വര്യ അഭിനയിച്ചു പുറത്ത് വരാനുള്ള ചിത്രങ്ങളാണ്.
ഫോട്ടോ കടപ്പാട്: SBK Photoghraphy
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.