തമിഴകത്തിന്റെ സൂപ്പർ താരം ചിയാൻ വിക്രം നായകനായി എത്തുന്ന ഏറ്റവും പുതിയ ചിത്രത്തിന്റെ ഷൂട്ടിംഗ് ഇന്ന് മുതൽ ആരംഭിച്ചു. ചിത്രത്തിന്റെ പൂജ ചടങ്ങിൽ നിന്നുള്ള ചിത്രങ്ങൾ ഇപ്പോൾ വലിയ രീതിയിലാണ് സോഷ്യൽ മീഡിയയുടെ ശ്രദ്ധ നേടുന്നത്. അട്ടകത്തി, മദ്രാസ്, കാല, കബാലി, സര്പട്ട പരമ്പരൈ, നച്ചത്തിരം നഗര്ഗിരത് എന്നിവക്ക് ശേഷം പാ രഞ്ജിത് ഒരുക്കുന്ന ഈ ചിത്രം സ്റ്റുഡിയോ ഗ്രീനിന്റെ ബാനറില് കെ ഇ ജ്ഞാനവേല് രാജ ആണ് നിർമ്മിക്കുന്നത്. ഈ ബാനറിൽ ഒരുങ്ങുന്ന ഏറ്റവും മുതൽ മുടക്കുള്ള ചിത്രമാണിതെന്നും അദ്ദേഹം പറയുന്നു. ത്രീഡിയിൽ ഒരുക്കാൻ പോകുന്ന ഈ ചിത്രം ഒരു പീരീഡ് ഡ്രാമ ആയാണ് ഒരുക്കുന്നത്. കെ ജി എഫ് എന്ന കന്നഡ സിനിമാ സീരിസിലൂടെ പ്രശസ്തമായ കോളാർ ഗോൾഡ് മൈനിന്റെ, ആരംഭകാലത്തെ കഥയാണ് ഈ ചിത്രം പറയുന്നതെന്നാണ് സൂചന. ഇന്ത്യക്കു സ്വാതന്ത്ര്യം ലഭിക്കുന്നതിന് മുൻപ് നടന്ന കഥയാണ് പറയുന്നതെന്നും, ഇപ്പോൾ ഉപേക്ഷിക്കപ്പെട്ടു കിടക്കുന്ന യഥാർത്ഥ കോളാർ ഗോൾഡ് മൈനിങ് ഫീൽഡിലാണ് ഈ ചിത്രത്തിന്റെ നിർണ്ണായക ഭാഗങ്ങൾ ചിത്രീകരിക്കുകയെന്നും വാർത്തകൾ വരുന്നുണ്ട്.
മൈതാനം എന്നാണ് ഇതിനു നൽകിയിരിക്കുന്ന പേരെന്ന് സോഷ്യൽ മീഡിയയിൽ വാർത്തകൾ പ്രചരിക്കുന്നുണ്ടെങ്കിലും, ആ വാർത്തക്ക് ഇതുവരെ സ്ഥിതീകരണം ലഭിച്ചിട്ടില്ല. ജി വി പ്രകാശ് കുമാറാണ് ഈ വമ്പൻ ചിത്രത്തിന് വേണ്ടി സംഗീത സംവിധാനം നിർവഹിക്കുന്നത്. വിക്രത്തിന്റെ കരിയറിലെ ഏറ്റവും മികച്ച വേഷങ്ങളിൽ ഒന്നായിരിക്കും ഇതെന്നാണ് സൂചന. വലിയ താരനിര തന്നെ ഇതിൽ അണിനിരക്കുമെന്നും റിപ്പോർട്ടുകളുണ്ട്. ഏതായാലും വിക്രം ആരാധകരും തെന്നിന്ത്യൻ സിനിമ പ്രേമികളും ഏറെ കാത്തിരിക്കുന്ന ഒരു ചിത്രമായി ഇപ്പോൾ തന്നെ ചിയാൻ 61 മാറിക്കഴിഞ്ഞു.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
സൂപ്പർസ്റ്റാർ രജനികാന്തിനെ നായകനാക്കി ടി ജെ ജ്ഞാനവേൽ രചിച്ചു സംവിധാനം ചെയ്ത വേട്ടയ്യൻ്റെ സെൻസറിംഗ് പൂർത്തിയായി. യു എ സർട്ടിഫിക്കറ്റ്…
പൃഥ്വിരാജ് സുകുമാരനെ നായകനാക്കി അമൽ നീരദ് സംവിധാനം ചെയ്ത മാസ്സ് ആക്ഷൻ ത്രില്ലർ ചിത്രം അൻവർ റീ റിലീസിനെത്തുന്നു. പൃഥ്വിരാജ്…
ആസിഫ് അലി നായകനായ കിഷ്കിന്ധാ കാണ്ഡം ആഗോള ഗ്രോസ് ആയി 70 കോടിയിലേക്ക് അടുക്കുന്നു. കേരളത്തിൽ നിന്ന് മാത്രം 30…
ലോകേഷ് കനകരാജ് സംവിധാനം ചെയ്യുന്ന കൂലിയുടെ ചിത്രീകരണത്തിനിടെ കടുത്ത ദേഹാസ്വാസ്ഥ്യം അനുഭവപ്പെട്ട സൂപ്പർസ്റ്റാർ രജനികാന്തിനെ അടിയന്തിരമായി ആശുപത്രിയിൽ പ്രവേശിപ്പിച്ചു. കടുത്ത…
കിസ്മത്ത്, തൊട്ടപ്പന് എന്നീ ചിത്രങ്ങള്ക്ക് ശേഷം ഷാനവാസ് കെ ബാവക്കുട്ടി സംവിധാനം ചെയ്യുന്ന 'ഒരു കട്ടില് ഒരു മുറി' യുടെ…
This website uses cookies.