സൂര്യയുടെ അഗാരം ഫൗണ്ടേഷനിൽ പഠിച്ച പെൺകുട്ടിയുടെ വാക്കുകൾ കെട്ട് വേദിയിൽ നിറകണ്ണുകളോടെ താരം

തമിഴകത്തിന്റെ നടിപ്പിൻ നായകൻ ആയ സൂര്യ നടത്തുന്ന കാരുണ്യ പ്രവർത്തികൾ വളരെ വലുതാണ്. സ്ത്രീകൾക്കും കുട്ടികൾക്കും കൃഷിക്കാർക്കും ഒക്കെ വേണ്ടി ഒട്ടേറെ ചാരിറ്റികൾ ആണ് സൂര്യ നടത്തുന്നത്. അതിനെക്കുറിച്ച് ഒട്ടേറെ പ്രശസ്ത വ്യക്തിത്വങ്ങൾ പറഞ്ഞിട്ടുമുണ്ട്. ഇപ്പോഴിതാ സൂര്യയുടെ അഗാരം ഫൗണ്ടേഷന്റെ സഹായത്തോടെ പഠിച്ചു ഒരു നിലയിൽ എത്തിയ ഗായത്രി എന്ന പെൺകുട്ടിയുടെ വാക്കുകൾ ആണ് സോഷ്യൽ മീഡിയയിൽ വൈറൽ ആവുന്നത്. സാമ്പത്തികമായി വളരെ താഴ്ന്ന നിലയിൽ ഉള്ള ഒരു കുടുംബത്തിൽ നിന്ന് വന്ന, കാൻസർ രോഗം അച്ഛന്റെ കവർന്നു കൊണ്ട് പോയ ഗായത്രിയെ പഠിപ്പിച്ചത് സൂര്യയുടെ അഗാരം ഫൗണ്ടേഷൻ ആണ്.

അവിടെ പഠിച്ച ഗായത്രി, സൂര്യ കൂടി പങ്കെടുത്ത ചടങ്ങിൽ വെച്ച് തന്റെ മുൻപത്തെ ജീവിതവും അഗാരം ഫൗണ്ടേഷന്റെ സഹായത്തോടെ പഠിച്ചതിനു ശേഷം ഉള്ള തന്റെ ജീവിതവും വിശദമായി പറഞ്ഞു കൊണ്ട് നടത്തിയ പ്രസംഗത്തിൽ സൂര്യ ഉൾപ്പെടെ എല്ലാവരും കണ്ണീരണിയുന്ന കാഴ്ചയാണ് കാണാൻ സാധിക്കുന്നത്. കുട്ടിയുടെ വാക്കുകൾ കേട്ട് കണ്ണീർ നിയന്ത്രിക്കാൻ കഴിയാതെ പോകുന്ന സൂര്യയുടെ വീഡിയോ ഇപ്പോൾ സോഷ്യൽ മീഡിയയിൽ വൈറൽ ആണ്. ആ കുട്ടിയുടെ വാക്കുകളും അത് കേൾക്കുന്ന സൂര്യയുടെ പ്രതികരണവും കാണുന്ന ഒരാൾക്ക് പോലും കണ്ണ് നിറയാതെ ആ വീഡിയോ കണ്ടു തീർക്കാനാവില്ല. അഗാരം ഫൗണ്ടേഷന്റെ 2017 ബാച്ചിൽ ആണ് ഗായത്രി തിരഞ്ഞെടുക്കപ്പെട്ടത്. അതിനു മുൻപും അതിനു ശേഷവും തന്റെ ജീവിതത്തിൽ ഉണ്ടായ മാറ്റങ്ങൾ ആണ് ഗായത്രി വിശദീകരിച്ചത്. അതിനൊപ്പം തന്റെ അമ്മയെ കുറിച്ച് ഗായത്രി പറയുന്ന വാക്കുകളും തനിക്കു നേരിടേണ്ടി വന്ന തിക്താനുഭവങ്ങളെ കുറിച്ചുള്ള വെളിപ്പെടുത്തലുകളും ഏവരെയും കണ്ണീരിലാഴ്ത്തി.

വീഡിയോ കടപ്പാട്: Thi Cinemas