[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

അവഗണിക്കപ്പെടുന്ന പുലികളിയ്ക്ക് താങ്ങായി ദുൽഖർ; ദുൽഖർ സൽമാൻ ഫാമിലിയിൽ അയ്യന്തോൾ ദേശത്തെ പുലികൾ

200 വർഷം പഴക്കമുള്ള കേരളത്തിന്റെ തനതായ കലാരൂപമാണ് പുലികളി. കടുവക്കളി എന്നും അറിയപ്പെടുന്ന ഈ കലാരൂപം ഓണക്കാലത്താണ് കൂടുതലും അവതരിപ്പിച്ച് വരുന്നത്. പുലിയുടെ ശരീരത്തിലുള്ളത് പോലെ വരകളും ചായങ്ങളും പൂശി, ഉടുക്കിന്റെയും തകിലിന്റെയും വാദ്യാരവങ്ങൾക്കൊപ്പം നൃത്തം ചവിട്ടുന്നതാണ് പുലികളി. ഓണക്കാലത്ത് മാത്രം മലയാളി ഓർക്കുന്ന ഈ കലാരൂപത്തിന് കേരളത്തിന്റെ മറ്റ് കലാരൂപങ്ങൾക്ക് ലഭിക്കുന്നത് പോലെ സ്വന്തമായി ഒരു വേദി ലഭിക്കാതെ അവഗണന നേരിടുകയാണ്. കേരളത്തിന്റെ തനത് കലാരൂപത്തിന് അർഹമായ പരിഗണന ലഭ്യമാക്കുന്നതിനായി രംഗത്ത് എത്തിയിരിക്കുന്നത് മലയാളത്തിന്റെ സ്വന്തം കുഞ്ഞിക്ക തന്നെയാണ്. പുലികളി കലാകാരന്മാർക്കായി ദുൽഖർ സൽമാന്റെ ഉടമസ്ഥതയിലുള്ള വേഫെറർ ഫിലിംസ്, ദുൽഖർ സൽമാൻ ഫാമിലി (DQF) എന്ന പേരിൽ കമ്മ്യൂണിറ്റി ഫോർ ഹാപ്പിനെസ് ആരംഭിച്ചു. കൊച്ചിയിൽ നടന്ന ചടങ്ങിൽ സിനിമാ മേഖലയിൽ നിന്നുള്ള സണ്ണി വെയ്ൻ, സാനിയ ഇയ്യപ്പൻ, ബ്ലെസ്ലി, വിനി വിശ്വ ലാൽ, സോഹൻ സീനുലാൽ, നിത്യ മാമൻ, രാജേഷ് കേശവ്, ബാദുഷ, തുടങ്ങി നിരവധി പേർ അംഗങ്ങളായി. പതിനായിരം കലാകാരന്മാർക്ക് മാത്രമാണ് ഇതിൽ അംഗത്വം നൽകുന്നത്.

കലാരംഗത്തെ വിവിധ മേഖലയിലുള്ള കലാകാരന്മാരെ കൂട്ടിച്ചേർത്തുകൊണ്ട് ഉണ്ടാക്കുന്ന ഒരു കമ്മ്യൂണിറ്റിയാണ് കമ്മ്യൂണിറ്റി ഫോർ ഹാപ്പിനസ്. കലാകാരന്മാർക്ക് കലാപ്രകടനം നടത്തുന്നതിന് അവസരം ഒരുക്കുകയാണ് ലക്ഷ്യം. നൂറ്റാണ്ടുകളായി അവഗണിക്കപ്പെടുന്ന അയ്യന്തോൾ ദേശത്തെ പുലികളി കലാകാരന്മാരെ ദുൽഖർ സൽമാൻ ഫാമിലി ഗോൾഡൻ മെമ്പർഷിപ്പ് നൽകി കമ്മ്യൂണിറ്റിയുടെ ഭാഗമാക്കി. പുലിക്കളി കലാകാരനായിരുന്ന ചാത്തുണ്ണി ആശാന്റെ ഓർമകൾക്ക് മുമ്പിൽ പ്രണാമം അർപ്പിച്ചുകൊണ്ടായിരുന്നു ചടങ്ങ്. DQFന്റെ മറ്റ് പ്രവർത്തനങ്ങളുടെ ഭാഗമായി ഭിന്നശേഷി കുട്ടികൾക്ക് ഫിംഗർ ഡാൻസ് പരിശീലനം നൽകുന്നതിനുള്ള പ്രവർത്തനങ്ങളും, കേരളത്തിലൊട്ടാകെ ചിരി സദസ്സുകൾ തുടങ്ങാനുള്ള പദ്ധതികളും നടന്നുവരികയാണ്. കേരളത്തിൽ ഉടനീളമുള്ള ഭിന്നശേഷി കുട്ടികൾക്കായി ഇമ്ത്യാസ് എന്ന വ്യക്തി വികസിപ്പിച്ചെടുത്ത ഫിംഗർ ഡാൻസ് എന്ന എക്സർസൈസ് പഠിപ്പിക്കുന്നതിനായി കേരളത്തിലെ സ്‌പെഷ്യൽ സ്കൂൾ അധ്യാപകർക്കായി പരിശീലനം നൽകി വരുന്നു. ഭിന്നശേഷിയുള്ള കുട്ടികളുടെ ബുദ്ധിവികാസത്തിൽ ഈ എക്സർസൈസ് വലിയൊരു മാറ്റം വരുത്തുന്നുണ്ട്. ഇതിന് പുറമെ, കേരളത്തിലെങ്ങും ചിരി സദസ്സുകൾ ആരംഭിക്കാനും DQF തീരുമാനിച്ചിട്ടുണ്ട്. ഇന്റർനെറ്റിന്റെയും ജോലിതിരക്കുകളുടെയും ലോകത്ത് നിന്നും മാറി മനസ്സ് നിറഞ്ഞ് പൊട്ടിച്ചിരിക്കാനുള്ള ഒരു വേദിയാണ് ഇതിലൂടെ ഉദ്ദേശിക്കുന്നത്.

webdesk

Recent Posts

ഷെയിൻ നിഗത്തിൻ്റെ സിനിമ സൂപ്പർഹിറ്റാവുന്നതിൽ അസ്വസ്ഥത ആർക്കാണ്? സോഷ്യൽ മീഡിയ പോസ്റ്റുമായി നിർമാതാവ് സന്തോഷ് ടി കുരുവിള

ഉണ്ണി ശിവലിംഗം സംവിധാനം ചെയ്ത, ഷെയിൻ നിഗത്തിൻ്റെ ഇരുപത്തിയഞ്ചാമത് ചിത്രമായ 'ബൾട്ടി' നിറഞ്ഞ സദ്ദസുകളിൽ പ്രദർശനം തുടരുകയാണ്. സൈലൻ്റായി വന്ന്…

4 days ago

മമ്മൂട്ടി – മോഹൻലാൽ – മഹേഷ് നാരായണൻ – ആൻ്റോ ജോസഫ് ചിത്രം “പാട്രിയറ്റ്” ടൈറ്റിൽ ടീസർ പുറത്ത്

മലയാളത്തിൻ്റെ മഹാനടന്മാരായ മമ്മൂട്ടി, മോഹൻലാൽ എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ ചിത്രത്തിന്റെ ടൈറ്റിൽ ടീസർ പുറത്ത്.…

5 days ago

കുടുംബസമേതം കാണാൻ പറ്റിയ ‘അവിഹിതം’ എത്തുന്നു ഒക്ടോബർ 10ന്..

സെന്ന ഹെഗ്ഡെയുടെ സംവിധാനത്തിൽ ഒരുങ്ങുന്ന ‘അവിഹിതം’ ചിത്രത്തിന്റെ സെൻസറിങ് പൂർത്തിയായി. ഒക്ടോബർ പത്തിന് പ്രദർശനത്തിനൊരുങ്ങുന്നു സിനിമയ്ക്ക് U/A സർട്ടിഫിക്കറ്റ് ആണ്…

5 days ago

കിഷ്കിന്ധ കാണ്ഡത്തിനു ശേഷം ദിൻജിത് അയ്യത്താനും ബാഹുൽ രമേശും വീണ്ടും ഒന്നിക്കുന്നു, നായകൻ സന്ദീപ് പ്രദീപ്.

പ്രേക്ഷകരെ ആകാംഷയുടെ മുൾമുനയിൽ നിർത്തിയ ബ്ലോക്ക് ബസ്റ്റർ ചിത്രം കിഷ്കിന്ധ കാണ്ഡത്തിനു ശേഷം തിരക്കഥാകൃത്ത് ബാഹുൽ രമേശും സംവിധായകൻ ദിൻജിത്…

5 days ago

ചാത്തനോ മാടനോ അതോ മറുതയോ; ആകാംഷയുണർത്തി ‘നെല്ലിക്കാംപൊയിൽ നൈറ്റ് റൈഡേഴ്സ്’ പ്രോമോ സീൻ..

മാത്യു തോമസിനെ നായകനാക്കി, പ്രശസ്ത എഡിറ്റർ നൗഫൽ അബ്ദുള്ള ആദ്യമായി സംവിധാനം ചെയ്ത 'നെല്ലിക്കാംപൊയിൽ നൈറ്റ് റൈഡേഴ്‌സ്' എന്ന റൊമാൻ്റിക്…

5 days ago

റെട്രോ വൈബിൽ തകർത്താടി ഷറഫുദീനും അനുപമ പരമേശ്വരനും; പെറ്റ് ഡിറ്റക്ടീവിലെ “തരളിത യാമം” ഗാനം പുറത്ത്..

ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിലെ "തരളിത യാമം"എന്ന പുതിയ…

7 days ago

This website uses cookies.