ഗ്ലാമറസ് ലുക്കിൽ തമ്പുരാട്ടിയെ പോലെ ദീപ്തി സതി; പത്തൊൻപതാം നൂറ്റാണ്ടിലെ ചിത്രങ്ങൾ കാണാം

പ്രശസ്ത സംവിധായകൻ വിനയൻ ഒരുക്കിയ ഏറ്റവും പുതിയ ചിത്രമാണ് പത്തൊൻപതാം നൂറ്റാണ്ട്. യുവ താരം സിജു വിൽസൺ നായകനായ ഈ ചിത്രത്തിന്റെ ട്രൈലെർ, ടീസർ, മേക്കിങ് വീഡിയോ, ഒരു ഗാനം എന്നിവയെല്ലാം സൂപ്പർ ഹിറ്റായിരുന്നു. വമ്പൻ ബഡ്ജറ്റിൽ ബ്രഹ്മാണ്ഡ ചിത്രമായി ഒരുക്കിയ പത്തൊൻപതാം നൂറ്റാണ്ടെന്ന ഈ ചരിത്ര സിനിമ സെപ്റ്റംബർ എട്ടിനാണ് റിലീസ് ചെയ്യുന്നത്. വമ്പൻ താരനിര അണിനിരക്കുന്ന ഈ ചിത്രത്തിൽ പ്രശസ്ത നടി ദീപ്തി സതിയും നിർണ്ണായകമായ ഒരു വേഷം ചെയ്യുന്നുണ്ട്. ഇപ്പോഴിതാ ഈ ചിത്രത്തിലെ ദീപ്തി സതിയുടെ ചിത്രങ്ങളാണ് ശ്രദ്ധ നേടുന്നത്. ഗംഭീര ലുക്കിൽ ഒരു തമ്പുരാട്ടിയെ പോലെയാണ് ദീപ്തി സതി ഈ ചിത്രങ്ങളിൽ കാണപ്പെടുന്നത്. ഈ നടിയുടെ സൗന്ദര്യം മുഴുവൻ ഒപ്പിയെടുക്കുന്ന തരത്തിലുള്ള ഈ ചിത്രങ്ങൾ വലിയ രീതിയിൽ വൈറലായി മാറുകയാണ്. സാവിത്രി തമ്പുരാട്ടിയുടെ വേഷമാണ് ഈ ചിത്രത്തിൽ ദീപ്തി സതി അവതരിപ്പിക്കുന്നത്.

ഏതായാലും ദീപ്തി സതിയുടെ ഗ്ലാമറസ് ആയുള്ള ഇതിലെ ചിത്രങ്ങൾ സോഷ്യൽ മീഡിയയിൽ നിറയുകയാണ്. 2015-ൽ ലാൽ ജോസ് ഒരുക്കിയ നീ-ന എന്ന ചിത്രത്തിലൂടെ അഭിനയ രംഗത്തെത്തിയ ദീപ്തി സതി അതിനു ശേഷം ജാഗ്വാർ , സോളോ , ലക്കി , ഡ്രൈവിംഗ് ലൈസൻസ്, ലളിതം സുന്ദരം തുടങ്ങിയ സിനിമകളിൽ അഭിനയിച്ചു. ഗ്ലാമർ വേഷങ്ങളിലും പ്രത്യക്ഷപ്പെട്ടിട്ടുള്ള ഈ നടി ഒരു മോഡൽ കൂടിയാണ്. ഏതായാലും പത്തൊൻപതാം നൂറ്റാണ്ടെന്ന ഈ ചിത്രവും ദീപ്തിയെന്ന നടിക്കും താരത്തിനും ഗുണം ചെയ്യുമെന്ന പ്രതീക്ഷയിലാണ് ആരാധകർ. മലയാളം കൂടാതെ തമിഴ്, തെലുങ്ക്, കന്നഡ, ഹിന്ദി ഭാഷകളിലും റിലീസ് ചെയ്യാൻ പോകുന്ന ഈ ചിത്രം ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ് നിർമ്മിച്ചിരിക്കുന്നത്.