മോഹൻലാൽ നായകനായ പുലി മുരുകൻ എന്ന ബ്രഹ്മാണ്ഡ ഹിറ്റ് മലയാള സിനിമാ പ്രേമികൾക്ക് സമ്മാനിച്ച സംവിധായകൻ ആണ് വൈശാഖ്. ഇപ്പോൾ തന്റെ പുതിയ ചിത്രത്തിന്റെ പണിപ്പുരയിൽ ആണ് അദ്ദേഹം. നിവിൻ പോളിയെ നായകനാക്കി ആണ് വൈശാഖ് തന്റെ അടുത്ത ചിത്രം ഒരുക്കുന്നത് എന്നാണ് റിപ്പോർട്ടുകൾ പറയുന്നത്. എന്നാൽ അദ്ദേഹത്തിന്റെ വാഹനം കഴിഞ്ഞ ദിവസം അപകടത്തിൽ പെട്ടു എന്നും അദ്ദേഹത്തിന്റെ കുടുബാംഗങ്ങൾ ഉൾപ്പെടെ ഉള്ളവർക്ക് പരിക്കുകൾ പറ്റി എന്നുമാണ് റിപ്പോർട്ടുകൾ പറയുന്നത്. കോതമംഗലം മൂവാറ്റുപുഴ റോഡിൽ കറുകടം അമ്പലപ്പടിയിൽ വച്ചാണ് വൈശാഖ് സഞ്ചരിച്ച കാർ അപകടത്തിൽപെട്ടത് എന്നാണ് വാർത്തകൾ വന്നത്.
കോതമംഗലത്ത് നിന്ന് മൂവാറ്റുപുഴ ഭാഗത്തേക്ക് പോകുക ആയിരുന്നു വൈശാഖ് സഞ്ചരിച്ച കാർ. അതിനിടെയാണ് എതിരെ വന്ന പിക്ക് അപ് വാഹനവുമായി അദ്ദേഹത്തിന്റെ കാർ കൂട്ടിമുട്ടിയതു. ഇരു വാഹനത്തിലെയും യാത്രക്കാർക്ക് പരുക്കേറ്റു എന്നും എന്നാൽ ആരുടേയും പരുക്ക് ഗുരുതരം അല്ല എന്നതും റിപ്പോർട്ടുകൾ പറയുന്നു. വൈശാഖിനൊപ്പം അദ്ദേഹത്തിന്റെ ഭാര്യയും കുടുംബവും ആ കാറിൽ ഉണ്ടായിരുന്നു. പത്തു വർഷം മുപ് പോക്കിരി രാജ എന്ന മമ്മൂട്ടി- പൃഥ്വിരാജ് ചിത്രം ഒരുക്കി അരങ്ങേറ്റം കുറിച്ച വൈശാഖ് പിന്നീട് സീനിയേഴ്സ്, സൗണ്ട് തോമ, മല്ലു സിങ് തുടങ്ങിയ ഹിറ്റ് ചിത്രങ്ങളും ഒരുക്കി. വിശുദ്ധൻ, കസിൻസ്, മധുര രാജ എന്നിവയും വൈശാഖ് ഒരുക്കിയ ചിത്രങ്ങൾ ആണ്. ഉദയ കൃഷ്ണയുടെ രചനയിൽ രണ്ടു ചിത്രങ്ങൾ അദ്ദേഹം പ്ലാൻ ചെയ്യുന്നുണ്ട് എന്നാണ് വിവരങ്ങൾ പറയുന്നത്. പുലി മുരുകന് ശേഷം മോഹൻലാൽ നായകനാവുന്ന ഒരു ചിത്രവും അദ്ദേഹം പ്രഖ്യാപിച്ചിട്ടുണ്ട്.
ചിത്രങ്ങൾക്കു കടപ്പാട്: കോതമംഗലം ന്യൂസ് ആൻ വ്യൂസ്
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.