ഈ കഴിഞ്ഞ ഫെബ്രുവരിയിൽ ആണ് മലയാളത്തിലെ വിസ്മയ ചിത്രങ്ങളിൽ ഒന്നായ ദൃശ്യം എന്ന മോഹൻലാൽ- ജീത്തു ജോസഫ് ചിത്രത്തിന്റെ രണ്ടാം ഭാഗം ദൃശ്യം 2 പുറത്തു വന്നത്. ദേശീയ- അന്തർദേശീയ തലത്തിൽ വരെ പ്രശംസയേറ്റു വാങ്ങി കൊണ്ട് വമ്പൻ വിജയം നേടിയ ഈ ചിത്രം റിലീസ് ചെയ്തു മൂന്നു മാസങ്ങൾ തികയുമ്പോഴേക്കും നാല് ഭാഷകളിൽ ആണ് റീമേക്ക് ചെയ്യപ്പെടുന്നത്. തെലുങ്കു, കന്നഡ, ഹിന്ദി എന്നീ ഭാഷകളിലേക്കുള്ള റീമേക്കുകൾ ഔദ്യോഗികമായി തന്നെ സ്ഥിതീകരിക്കുകയും, തെലുങ്ക് റീമേക് ജീത്തു ജോസഫ് തന്നെ സംവിധാനം ചെയ്യുകയും ചെയ്തു. ഇപ്പോഴിതാ ദൃശ്യം 2 ന്റെ ചൈനീസ് റീമേക്ക് അവകാശവും വിറ്റു പോയതായി സ്ഥിതീകരിച്ചിരിക്കുകയാണ് ജീത്തു ജോസഫ്. ദൃശ്യം എന്ന ആദ്യ ഭാഗം നാല് ഇന്ത്യൻ ഭാഷകൾ അടക്കം ആറു ഭാഷകളിലേക്കാണ് റീമേക് ചെയ്തത്. അതോടൊപ്പം ഇംഗ്ലീഷ്, കൊറിയൻ റീമേക്കുകൾ വരികയും കൂടി ചെയ്യുകയാണ്. അതിനിടയിലാണ് സമാനമായ സ്വീകരണം ദൃശ്യം 2 നും ഇപ്പോൾ ലഭിക്കുന്നത്.
ദൃശ്യം എന്ന ചിത്രത്തിന്റെ ഈ രണ്ടു ഭാഗങ്ങളുടെ റീമേക് അവകാശത്തോടൊപ്പം തന്നെ, ഈ ചിത്രങ്ങൾ ചേർത്ത് വെബ് സീരിസ് ഉണ്ടാക്കാനുള്ള അവകാശവും ചൈനീസ് നിർമ്മാതാക്കളും അതുപോലെ കൊറിയൻ നിർമ്മാതാക്കളും നേടിയെടുത്തിട്ടുണ്ട്. ദൃശ്യം ആദ്യ പതിപ്പിന്റെ ചൈനീസ് റീമേക്കിലെ ക്ലൈമാക്സ് വെച്ച് ദൃശ്യം 2 അവിടെ എങ്ങനെ റീമേക് ചെയ്യും എന്ന് തനിക്കു അറിയില്ല എന്നും ജീത്തു ജോസഫ് പറയുന്നു. പക്ഷെ വെബ് സീരിസ് അവകാശം കൂടി അവർ വാങ്ങിയ സ്ഥിതിക്ക്, ചിലപ്പോൾ രണ്ടു ഭാഗവും കൂടി ചേർത്ത് കഥ പറയുന്ന രീതിയാവും അവലംബിക്കുക എന്നും സൂചനയുണ്ട്. ജീത്തു ജോസഫിന്റെ ഗംഭീര തിരക്കഥ , സംവിധാനം, മോഹൻലാൽ എന്ന നടൻ കാഴ്ച വെച്ച അതിഗംഭീര പ്രകടനം എന്നിവയാണ് ദൃശ്യം എന്ന ഈ സീരിസിനെ ആഗോള തലത്തിൽ ഒരു ബ്രാൻഡ് ആക്കി മാറ്റിയിരിക്കുന്നത്. ഈ സീരിസ് അവസാനിക്കുന്നത് ഒരു മൂന്നാം ഭാഗത്തോടെ ആയേക്കാം എന്നുള്ള സൂചനയും ജീത്തു ജോസഫും നിർമ്മാതാവ് ആന്റണി പെരുമ്പാവൂരും തന്നിരുന്നു.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.