പ്രശസ്ത സംവിധായകൻ ജോണി ആന്റണി സംവിധായകനായുള്ള തന്റെ അരങ്ങേറ്റം കുറിച്ച സൂപ്പർ ഹിറ്റ് ചിത്രമാണ് സി ഐ ഡി മൂസ. 2003 ഇലെ രണ്ടാമത്തെ വലിയ വിജയമെന്ന സ്ഥാനം നേടിയെടുത്ത ഈ ചിത്രത്തിൽ ജനപ്രിയ നായകൻ ദിലീപ് ആയിരുന്നു നായകൻ. കുട്ടികളുടേയും കുടുംബങ്ങളുടേയും ഇടയ്ക്കു വലിയ തരംഗമായി മാറിയ ഈ ചിത്രം മിനി സ്ക്രീനിലൂടെയും വമ്പൻ ജനപ്രീതി നേടിയെടുത്ത മലയാള ചിത്രങ്ങളിൽ ഒന്നാണ്. ഭാവന നായികാ വേഷം ചെയ്ത ഈ ചിത്രത്തിൽ മുരളി, ആശിഷ് വിദ്യാർത്ഥി, ഹരിശ്രീ അശോകൻ, കൊച്ചിൻ ഹനീഫ, സലിം കുമാർ, ജഗതി ശ്രീകുമാർ, ഒടുവിൽ ഉണ്ണികൃഷ്ണൻ, ക്യാപ്റ്റൻ രാജു തുടങ്ങി ഒരു വലിയ താരനിര തന്നെയണിനിരന്നിരുന്നു. കഴിഞ്ഞ കുറെ നാളുകളായി ഈ ചിത്രത്തിന്റെ രണ്ടാം ഭാഗം എന്ന സാധ്യതയെ കുറിച്ച് ചർച്ചകൾ നടക്കുകയാണ്. സി ഐ ഡി മൂസക്കു ഒരു രണ്ടാം ഭാഗം വരുമെന്ന് ഉറച്ചു വിശ്വസിക്കുന്നതായി ദിലീപ് തന്നെ പറഞ്ഞിരുന്നു. ഉദയകൃഷ്ണ- സിബി കെ തോമസ് രചിച്ച ഈ ചിത്രത്തിന്റെ രണ്ടാം ഭാഗത്തിന് വേണ്ടിയുള്ള കാത്തിരിപ്പിലാണ് ഇപ്പോൾ ആരാധകർ. എന്നാൽ രണ്ടാം ഭാഗം തീയേറ്ററിൽ എത്തുന്നതിനു മുൻപ് സി ഐ ഡി മൂസ ഒരിക്കൽ കൂടി എത്തുമെന്നുള്ള പ്രഖ്യാപനവുമായി എത്തിയിരിക്കുകയാണ് ഇപ്പോൾ ജനപ്രിയ നായകൻ ദിലീപ്.
ഒരു അനിമേഷൻ ചിത്രമായാണ് പതിനേഴു വർഷങ്ങൾക്കു ശേഷം സി ഐ ഡി മൂസ ഇനി പ്രേക്ഷകരുടെ മുന്നിൽ എത്തുക. അതിന്റെ പ്രോമോ വീഡിയോ കൂടി ദിലീപ് ഇന്ന് പുറത്തു വിട്ടു. ലോക അനിമേഷൻ ദിവസമായ ഇന്ന് തന്നെ ഈ അനിമേഷൻ ചിത്രം പ്രഖ്യാപിച്ചു കൊണ്ടാണ് ദിലീപ് പ്രേക്ഷകരുടെ മുന്നിലെത്തിയത്. ബി എം ജി അനിമേഷൻസ്, ഗ്രാൻഡ് പ്രൊഡക്ഷൻസ് എന്നിവർ ചേർന്നാണ് ഈ അനിമേഷൻ ചിത്രം നിർമ്മിക്കുന്നത്. ഏതായാലും ഈ പ്രോമോ വീഡിയോ ദിലീപ് ആരാധകർ സോഷ്യൽ മീഡിയയിൽ ഏറ്റെടുത്തു കഴിഞ്ഞു എന്ന് തന്നെ പറയാം.
ഫ്രാഗ്രൻ്റെ നേച്ചർ ഫിലിംസ്, പൂയപ്പള്ളി ഫിലിംസ് എന്നീ ബാനറുകളിൽ ആൻ ,സജീവ്, അലക്സാണ്ടർ മാത്യു എന്നിവർ നിർമ്മിച്ച് അരുൺ വൈഗ…
ആസിഫ് അലിയെ നായകനാക്കി താമർ തിരക്കഥ രചിച്ചു സംവിധാനം ചെയ്യുന്ന 'സർക്കീട്ട്' എന്ന ചിത്രത്തിലെ ജെപ്പ് സോങ് പുറത്ത്. ഏറെ…
മലയാളത്തിന്റെ മോഹൻലാൽ നായകനായ "തുടരും" പ്രേക്ഷകരുടെ മുന്നിലെത്തിയത് ഏറെ പ്രതീക്ഷകൾക്ക് നടുവിലാണ്. ഓപ്പറേഷൻ ജാവാ, സൗദി വെള്ളക്ക എന്നീ ചിത്രങ്ങളിലൂടെ…
ആസിഫ് അലിയെ നായകനാക്കി താമർ സംവിധാനം ചെയ്യുന്ന 'സർക്കീട്ട്' എന്ന ചിത്രത്തിന്റെ ഒഫീഷ്യൽ ട്രെയ്ലർ പുറത്തിറങ്ങി. ഒരു ഫീൽ ഗുഡ്…
ടൊവിനോ തോമസിനെ നായകനാക്കി അനുരാജ് മനോഹർ സംവിധാനം ചെയ്ത ‘നരിവേട്ട’ സിനിമയുടെ ഒഫീഷ്യൽ ട്രെയ്ലർ പ്രിയതാരം ദുൽഖർ സൽമാൻ റിലീസ്…
സിനിമകളിലെ ഗംഭീര പ്രകടനങ്ങളിലൂടെ പ്രേക്ഷകരുടെ കയ്യടി നേടിയ നടി അനു സിതാര, ഇപ്പൊൾ പുത്തൻ റോളിൽ വൈറലാവുന്നു. പ്രശസ്ത ആദിവാസി…
This website uses cookies.