ജനപ്രിയ നായകൻ ദിലീപിന്റെ കരിയറിലെ ഏറ്റവും വലിയ ചിത്രങ്ങളിൽ ഒന്നായി ഷൂട്ടിംഗ് ആരംഭിച്ച ചിത്രമാണ് പ്രൊഫസർ ഡിങ്കൻ. റാഫിയുടെ രചനയിൽ പ്രശസ്ത ക്യാമെറാമാനായിരുന്ന രാമചന്ദ്ര ബാബു സംവിധാനം ചെയ്തു തുടങ്ങിയ ഈ ചിത്രം ത്രീഡി ഫോര്മാറ്റിലാണു ഒരുക്കാനാരംഭിച്ചതു. എന്നാൽ രാമചന്ദ്ര ബാബു അപ്രതീക്ഷിതമായി അന്തരിച്ചതോടെയും ചിത്രത്തിന്റെ ഷൂട്ടിംഗ് ഷെഡ്യൂളുകൾ പല തവണ മാറി പോയതോടെയും ഈ ചിത്രം ഇതുവരെ പൂർത്തിയാവാത്ത അവസ്ഥയിലാണ്. ഇപ്പോഴിതാ ഈ ചിത്രത്തിന്റെ പേരിൽ ആറു കോടി രൂപയുടെ തട്ടിപ്പു നടന്നതായി കാണിച്ചു കേരളാ മുഖ്യമന്ത്രിക്ക് പരാതി നൽകിയിരിക്കുകയാണ് റാഫേൽ പി തോമസ് എന്ന ഇരിങ്ങാലക്കുടക്കാരനായ പ്രവാസി വ്യവസായി. ഈ ചിത്രത്തിന്റെ നിർമ്മാതാവായ സനൽ കുമാറിന് എതിരെയാണ് പരാതി പോയിരിക്കുന്നത്.
അദ്ദേഹം മുഖ്യമന്ത്രിക്ക് അയച്ചിരിക്കുന്ന പരാതി പ്രകാരം പ്രൊഫസർ ഡിങ്കൻ ചിത്രത്തിന്റെ നിർമ്മാതാവ് തിരുവനന്തപുരം സ്വദേശിയായ സനൽ തോട്ടം, ആദ്യം അഞ്ചു കോടി രൂപയോളം ഈ ചിത്രത്തിന്റെ പേരിൽ അദ്ദേഹത്തിൽ നിന്ന് തട്ടിച്ച ശേഷം ഇപ്പോൾ വധ ഭീഷണിയും തുടങ്ങിയിരിക്കുകയാണ് എന്നാണ്. ചിത്രം പൂർത്തിയാക്കാൻ പോലും ശ്രമിക്കാതെ പാതി പൂർത്തിയായ ചിത്രത്തിന്റെ ഭാഗങ്ങൾ കാണിച്ചു ഇപ്പോഴും സനൽ തോട്ടം പലരിൽ നിന്നുമായി കാശ് തട്ടുകയാണെന്നും റാഫേൽ ആരോപിക്കുന്നു. നിലവിലെ കരാർ പ്രകാരം സിനിമയുടെ നിർമ്മാണം മുന്നോട്ടു പോവാത്ത സാഹചര്യം ഉണ്ടായതു കൊണ്ട് സിനിമയുടെ പൂർണ്ണമായ അവകാശം തനിക്കു ആണെന്നും എന്നാൽ അതുപോലും അനുവദിച്ചു തരാൻ സനൽ തയ്യാറാവുന്നില്ലായെന്നും റാഫേൽ കൂട്ടിച്ചേർത്തു. സ്വയം കുടുംബത്തോടൊപ്പം തീ കൊളുത്തി മരിക്കുമെന്ന് പറയുന്നതിനൊപ്പം താൻ നാട്ടിൽ വന്നാൽ തന്നെ ഗുണ്ടകളെ കൊണ്ട് കൊലപ്പെടുത്തുമെന്നും ഫോണിലൂടെ ഭീഷണിപ്പെടുത്തുകയാണ് സനൽ തോട്ടമെന്നും, ഇതിനെതിരെ വേണ്ട നടപടികൾ സ്വീകരിക്കണമെന്നുമാണ് റാഫേൽ മുഖ്യമന്ത്രിക്ക് അയച്ച പരാതിയിൽ പറയുന്നത്. പൂർണ്ണമായും ത്രീഡി ടെക്നോളജി ഉപയോഗിച്ചു ഒരുക്കുന്ന പ്രൊഫസർ ഡിങ്കനിൽ നമിത പ്രമോദ് ആണ് ദിലീപിന്റെ നായിക ആയി അഭിനയിച്ചത്.
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
പായൽ കപാഡിയയുടെ 'ഓൾ വി ഇമാജിൻ ആസ് ലൈറ്റ്' (പ്രഭയായ് നിനച്ചതെല്ലാം) 2024 സെപ്റ്റംബർ 21 മുതൽ കേരളത്തിൽ പ്രദർശനം…
ഒരു വലിയ ഇടവേളക്ക് ശേഷം ആക്ഷൻ സൂപ്പർസ്റ്റാർ സുരേഷ് ഗോപി വക്കീൽ വേഷത്തിലെത്തുന്ന ചിത്രമാണ് 'ജെ.എസ്.കെ' (ജാനകി v\s സ്റ്റേറ്റ്…
തമിഴ്നാട്ടിൽ ജയിലറിനെ മറികടന്ന് ദളപതി വിജയ്യുടെ ഗോട്ട്. തമിഴ്നാട് നിന്ന് മാത്രം 200 കോടി നേട്ടത്തിലേക്ക് കുതിക്കുന്ന ഈ ചിത്രം…
This website uses cookies.