കുറച്ചു ദിവസങ്ങൾക്കു മുൻപാണ് പ്രശസ്ത നടി മഞ്ജു വാര്യർ സംവിധായകൻ ശ്രീകുമാർ മേനോന് എതിരെ സംസ്ഥാന പോലീസ് മേധാവിക്ക് പരാതി നൽകിയത്. മോഹൻലാൽ- മഞ്ജു വാര്യർ ടീം അഭിനയിച്ച ഒടിയൻ എന്ന ചിത്രത്തിന്റെ സംവിധായകൻ ആയിരുന്നു ശ്രീകുമാർ മേനോൻ. മാത്രമല്ല മഞ്ജു വാര്യരെ വെച്ചു കല്യാൺ ജൂവല്ലേഴ്സ് പരസ്യങ്ങൾ ഒരുക്കി മഞ്ജുവിന്റെ തിരിച്ചു വരവിനു കളമൊരുക്കിയതും ശ്രീകുമാർ മേനോൻ ആണ്. പക്ഷെ ഇപ്പോൾ ശ്രീകുമാർ മേനോൻ തന്നെ ഭീഷണിപ്പെടുത്തുന്നു എന്നും അപായപ്പെടുത്താൻ സാധ്യത ഉണ്ടെന്നും പറഞ്ഞാണ് മഞ്ജു പരാതി നൽകിയത്. ഒരു സ്ത്രീയെന്ന നിലയിൽ തന്നെ അപമാനിക്കുകയാണ് ശ്രീകുമാർ മേനോൻ എന്നും മഞ്ജു പരാതിയിൽ പറഞ്ഞു.
ഇപ്പോൾ ക്രൈം ബ്രാഞ്ച് അന്വേഷിക്കുന്ന ആ കേസിൽ മഞ്ജുവിന്റെ മൊഴി രേഖപ്പെടുത്തിയിരുന്നു. ഇനി അന്വേഷണത്തിന്റെ ഭാഗമായി ഒടിയൻ എന്ന സിനിമയിൽ ജോലി ചെയ്തവരെ ചോദ്യം ചെയ്യാൻ ഒരുങ്ങുകയാണ് ക്രൈം ബ്രാഞ്ച്. ഇവരെ വിളിച്ചുവരുത്തി മൊഴിയെടുക്കാനാണ് ക്രൈംബ്രാഞ്ച് അന്വേഷണ സംഘത്തിന്റെ നീക്കം എന്നറിയുന്നു. ഈ ചിത്രത്തിന്റെ സെറ്റില് ഒരിക്കൽ കേക്ക് മുറിക്കുന്നതിനിടെ ശ്രീകുമാര് മേനോന് കയര്ത്തെന്നും മോശമായി സംസാരിച്ചെന്നും മഞ്ജു തന്റെ പരാതിയിൽ പറഞ്ഞിട്ടുണ്ട്. അത്കൊണ്ട് തന്നെ കേക്ക് മുറിക്കുന്ന സമയത്തു ആ സെറ്റിൽ ഉണ്ടായിരുന്ന എല്ലാവരേയും വിളിച്ചു വരുത്തി ചോദ്യം ചെയ്യാൻ ഉള്ള തീരുമാനത്തിൽ ആണ് ക്രൈം ബ്രാഞ്ച്.
ഈ ചിത്രത്തിന്റെ നിര്മ്മാതാവ് ആന്റണി പെരുമ്പാവൂര്, പ്രൊഡക്ഷന് കണ്ട്രോളര് സജി സി ജോസഫ്, മഞ്ജുവാര്യരുടെ ഓഡിറ്റര്, മഞ്ജു ഫാന്സ് അസോസിയേഷന് സെക്രട്ടറിരേഖ എന്നിവരില് നിന്ന് കുറച്ചു നാൾ മുൻപേ തന്നെ ക്രൈം ബ്രാഞ്ച് മൊഴി എടുത്തിരുന്നു. ശ്രീകുമാർ മേനോൻ തന്റെ പ്രൊജക്ടുകള് ഇല്ലാതാക്കുന്നുവെന്നും ഔദ്യോഗിക ആവശ്യങ്ങള്ക്കായി താൻ നല്കിയ ലെറ്റര് ഹെഡ് ദുരുപയോഗം ചെയ്യുമോയെന്ന് ഭയക്കുന്നുവെന്നും മഞ്ജു തന്റെ പരാതിയിൽ പറഞ്ഞിരുന്നു. പരാതിക്കൊപ്പം ചില തെളിവുകളും മഞ്ജു പൊലീസിന് കൈമാറിയിട്ടുണ്ട്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
പ്രതീക്ഷകൾ ഉണർത്തി മജു ചിത്രം 'പെരുമാനി' നാളെ മുതൽ (2024 മെയ് 10) തിയറ്ററുകളിൽ പ്രദർശനത്തിനെത്തുന്നു. സിനിമ കാണാൻ പ്രേക്ഷകരെ…
പ്രേക്ഷക-നിരൂപക പ്രശംസ നേടിയ 'അപ്പൻ'ന് ശേഷം മജു സംവിധാനം ചെയ്യുന്ന 'പെരുമാനി' റിലീസിനൊരുങ്ങുന്നു. മെയ് 10ന് ചിത്രം തിയറ്ററുകളിലെത്തും. സണ്ണി…
This website uses cookies.