മരണ മാസ്സ് ലുക്കിൽ സുകുമാര കുറുപ്പായി ദുൽഖർ സൽമാൻ; ചിത്രങ്ങൾ കാണാം

മലയാളത്തിന്റെ യുവ താരം ദുൽഖർ സൽമാൻ നായകനായി എത്തുന്ന പുതിയ ചിത്രമാണ് കുറുപ്പ്. സെക്കന്റ് ഷോ, കൂതറ എന്നീ ചിത്രങ്ങൾക്ക് ശേഷം ശ്രീനാഥ് രാജേന്ദ്രൻ സംവിധാനം ചെയ്യുന്ന ഈ ചിത്രത്തിന്റെ ഷൂട്ടിംഗ് ഇപ്പോൾ നടക്കുകയാണ്. ഇപ്പോൾ കേരളത്തിന് പുറത്തുള്ള ഷെഡ്യൂൾ നടക്കുന്ന ഈ ചിത്രത്തിലെ ദുൽഖറിന്റെ പുതിയ ലുക്ക് സോഷ്യൽ മീഡിയയിൽ വൈറൽ ആവുകയാണ്. ബുൾഗാൻ താടിയുമായി മരണ മാസ്സ് ലുക്കിൽ ആണ് ദുൽഖർ സൽമാൻ ഈ ചിത്രത്തിൽ എത്തുന്നത്. ചിത്രത്തിന്റെ ലൊക്കേഷൻ സ്റ്റില്ലുകൾ എല്ലാം ആരാധകർ ആവേശത്തോടെ ആണ് സ്വീകരിക്കുന്നത്.

ശ്രീനാഥ് രാജേന്ദ്ര ഒരുക്കിയ സെക്കന്റ് ഷോ ആയിരുന്നു ദുൽഖറിന്റെ അരങ്ങേറ്റ ചിത്രം. ഈ കൂട്ടുകെട്ട് വീണ്ടും ഒന്നിക്കുമ്പോൾ ഉള്ള പ്രേക്ഷക പ്രതീക്ഷകൾ ഏറെയാണ്. കുറുപ്പ് എന്ന ചിത്രം നിർമ്മിക്കുന്നതും ദുൽഖർ സൽമാൻ തന്നെയാണ്. ജിതിൻ കെ ജോസ് കഥ രചിച്ച ഈ ചിത്രത്തിന് തിരക്കഥയും സംഭാഷണങ്ങളും ഒരുക്കിയിരിക്കുന്നത് ഡാനിയൽ സായൂജ് നായർ, കെ എസ് അരവിന്ദ് എന്നിവർ ചേർന്നാണ്. കുപ്രസിദ്ധ പിടികിട്ടാ പുള്ളിയായ സുകുമാര കുറുപ്പിന്റെ ജീവിത കഥ ആണ് ഈ ചിത്രത്തിലൂടെ പ്രേക്ഷകരുടെ മുന്നിൽ എത്തിക്കാൻ ശ്രമിക്കുന്നത്. സുകുമാര കുറുപ്പിന്റെ ജീവിതത്തിലെ പല അറിയപ്പെടാത്ത സംഭവങ്ങളും ഈ ചിത്രത്തിലൂടെ പറയുന്നുണ്ട് എന്ന സൂചനയുണ്ട്.

ഒരു മൾട്ടിസ്റ്റാർ ചിത്രം കൂടിയാണ് കുറുപ്പ്. ടോവിനോ തോമസ്, സണ്ണി വെയ്ൻ, ഇന്ദ്രജിത് സുകുമാരൻ, ഷൈൻ ടോം ചാക്കോ തുടങ്ങി ഒരു വലിയ താര നിര തന്നെ ഈ ചിത്രത്തിൽ അണിനിരക്കുന്നുണ്ട്. ഈ ചിത്രത്തിൽ നായികാ വേഷം ചെയ്യുന്നത് ബോളിവുഡ് താരമായ ശോഭിത ധുലിപാല ആണ്. പാലക്കാടു ആയിരുന്നു ഈ ചിത്രത്തിന്റെ ആദ്യ ഷെഡ്യൂൾ.