കഴിഞ്ഞ വർഷം റിലീസ് ചെയ്ത മെഗാ ബ്ലോക്ക്ബസ്റ്റർ ആയി മാറിയ തമിഴ് ചിത്രമാണ് ലോകേഷ് കനകരാജ് ഒരുക്കിയ വിക്രം. ഉലകനായകൻ കമൽ ഹാസൻ നായകനായി എത്തിയ ഈ ചിത്രത്തിൽ ഫഹദ് ഫാസിൽ, വിജയ് സേതുപതി എന്നിവരും, അഥിതി വേഷത്തിൽ സൂര്യയും അഭിനയിച്ചു. തന്റെ മുൻ ബ്ലോക്ക്ബസ്റ്റർ ചിത്രമായ കൈതിയിലെ കഥാപാത്രങ്ങളെ കൂടി ഉൾപ്പെടുത്തി, വിക്രത്തിലൂടെ ഒരു ലോകേഷ് സിനിമാറ്റിക് യൂണിവേഴ്സ് കൂടി ലോകേഷ് കനകരാജ് ആരംഭിച്ചിരുന്നു. ഇപ്പോഴിതാ ഈ യൂണിവേഴ്സിലേക്ക് തമിഴ് സൂപ്പർ താരം ചിയാൻ വിക്രം കൂടി വരികയാണെന്ന വാർത്തകളാണ് വരുന്നത്. കമൽ ഹാസൻ, സൂര്യ എന്നിവർക്കൊപ്പം വിക്രം 2 എന്ന ചിത്രത്തിലെ ഒരു പ്രധാന വേഷവുമായി ലോകേഷ് ചിയാൻ വിക്രമിനെ സമീപിച്ചു എന്ന വാർത്തകളാണ് വരുന്നത്. നേരത്തെ വിക്രമിൽ സൂര്യ അവതരിപ്പിച്ച റോളക്സ് എന്ന വില്ലൻ കഥാപാത്രമാകാൻ ലോകേഷ് ആദ്യം ക്ഷണിച്ചത് ചിയാൻ വിക്രമിനെ ആണ്.
എന്നാൽ വളരെ ചെറിയ കഥാപാത്രമാണ് അതെന്നത് കൊണ്ട് വിക്രം ആ വേഷം ഉപേക്ഷിക്കുകയായിരുന്നു. അതിന് ശേഷം വിജയ്യെ നായകനാക്കി ലോകേഷ് ഒരുക്കുന്ന ദളപതി 67 ഇൽ ഇപ്പോൾ അർജുൻ അവതരിപ്പിക്കുന്ന വേഷത്തിലേക്ക് ചിയാൻ വിക്രമിനെ പരിഗണിച്ചിരുന്നു. ആ കഥാപാത്രവും ചെറുതായത് കൊണ്ടാണ് വിക്രം വേണ്ടെന്ന് വെച്ചതെന്ന് വാർത്തകൾ സൂചിപ്പിക്കുന്നു. ഏതായാലും വിക്രം 2 ഇൽ ഒരു വലിയ കഥാപാത്രം തന്നെയാണ് ലോകേഷ് ചിയാന് വേണ്ടി കാത്തു വെച്ചിരിക്കുന്നതെന്നാണ് സൂചന. മാസ്റ്ററിനു ശേഷം ലോകേഷ് വിജയ്യെ നായകനാക്കി ഒരുക്കുന്ന പുതിയ ചിത്രവും ലോകേഷ് സിനിമാറ്റിക് യൂണിവേഴ്സിന്റെ ഭാഗം ആകുമോ എന്നറിയാനുള്ള ആകാംക്ഷയിലാണ് ഇപ്പോൾ ആരാധകർ.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.