കോവിഡ് 19 ഭീഷണി മൂലം ഇന്ത്യ മാർച്ചിൽ മുതൽ ലോക്ക് ഡൗണിലായതോടെ ഇന്ത്യൻ സിനിമാ ലോകവും നിശ്ചലമായിരുന്നു. എന്നാൽ ആ സമയത്തും വിദേശത്തു ഷൂട്ടിങ് തുടർന്ന രണ്ടു മലയാള ചിത്രങ്ങൾ ആണ് ബ്ലെസി- പൃഥ്വിരാജ് ടീമിന്റെ ആട് ജീവിതവും അതുപോലെ ഉപ്പും മുളകും എന്ന സൂപ്പർ ഹിറ്റ് സീരിയൽ സംവിധാനം ചെയ്ത എസ് ജെ സിനു സംവിധാനം ചെയ്യുന്ന ജിബൂട്ടി എന്ന ചിത്രവും. ഷൂട്ടിങ് പൂർത്തിയായി കഴിഞ്ഞിട്ടും രാജ്യം ലോക്ക് ഡൗണിലായതിനാൽ ഈ രണ്ടു ചിത്രങ്ങളുടെ ടീമിനും തിരിച്ചു കേരളത്തിലേക്ക് വരാൻ സാധിച്ചിരുന്നില്ല. എന്നാൽ മെയ് മാസം അവസാനത്തോടെ ജോർദാനിൽ നിന്നു ആട് ജീവിതം ടീം മടങ്ങിയെത്തുകയും ഹോം ക്വറന്റീനിൽ പോകുകയും ചെയ്തു. ഇപ്പോഴിതാ ജിബൂട്ടിയിൽ നിന്ന് എസ് ജെ സിനുവും നടൻ ദിലീഷ് പോത്തനുമടങ്ങുന്ന 71 പേരുടെ സിനിമാ സംഘവും ഇന്ന് കൊച്ചിയിൽ എത്തുകയാണ്.
ജനവാസം തീരെ കുറവായ കിഴക്കേ ആഫ്രിക്കയിലെ ജിബൂട്ടി എന്ന സ്ഥലത്താണ് ഈ ചിത്രം ഷൂട്ട് ചെയ്തത്. ഇന്ന് വൈകുന്നേരം അഞ്ചിനും ആറിനും ഇടയിൽ എയർ ഇന്ത്യയുടെ വിമാനത്തിൽ ഈ സിനിമാ സംഘം നെടുമ്പാശ്ശേരി വിമാനത്താവളത്തിൽ എത്തും. ഏപ്രിൽ 18 നു ഈ ചിത്രത്തിന്റെ ഷൂട്ടിംഗ് പൂർത്തിയായെങ്കിലും ഒന്നര മാസമായി സിനിമാ സംഘം അവിടെ കുടുങ്ങി കിടക്കുകയായിരുന്നു. ഇപ്പോൾ ഈ ചിത്രത്തിന്റെ നിർമ്മാതാവ് ജോബി പി സാമും ജിബൂട്ടി ഗവണ്മെന്റും അതുപോലെ ഇന്ത്യൻ എംബസിയും നടത്തിയ ശക്തമായ ഇടപെടൽ കൊണ്ട് നിർമ്മാതാവ് പ്രത്യേകം ചാർട്ട് ചെയ്ത വിമാനത്തിലാണ് ഈ സിനിമാ സംഘം എത്തുന്നത്. ചിത്രത്തിലെ നായകൻ അമിത് ചക്കാലക്കല്‍, നായിക ഷിംല സ്വദേശിനി ശകുന്‍ ജസ്വാള്‍, ദിലീഷ് പോത്തന്‍, ഗ്രിഗറി, അഞ്ജലി നായർ ,ആതിര രോഹിത് മഗ്ഗു, ബേബി ആര്ടിസ്റ് ഒന്നര വയസുള്ള ജോർജും കുടുംബവും, ഫൈറ്റ് മാസ്റ്റർ റൺ രവിയും സംഘവും, ചെന്നൈയിൽ നിന്നുള്ള പ്രത്യേക സംഘവും ഈ 71 പേരുടെ കൂടെയുണ്ട്. ഇതിൽ ചിത്രത്തിന്റെ നിർമാതാവും നായികയും, രോഹിതും ബോംബയിൽ ഇറങ്ങുമ്പോൾ ബാക്കി എല്ലാവരും കേരളാ സർക്കാരിന്റെ നിർദേശ പ്രകാരം ക്വറന്റീനിൽ കഴിയാൻ തയ്യാറായാണ് ഇവിടെയെത്തുക. ഉപ്പും മുളകും തിരക്കഥാകൃത്ത് അഫ്‌സൽ കരുനാഗപ്പള്ളി തിരക്കഥ,സംഭാഷണം എന്നിവ രചിച്ച ഈ ചിത്രത്തിന് ദൃശ്യങ്ങൾ ഒരുക്കിയത് ടി ഡി ശ്രീനിവാസ്‌ ആണ്. സംജിത് മുഹമ്മദ് എഡിറ്റിംഗും ദീപക് ദേവ് സംഗീതവും നിർവഹിക്കുന്ന ജിബൂട്ടി, ജോബി.പി സാമും ഭാര്യ മരിയ സ്വീറ്റി ജോബിയും ചേര്‍ന്ന് നീൽ ബ്ലൂ ഹിൽ മോഷൻ പിക്ചർസിന്റെ ബാനറിലാണ് നിർമ്മിച്ചിരിക്കുന്നത്.
കൊച്ചി: ഫുവാദ് പനങ്ങായ് നിർമ്മിച്ച് ഷെബി ചൗഘട്ട് സംവിധാനം ചെയ്ത ‘വേറെ ഒരു കേസ്’ ജാർഖണ്ഡ് നാഷണൽ ഫിലിം ഫെസ്റ്റിവലിലേക്ക്…
മലയാള സിനിമയിലെ എവർഗ്രീൻ ക്ലാസിക്കുകളിലൊന്നായ മോഹൻലാൽ-പ്രിയദർശൻ കൂട്ടുകെട്ടിന്റെ ‘തേന്മാവിൻ കൊമ്പത്ത്’ റീ റിലീസ് ട്രെയ്‌ലർ പുറത്ത്. ചിത്രത്തിൻ്റെ സംവിധായകൻ പ്രിയദർശൻ്റെ…
ഓട്ടം തുള്ളൽ എന്ന പുതിയ ചിത്രത്തിന് പ്രേക്ഷക പിന്തുണ അഭ്യർത്ഥിച്ച് സംവിധായകൻ മാർത്താണ്ഡൻ. ചിത്രത്തിൻ്റെ രചയിതാവും ഇതിലെ നായകനുമായ ബിനു…
കൊച്ചി: ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ ട്രെയ്‌ലർ പുറത്തിറങ്ങി. വിശ്വാസങ്ങൾ, ജ്യോതിഷവുമായി ബന്ധപ്പെട്ട ധാരണകൾ,…
ജി. മാർത്താണ്ഡൻ സംവിധാനം ചെയ്യുന്ന പുതിയ ചിത്രം ‘ഓട്ടം തുള്ളൽ’ന്റെ ടീസർ പുറത്തിറങ്ങി. നടൻ ടൊവിനോ തോമസിന്റെ ഔദ്യോഗിക സോഷ്യൽ…
ജി. മാർത്താണ്ഡൻ ചിത്രം വിദേശ പ്രേക്ഷകരിലേക്കും; വിതരണാവകാശം സൈബർ സിസ്റ്റംസ് ഓസ്ട്രേലിയക്ക് ജി. മാർത്താണ്ഡൻ സംവിധാനം ചെയ്യുന്ന പുതിയ മലയാള…
This website uses cookies.