പ്രശസ്ത യുവ നടൻ നീരജ് മാധവ് നായകനാവുന്ന ചിത്രമാണ് പൈപ്പിൻ ചുവട്ടിലെ പ്രണയം. നവാഗതനായ ഡോമിൻ ഡിസിൽവ തിരക്കഥ എഴുതി സംവിധാനം ചെയ്ത ഈ ചിത്രം അധികം വൈകാതെ തന്നെ കേരളത്തിലെ തീയേറ്ററുകളിൽ പ്രദർശനത്തിന് എത്തും. ജേക്കബിന്റെ സ്വർഗ്ഗ രാജ്യം എന്ന ചിത്രത്തിൽ നിവിൻ പോളിയുടെ നായികയായി അരങ്ങേറിയ റീബ ആണ് ഈ ചിത്രത്തിൽ നീരജ് മാധവിന്റെ നായിക ആയെത്തുന്നത്. ചിത്രത്തിന്റെ ആദ്യ ടീസർ കുറച്ചു നാള് മുൻപേ പുറത്തിറങ്ങുകയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. ചിത്രത്തിന്റെ വ്യത്യസ്തമായ പോസ്റ്ററുകളും ശ്രദ്ധ നേടുന്നുണ്ട്. ഇപ്പോഴിതാ ചിത്രത്തിന്റെ ഒരു കാരക്ടർ ഇൻട്രോ പോസ്റ്റർ പുറത്തു വന്നിരിക്കുകയാണ്. ധർമജൻ ബോൾഗാട്ടി ഈ ചിത്രത്തിൽ അവതരിപ്പിക്കുന്ന കഥാപാത്രത്തിന്റെ പോസ്റ്റർ ആണ് വന്നിരിക്കുന്നത്.
ബാബുമോൻ എന്ന് പേരുള്ള കഥാപാത്രത്തെയാണ് ധർമജൻ ഈ ചിത്രത്തിൽ അവതരിപ്പിക്കുന്നത്. മാത്രമല്ല പോസ്റ്റർ കണ്ടാൽ നമ്മുക്ക് മനസ്സിലാവുന്നത് ധർമ്മജന്റെ ഒരു വ്യത്യസ്ത മേക് ഓവർ ഈ ചിത്രത്തിൽ നമ്മുക്ക് കാണാൻ കഴിയും എന്നാണ്. വിജയ കുമാർ പാലക്കുന്ന് ആണ് ഐശ്വര്യ സ്നേഹ മൂവീസിന്റെ ബാനറിൽ ഈ ചിത്രം നിർമ്മിച്ചിരിക്കുന്നത്. സംവിധായകനൊപ്പം ആന്റണി ജിബിനും ഈ ചിത്രത്തിന്റെ തിരക്കഥാ രചനയിൽ പങ്കാളിയാണ്. പവി കെ പവൻ ഛായാഗ്രഹണം നിർവഹിച്ചിരിക്കുന്ന ഈ ചിത്രത്തിന് സംഗീതം ഒരുക്കിയത് ബിജിപാൽ ആണ്. സന്ദീപ് നന്ദകുമാർ ആണ് ചിത്രത്തിന്റെ എഡിറ്റർ. നീരജ് മാധവ് നായകനായ ലവ കുശ ഈ മാസം തീയേറ്ററുകളിൽ എത്തിയിരുന്നു. പൈപ്പിൻ ചുവട്ടിലെ പ്രണയം കൂടി റിലീസ് ചെയ്യുന്നതോടെ നീരജ് മലയാള സിനിമയിലെ നായക നിരയിലേക്ക് ഉയർത്തപ്പെടുമെന്നാണ് പ്രതീക്ഷ.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.