ദുൽക്കറിന്റ ആദ്യ ഹിന്ദി ചിത്രം ഒരുങ്ങുന്നു. ഒപ്പം ബോളിവുഡിൽ നിന്നും മറ്റൊരു സൂപ്പർ സ്റ്റാറും..

മലയാളത്തിന്റെ പ്രിയ യുവതാരം ദുൽക്കർ സൽമാൻ ഭാഷകൾ കീഴടക്കി മുന്നോട്ട് കുതിക്കുകയാണ്. തമിഴിൽ ഓക്കേ കണ്മണിയുടെ വിജയത്തോട് കൂടെ വലിയൊരു ഫാൻ ബേസ് സൃഷ്‌ടിച്ച ശേഷം തെലുങ്കിലേക്ക് നീങ്ങിയിരിക്കുകയാണ് ദുൽക്കർ ഇപ്പോൾ. തെലുങ്കിലെ ആദ്യ ചിത്രം ‘മഹാനടി’യുടെ ഷൂട്ടിങ് പുരോഗമിക്കുകയാണ്.

ദുൽക്കർ നായകനാകുന്ന ആദ്യ ഹിന്ദി ചിത്രവും ഒരുങ്ങുകയാണ്. അടുത്ത മാസം ചിത്രത്തിന്റെ ഷൂട്ടിങ് ആരംഭിക്കും. കൊച്ചിയിലും മുംബൈയിലുമായാണ് ചിത്രത്തിന്റെ ഷൂട്ടിംഗ് നടക്കുക.

ദുൽക്കറിനൊപ്പം ഹിന്ദിയിൽ നിന്ന് ഒരു സൂപ്പർ താരം കൂടെ ചിത്രത്തിൽ ഉണ്ടാകും. ബോളിവുഡിലും ദുൽക്കർ തരംഗം തീർക്കുമോ എന്ന് കാത്തിരുന്നു കാണാം.