ജനപ്രിയ നായകൻ ദിലീപിന്റെ ഈ കഴിഞ്ഞ ജന്മദിനത്തിൽ ഏറ്റവും കൂടുതൽ പ്രചരിച്ച വാർത്തകളിൽ ഒന്നായിരുന്നു യുവ സംവിധായകൻ ടിനു പാപ്പച്ചൻ ഒരുക്കുന്ന ഒരു ചിത്രത്തിൽ ദിലീപ് നായകനായി എത്തുമെന്നത്. അന്ന് ആ ചിത്രം പ്രഖ്യാപിക്കും എന്നും വാർത്തകൾ വന്നെങ്കിലും പ്രഖ്യാപനം ഉണ്ടായില്ല. ഇപ്പോഴിതാ താൻ നിർമ്മിച്ച ഏറ്റവും പുതിയ ചിത്രമായ തട്ടാശ്ശേരി കൂട്ടത്തിന്റെ പ്രമോഷന്റെ ഭാഗമായി നടത്തിയ പ്രസ് മീറ്റിൽ ടിനു പാപ്പച്ചൻ ചിത്രത്തെ കുറിച്ചുള്ള ചോദ്യങ്ങൾക്ക് മറുപടി നൽകിയിരിക്കുകയാണ് ദിലീപ്. ആ ചിത്രത്തിന്റെ ചർച്ചകൾ നടക്കുകയാണെന്നും തങ്ങൾ ഒരുമിച്ചൊരു ചിത്രം ചെയ്യാൻ തീരുമാനിച്ചിട്ടുണ്ടെന്നും ദിലീപ് വെളിപ്പെടുത്തി. അത്പോലെ തന്നെ മോഹൻലാൽ, മമ്മൂട്ടി, ദിലീപ് ഒന്നിക്കുന്ന ചിത്രം വരുമോ എന്ന ചോദ്യത്തിനും അദ്ദേഹം മറുപടി നൽകി.
അത്രയും വലിയ ചിത്രം പെട്ടെന്ന് സംഭവിക്കില്ല എന്നും അതിന് പറ്റിയ കഥയും കാര്യങ്ങളും ഒക്കെ വരുമ്പോൾ മാത്രമേ അതൊക്കെ നടക്കു എന്നും ഇപ്പോൾ അതിന്റെ ചർച്ചകൾ നടക്കുന്നില്ലെന്നും ദിലീപ് പറഞ്ഞു. സ്വാതന്ത്ര്യം അർദ്ധരാത്രിയിൽ, അജഗജാന്തരം എന്നീ ചിത്രങ്ങൾ സംവിധാനം ചെയ്ത ടിനു പാപ്പച്ചൻ ഇപ്പോൾ ഒരുക്കുന്നത് ചാവേർ എന്ന ചിത്രമാണ്. ജോയ് മാത്യു രചിച്ച ഈ ചിത്രത്തിൽ കുഞ്ചാക്കോ ബോബൻ, ആന്റണി വർഗീസ്, അർജുൻ അശോകൻ എന്നിവരാണ് പ്രധാന വേഷങ്ങൾ ചെയ്യുന്നത്. ദിലീപ് നിർമ്മിച്ച്, അദ്ദേഹത്തിന്റെ അനുജൻ അനൂപ് ആദ്യമായി സംവിധാനം ചെയ്ത തട്ടാശ്ശേരി കൂട്ടത്തിലും അർജുൻ അശോകനാണ് നായകനായി എത്തുന്നത്. സന്തോഷ് എച്ചിക്കാനം രചിച്ച ഈ ചിത്രത്തിന്റെ ട്രെയ്ലർ, ഇതിലെ ഒരു ഗാനം എന്നിവ ഇതിനോടകം സൂപ്പർ ഹിറ്റാണ്.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.