ആരാധകർ പ്രതീക്ഷയോടെ കാത്തിരിക്കുന്ന മമ്മൂട്ടി ചിത്രമാണ് ‘മാസ്റ്റർ പീസ്’. ഉദയ്കൃഷ്ണയുടെ തിരക്കഥയില് അജയ് വാസുദേവ് സംവിധാനം ചെയ്യുന്ന മാസ്റ്റർ പീസിന്റെ ട്രെയിലർ പുറത്തുവിട്ടു. തന്റെ ഫേസ്ബുക്ക് പേജിലൂടെ ട്രെയിലർ ഷെയർ ചെയ്ത ശേഷം ചിത്രത്തിനായി കാത്തിരിക്കുകയാണെന്ന് സംവിധായകൻ വൈശാഖ് പറയുകകയുണ്ടായി. 2010 ൽ പുറത്തിറങ്ങിയ മമ്മൂട്ടി ചിത്രം പോക്കിരി രാജയുടെ സംവിധായകനായിരുന്നു വൈശാഖ്. ചിത്രത്തിന്റെ രണ്ടാം ഭാഗം ഒരുങ്ങുന്നുണ്ടെന്ന വാർത്തകൾ നിലനിൽക്കെയാണ് മാസ്റ്റർ പീസിന് പിന്തുണയുമായി അദ്ദേഹം എത്തിയിരിക്കുന്നത്.
ഒരു മിനിറ്റ് 48 സെക്കൻഡ് ദൈർഘ്യമുള്ള മാസ്റ്റർപീസിന്റെ ട്രെയിലറിൽ അടങ്ങിയിട്ടുള്ള പഞ്ച് ഡയലോഗും കോരിത്തിരിപ്പിക്കുന്ന ആക്ഷൻ രംഗങ്ങളും ആരാധകരുടെ പ്രതീക്ഷ വർധിപ്പിക്കുന്നതാണ്. ട്രെയിലറിന്റെ ഹൈലൈറ്റായി എടുത്തുപറയാനാകുന്നത് മമ്മൂട്ടിയുടെ തകര്പ്പന് ആക്ഷന് സീക്വന്സുകൾ തന്നെയാണ്. വന് റെക്കോര്ഡുകള് തീര്ത്ത ടീസറിനും മെയ്ക്കിങ് വിഡിയോക്കും പിന്നാലെ ട്രെയിലറിനും യു ട്യൂബില് ആഘോഷ വരവേല്പ്പാണ്.
എഡ്വേര്ഡ് ലിവിംഗ്സ്റ്റണ് എന്ന ഇംഗ്ലീഷ് പ്രൊഫസറുടെ വേഷത്തിലാണ് മമ്മൂട്ടി എത്തുന്നത്. കോളജിലെ വില്ലന്മാരായ കുട്ടികളെ മര്യാദ പഠിപ്പിക്കാന് എത്തുന്ന പ്രശ്നക്കാരനായ അധ്യാപകനാണ് എഡ്വേര്ഡ് എന്ന എഡ്ഡി. സന്തോഷ് പണ്ഡിറ്റും ചിത്രത്തിൽ ഒരു മുഖ്യവേഷത്തിൽ എത്തുന്നുണ്ട്. ഉണ്ണി മുകുന്ദന്, വരലക്ഷ്മി ശരത്ത്കുമാര്, പൂനം ഭാജ്വ, കലാഭവന് ഷാജോണ്, മക്ബൂല് സല്മാന്, ഗോകുൽ സുരേഷ് ഗോപി തുടങ്ങിയവരാണ് മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. ഭവാനി ദുര്ഗ എന്ന ഐ പി എസ് ഉദ്യോഗസ്ഥയെയാണ് വരലക്ഷ്മി അവതരിപ്പിക്കുന്നത്. ഉണ്ണി മുകുന്ദനും പോലീസ് വേഷത്തിലാണ് എത്തുന്നത്.
പുലിമുരുകന് ശേഷം ഉദയ്കൃഷ്ണയുടെ തൂലികക്കരുത്തില് ഒരു വമ്പന് ഹിറ്റിന് മാസ്റ്റർ പീസിലൂടെ വഴിയൊരുങ്ങുകയാണ്. വിനോദ് ഇല്ലംപള്ളിയാണ് ക്യാമറ കൈകാര്യം ചെയ്തത്. റോയല് സിനിമാസിന്റെ ബാനറില് സി.എച്ച്.മുഹമ്മദ് നിര്മിക്കുന്ന ചിത്രം ഉദയ് കൃഷ്ണയുടെ നേതൃത്വത്തിലുള്ള യുകെ സ്റ്റുഡിയോസാണ്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.