ഒരു വർഷത്തെ കാത്തിരിപ്പിന് ഒടുവിൽ ഒരു ദുൽഖർ ചിത്രം നാളെ കേരളത്തിൽ പ്രദർശനത്തിനെത്തുകയാണ്. നവാഗതനായ ബി. സി നൗഫൽ സംവിധാനം ചെയ്തിരിക്കുന്ന ‘ഒരു യമണ്ടൻ പ്രേമകഥ’ യാണ് നാളെ റിലീസിനായി ഒരുങ്ങുന്നത്. ഇന്ന് പുറത്തിറങ്ങിയ ചിത്രത്തിന്റെ ടീസർ സമൂഹ മാധ്യമങ്ങളിൽ ഏറെ ശ്രദ്ധ നേടിയിരുന്നു. ജോണ്സൺ മാഷിന്റെ ഗാനം ഉൾപ്പെടുത്തി പഴയ കാലഘട്ടത്തിലേക്ക് സിനിമ പ്രേമികളെ കൂട്ടിക്കൊണ്ടു പോകുന്ന ഒരു മനോഹരമായ ഒരു ടീസർ തന്നെയാണ് അണിയറ പ്രവർത്തകർ അണിയിച്ചൊരുക്കിയത്.
ഒരു യമണ്ടൻ പ്രേമകഥയുടെ ടീസർ കണ്ടതിന് ശേഷം സംവിധായകൻ സത്യൻ അന്തിക്കാടിന്റെ അഭിപ്രായമാണ് ഇപ്പോൾ എങ്ങും ചർച്ച വിഷയം. ജോണ്സൺ മാഷിനൊപ്പമുള്ള ഒരുപാട് നല്ല ഓർമ്മകളിലേക്ക് ഈ കൊച്ചു ടീസർ തന്നെ വീണ്ടുമെത്തിച്ചു എന്ന് സത്യൻ അന്തിക്കാട് വ്യക്തമാക്കി. തന്റെ ചിത്രങ്ങൾക്ക് വേണ്ടി സംഗീതം നൽകുവാൻ വരുന്ന അവസരത്തിൽ ജോണ്സൺ മാഷിനെ കൊണ്ട് പാട്ടുകൾ പാടിക്കുന്ന ശീലവും കുറിപ്പിൽ സൂചിപ്പിക്കുന്നുണ്ട്. അദ്ദേഹത്തിന്റെ ഗാനങ്ങൾ എത്ര കേട്ടാലും മതിവരില്ലയെന്നും ദുൽഖർ സൽമാന്റെ പുതിയ ടീസറിലൂടെ ആ ജോണ്സൺ കാലം പെട്ടന്ന് ഓർത്തു പോയെന്നും വ്യക്തമാക്കികൊണ്ടാണ് കുറിപ്പ് അവസാനിപ്പിക്കുന്നത്. സത്യൻ അന്തിക്കാടിന്റെ കുറിപ്പിന്റെ പൂർണ രൂപം വായിക്കാം : –
എന്റെ സിനിമകളുടെ സ്ഥിരം സംഗീത സംവിധായകനായിരുന്നു ജോൺസൺ. അന്നൊക്കെ ഏതു സിനിമയുടെ കമ്പോസിംഗിനു വന്നാലും രണ്ടു പാട്ടുകൾ പാടിക്കേൾക്കണമെന്ന് സ്നേഹപൂർവ്വം ഞാൻ നിർബ്ബന്ധിക്കും. “ഇയാളെക്കൊണ്ടു തോറ്റു” എന്നു പറഞ്ഞ് ഹാർമ്മോണിയത്തിൽ വിരലോടിച്ച് ആർദ്രമായ ശബ്ദത്തിൽ ജോൺസൺ പാടും..
‘ഗോപികേ നിൻ വിരൽ’
‘അൻരാഗിണീ ഇതാ എൻ..’എത്ര തവണ കേട്ടാലും കണ്ടാലും മതിയാവാറില്ല. ആ ജോൺസൺ കാലം പെട്ടെന്നോർത്തുപോയി ദുൽഖർ സൽമാന്റെ പുതിയ സിനിമയുടെ ടീസർ കണ്ടപ്പോൾ”.
കട്ടപ്പനയിലെ ഋത്വിക് റോഷൻ, അമർ അക്ബർ അന്തോണി എന്നീ ചിത്രങ്ങൾക്ക് ശേഷം വിഷ്ണു ഉണ്ണികൃഷ്ണനും ബിബിൻ ജോര്ജും ചേർന്നാണ് ഒരു യമണ്ടൻ പ്രേമകഥയ്ക്ക് വേണ്ടി തിരക്കഥ രചിച്ചിരിക്കുന്നത്. സംയുക്ത മേനോൻ, നിഖില വിമൽ എന്നിവരാണ് നായിക വേഷം കൈകാര്യം ചെയ്യുന്നത്. സിനിമ പ്രേമികളും ആരാധകരും ഏറെ പ്രതീക്ഷയോടെ കാത്തിരിക്കുന്ന ഈ ചിത്രം നാളെ വമ്പൻ റിലീസിന് തന്നെ കേരളക്കര സാക്ഷിയാവും.
ധ്യാൻ ശ്രീനിവാസനും ലുക്മാൻ അവറാനും കേന്ദ്ര കഥാപാത്രങ്ങളായെത്തുന്ന 'വള' ഇന്നു മുതൽ ആഗോള റിലീസായി പ്രേക്ഷകരുടെ മുന്നിലെത്തും. കേരളത്തിൽ ദുൽഖർ…
കൊല്ലം അഞ്ചൽ സ്വദേശികള്ക്കിനി നവീന സാങ്കേതിക തികവോടെ ഏറ്റവും പുതിയ സിനിമകൾ ആസ്വദിക്കാം. കേരള ഫിലിം പ്രൊഡ്യൂസേഴ്സ് അസോസിയേഷൻ സെക്രട്ടറിയും…
ധ്യാൻ ശ്രീനിവാസനും ലുക്മാൻ അവറാനും കേന്ദ്ര കഥാപാത്രങ്ങളായെത്തുന്ന 'വള'യുടെ ആകാംക്ഷ നിറയ്ക്കുന്നതും രസകരവുമായ ട്രെയിലർ പുറത്ത്. ഒരു വളയെ ചുറ്റിപറ്റി…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ഫസ്റ്റ് ലുക്ക്…
ധ്യാൻ ശ്രീനിവാസനും ലുക്മാൻ അവറാനും കേന്ദ്ര കഥാപാത്രങ്ങളായെത്തുന്ന 'വള' യുടെ തമിഴ്നാട് വിതരണ അവകാശം സ്വന്തമാക്കി എ ജി എസ്…
സൂപ്പർ ഹിറ്റായ 'രോമാഞ്ച'ത്തിന് ശേഷം ഗപ്പി സിനിമാസ് നിർമ്മിക്കുന്ന പുതിയ ചിത്രത്തിന്റെ ടൈറ്റിൽ ലുക്ക് പുറത്ത്. 'ഗപ്പി'ക്കും 'അമ്പിളി'ക്കും ശേഷം…
This website uses cookies.