മലയാളികളുടെ പ്രിയതാരം ദുൽഖർ സൽമാൻ നായകനായി എത്തിയ ഏറ്റവും പുതിയ ചിത്രമാണ് സീതാ രാമം. ഒരു പ്രണയ ചിത്രമായി ഒരുക്കിയ സീതാ രാമം ഇപ്പോൾ ദുൽഖർ സൽമാന്റെ കരിയറിലെ തന്നെ ഏറ്റവും വലിയ ഹിറ്റായിക്കഴിഞ്ഞു. 80 കോടിയോളം ആഗോള ഗ്രോസ് നേടിയ കുറുപ്പായിരുന്നു ദുൽഖർ സൽമാന്റെ ഏറ്റവും വലിയ ബോക്സ് ഓഫിസ് ഹിറ്റ്. ഇപ്പോൾ കുറുപ്പിനെ മറികടന്നു മുന്നോട്ടു പോവുകയാണ് സീതാ രാമം. ഇത് തന്റെ അവസാനത്തെ പ്രണയ ചിത്രമായിരിക്കുമെന്നും, ഇനി താൻ പ്രണയ ചിത്രങ്ങൾ ചെയ്യില്ലായെന്നും ഈ ചിത്രത്തിന്റെ പ്രമോഷൻ സമയത് ദുൽഖർ സൽമാൻ ആവർത്തിച്ച് വ്യക്തമാക്കിയിരുന്നു. എന്നാലിപ്പോഴിതാ, റൊമാന്റിക് വേഷങ്ങൾ ഇനിയും ചെയ്യണമെന്ന് ദുൽഖറിനോട് ആവശ്യപ്പെടുകയാണ് ഈ ചിത്രത്തിൽ ദുൽഖറിന്റെ നായികാ വേഷം ചെയ്ത മൃണാൾ താക്കൂർ. റൊമാന്സ് നിര്ത്തുന്നുവെന്ന് ദുല്ഖര് പറഞ്ഞാല് അത് അംഗീകരിക്കാന് സാധിക്കില്ല എന്ന് പറഞ്ഞ മൃണാൾ, വേണമെങ്കില് ഒരു ബ്രേക്ക് എടുത്തിട്ട് വീണ്ടും റൊമാന്റിക് സിനിമകൾ ചെയ്യണമെന്നാണ് ദുൽഖറിനോട് പറയുന്നത്.
ബോളിവുഡ് ഹംഗാമയ്ക്ക് നൽകിയ അഭിമുഖത്തിലായിരുന്നു മൃണാൾ ഈ പ്രതികരണം നടത്തിയത്. ദുൽഖർ പ്രണയ ചിത്രങ്ങൾ ചെയ്യുന്നില്ല എന്നൊരു തീരുമാനമെടുത്താല് താൻ അപ്സെറ്റാവുമെന്നും തനിക്ക് റൊമാന്സ് ഇഷ്ടമാണ് എന്നും മൃണാൾ പറഞ്ഞു. റൊമാന്സ് നിര്ത്തുന്നുവെന്ന് ദുല്ഖര് പറയുന്നത് നിർത്തണമെന്നും, അത് തങ്ങളുടെ ഹൃദയം തകർക്കുമെന്നും മൃണാൾ കൂട്ടിച്ചേത്തു. ഏതായാലും താൻ റൊമാന്റിക് ചിത്രങ്ങൾ ചെയ്യുന്നത് പൂര്ണമായും നിര്ത്തുന്നില്ലെന്നും നല്ല സ്ക്രിപ്റ്റുകള് വരികയാണെങ്കില് റൊമാന്റിക് ചിത്രങ്ങൾ ചെയ്യാൻ തന്നെയാണ് പ്ലാനെന്നുമാണ് ഇപ്പോൾ ദുൽഖർ പറയുന്നത്. ലഫ്റ്റനന്റ് റാം എന്ന കഥാപാത്രമായി ദുൽഖർ സൽമാൻ അഭിനയിച്ച സീതാ രാമം എന്ന തെലുങ്ക് ചിത്രം സംവിധാനം ചെയ്തത് ഹനു രാഘവപുടിയാണ്.
മലയാള സിനിമാലോകത്ത് മികച്ച രണ്ടു ചിത്രങ്ങൾ ഒരുക്കിക്കൊണ്ട് തൻ്റെ സ്ഥാനം അടയാളപ്പെടുത്തിയ സംവിധായകനാണ് ഷാനവാസ് .കെ .ബാവക്കുട്ടി. ആദ്യത്തെ സംവിധാന…
മലയാളത്തിലെ പ്രശസ്ത സംവിധായകനായ അൻവർ റഷീദിന്റെ പുതിയ പ്രൊജെക്ടുകളെ കുറിച്ചുള്ള വാർത്തകളാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. രാജമാണിക്യം, ചോട്ടാ…
മലയാളത്തിന്റെ മെഗാസ്റ്റാർ മമ്മൂട്ടിയുടെ ഏറ്റവും പുതിയ ലുക്ക് ആണ് ഇപ്പോൾ സോഷ്യൽ മീഡിയയിൽ സംസാര വിഷയം. മുടി പിന്നിലേക്ക് ചീകിയൊതുക്കി,…
കേരളത്തിൽ നിന്ന് മാത്രം 50 കോടി രൂപ ഗ്രോസ് കളക്ഷൻ നേടുന്ന ചിത്രങ്ങളിൽ ഒന്നായി ടോവിനോ തോമസിന്റെ അജയന്റെ രണ്ടാം…
മെഗാബ്ലോക്ക്ബസ്റ്റർ വിജയം നേടി മുന്നേറുന്ന ടോവിനോ തോമസ് ചിത്രം അജയന്റെ രണ്ടാം മോഷണത്തിന് കയ്യടിയുമായി പ്രശസ്ത സംവിധായകൻ ജൂഡ് ആന്റണി…
മാജിക് ഫ്രെയിംസിന്റെ ചരിത്രത്തിലെ ഏറ്റവും വലിയ ബോക്സ് ഓഫീസ് തേരോട്ടമാണ് 3D A.R.M ലൂടെ മലയാള സിനിമ സാക്ഷ്യം വഹിക്കുന്നത്…
This website uses cookies.