ഹോട്ട്സ്റ്റാറിൽ രണ്ടു പുതിയ ഓൾ ടൈം റെക്കോർഡുകൾ സൃഷ്ടിച്ചു ബ്രോ ഡാഡി; മോഹൻലാൽ- പൃഥ്വിരാജ് ചിത്രം പാൻ ഇന്ത്യൻ ബ്ലോക്കബ്സ്റ്റർ..!

കംപ്ലീറ്റ് ആക്ടർ മോഹൻലാൽ മലയാള സിനിമയുടെ ബോക്സ് ഓഫീസ് റെക്കോർഡുകളിൽ തൊണ്ണൂറു ശതമാനവും കയ്യാളുന്ന താരമാണ്. കഴഞ്ഞ വർഷം ദൃശ്യം 2 എന്ന ജീത്തു ജോസഫ് ചിത്രത്തിലൂടെ ഒടിടിയിലും അരങ്ങേറ്റം കുറിച്ച മോഹൻലാൽ അവിടെയും പുത്തൻ ചരിത്രമാണ് സൃഷ്ടിച്ചത് ആമസോൺ പ്രൈമിന്റെ ചരിത്രത്തിലെ തന്നെ ഏറ്റവും കൂടുതൽ പ്രേക്ഷകർ കണ്ട ഇന്ത്യൻ ചിത്രങ്ങളുടെ പട്ടികയിലാണ് ദൃശ്യം 2 സ്ഥാനം നേടിയത്. മലയാള ചിത്രങ്ങളുടെ പട്ടികയിലേക്ക് വരുമ്പോൾ ഇപ്പോഴും ആമസോൺ പ്രൈമിലെ ഏറ്റവും കൂടുതൽ കാഴ്‌ചക്കരെ നേടിയ മലയാള ചിത്രമായി ദൃശ്യം 2 തുടരുകയാണ്. ഇപ്പോഴിതാ, മോഹൻലാൽ നായകനായ പുതിയ ചിത്രമായ ബ്രോ ഡാഡിയും ഒടിടി പ്ലാറ്റ്‌ഫോമിൽ പുത്തൻ ചരിത്രം സൃഷ്ടിക്കുകയാണ്. ഡിസ്‌നി പ്ലസ് ഹോട്ട് സ്റ്റാറിൽ റിലീസ് ചെയ്ത ഈ ചിത്രം ഇതിനോടകം രണ്ടു ഓൾ ടൈം റെക്കോർഡുകൾ ആണ് സൃഷ്ടിച്ചത്.

ഏറ്റവും കൂടുതൽ സബ്സ്ക്രിപ്ഷൻ റിലീസിന്റെ ആദ്യ ദിനം തന്നെ ഹോട്ട് സ്റ്റാറിന് നേടിക്കൊടുത്ത ചിത്രമെന്ന റെക്കോർഡ് ഇനി ബ്രോ ഡാഡി എന്ന മലയാള ചിത്രത്തിന് സ്വന്തം. അതുപോലെ തന്നെ ഏറ്റവും കൂടുതൽ ആളുകൾ ആദ്യ ദിനം ഹോട്ട് സ്റ്റാറിൽ കണ്ട രണ്ടാമത്തെ ഇന്ത്യൻ ചിത്രം എന്ന ബഹുമതിയും ബ്രോ ഡാഡി നേടിയെടുത്തു. ഹോട്ട് സ്റ്റാർ ടീം തന്നെയാണ് ഈ വിവരം അവരുടെ ഒഫീഷ്യൽ സോഷ്യൽ മീഡിയ അക്കൗണ്ടിലൂടെ പുറത്തു വിട്ടത്‌. പൃഥ്വിരാജ് സുകുമാരൻ സംവിധാനം ചെയ്ത ഈ ഫാമിലി കോമഡി എന്റെർറ്റൈനെർ പാൻ ഇന്ത്യൻ ലെവലിൽ ആണ് സൂപ്പർ ഹിറ്റാവുന്നതു. അന്യ ഭാഷാ പ്രേക്ഷകരും ഗംഭീര അഭിപ്രായം നൽകുന്ന ബ്രോ ഡാഡിയുടെ ഹൈലൈറ്റ് തന്നെ മോഹൻലാൽ, ലാലു അലക്സ് എന്നിവരുടെ കിടിലൻ കോമഡി പെർഫോമൻസ് ആണ്.