വിജയ ചരിത്രം ആവർത്തിക്കാൻ ‘ഷാഫി- റാഫി ‘ ടീമിന്റെ ചിൽഡ്രൻസ് പാർക്ക് നാളെ മുതൽ

മലയാളികൾ ഈ വർഷം ഏറെ പ്രതീക്ഷയോടെ കാത്തിരുന്ന ചിത്രമാണ് ചിൽഡ്രൻസ് പാർക്ക്. ഷാഫി സംവിധാനം ചെയ്തിരിക്കുന്ന ഈ ചിത്രം നാളെയാണ് പ്രദർശനത്തിനെത്തുന്നത്. പ്രേക്ഷകരെ ഏറെ ചിരിപ്പിക്കുന്ന കഥാസന്ദര്ഭങ്ങൾ കോർത്തിണക്കികൊണ്ട് റാഫിയാണ് ചിത്രത്തിന് വേണ്ടി തിരക്കഥാ ഒരുക്കിയിരിക്കുന്നത്. ദ്രുവൻ, വിഷ്ണു ഉണ്ണികൃഷ്ണൻ, ഷറഫുദീൻ എന്നിവരാണ് ചിത്രത്തിൽ നായകന്മാരായി വേഷമിടുന്നത്. ഹാസ്യത്തിന് ഏറെ പ്രാധാന്യം നൽകികൊണ്ട് ഒരു മുഴുനീള കോമഡി എന്റർട്ടയിനർ എന്ന രൂപത്തിലാണ് ചിത്രം അണിയിച്ചൊരുക്കിയിരിക്കുന്നത്. മാനസ്സ രാധാകൃഷ്ണൻ, ഗായത്രി സുരേഷ്, സൗമ്യ മേനോൻ എന്നിവരാണ് നായികമാർ.

2 കൻട്രിസ് എന്ന സൂപ്പർഹിറ്റ് ചിത്രത്തിന് ശേഷം റാഫി-ഷാഫി കൂട്ടുകെട്ട് വീണ്ടും ഒന്നിക്കുമ്പോൾ പ്രതീക്ഷകൾ വാനോളമാണ് ഉയരുന്നത്. കേരളത്തിൽ വലിയ റിലീസോട് കൂടിയാണ് ചിത്രം പ്രദർശനത്തിനെത്തുന്നത്. ഈദ് റിലീസായിയെത്തുന്ന ചിത്രത്തിന് നല്ല പ്രീ ബുക്കിങ്ങുമുണ്ട്. കേരളത്തിലെ തീയറ്ററുകളിൽ രാവിലെ 11 മണിക്ക് ശേഷമാണ് പ്രദർശനം ആരംഭിക്കുന്നത്. അരുൺ രാജാണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. ഫൈസൽ അലിയാണ് ഛായാഗ്രഹണം നിർവഹിച്ചിരിക്കുന്നത്. വി. സാജനാണ് എഡിറ്റിംഗ് വർക്കുകൾ കൈകാര്യം ചെയ്തിരിക്കുന്നത്. കൊച്ചിൻ ഫിലിംസിന്റെ ബാനറിൽ മിലൻ ജലീൽ റോപ്പ്സ് ഓമനയും ചേർന്നാണ് ചിത്രം നിർമ്മിച്ചിരിക്കുന്നത്