വൈറലായി ആസിഡ് അറ്റാക്കിന് വിധേയായ യുവതിയുടെ വീഡിയോ; ഇതാണ് ചിത്രത്തിന്റെ യഥാർത്ഥ വിജയം എന്ന് പ്രേക്ഷകർ..

ആറ്റ്ലി സംവിധാനം ചെയ്ത ബിഗിൽ എന്ന ദളപതി വിജയ് ചിത്രം ഇരുനൂറു കോടി ബോക്സ് ഓഫിസ് കളക്ഷനും പിന്നിട്ടു വലിയ വിജയത്തിലേക്ക് കുതിക്കുകയാണ്. വിജയ് ഇരട്ട വേഷത്തിൽ എത്തുന്ന ഈ ചിത്രം ഫോക്കസ് ചെയ്തിരിക്കുന്നത് സ്ത്രീ ശാക്തീകരണം, ഫെമിനിസം എന്നീ വിഷയങ്ങളിലും കായിക ലോകത്തു നടക്കുന്ന മോശമായ രാഷ്ട്രീയ കളികളിലും ഒക്കെയാണ്. വനിതാ ഫുട്ബോൾ ടീമിന്റെ പശ്ചാത്തലത്തിൽ കഥ പറയുന്ന ഈ ചിത്രത്തിൽ വനിതാ ഫുട്ബോൾ ടീം കോച്ച് ആയാണ് വിജയ് അഭിനയിക്കുന്നത്. ഈ ചിത്രത്തിലെ വനിതാ ഫുട്ബോൾ താരങ്ങൾ ആയി അഭിനയിച്ച ഓരോരുത്തരും തങ്ങളുടെ ഗംഭീര പ്രകടനം കൊണ്ട് പ്രേക്ഷകരുടെ കയ്യടി നേടുകയാണ്.

ഇപ്പോഴിതാ ആസിഡ് ആക്രമണത്തിൽ പരിക്ക് പറ്റിയ ഒരു പെൺകുട്ടി ചെയ്ത ഒരു ബിഗിൽ സ്പെഷ്യൽ ടിക് ടോക് മോഡൽ വീഡിയോ ആണ് പ്രേക്ഷകരുടെ ഇടയിൽ വൈറൽ ആവുന്നത്. ബിഗിൽ എന്ന ചിത്രത്തിൽ മലയാളി നടിയായ റീബ മോണിക്ക ജോൺ അവതരിപ്പിച്ച കഥാപാത്രത്തിന്റെ ഡയലോഗ് ആണ് ഈ പെൺകുട്ടി അവതരിപ്പിച്ചിരിക്കുന്നത്. ബിഗിൽ ടീമും ഷെയർ ചെയ്ത ഈ വീഡിയോ ആരാധകരുടേയും സിനിമ പ്രേമികളുടേയും ഇടയിൽ ഏറെ ശ്രദ്ധ നേടുകയാണ്. യഥാർത്ഥത്തിൽ ഇതൊക്കെയാണ് ഈ ചിത്രം നേടുന്ന വലിയ വിജയം എന്നും ജനങ്ങൾ മനസ്സ് കൊണ്ട് ഈ ചിത്രത്തെ സ്വീകരിച്ചതിനു തെളിവാണ് ഇത്തരം വീഡിയോകൾ എന്നും വിജയ് ആരാധകരും മറ്റു പ്രേക്ഷകരും പറയുന്നു.

സ്ത്രീകളുടെ ശ്കതിയും കഴിവും അവരുടെ പ്രാധാന്യവും കാണിച്ചു തരുന്ന ഈ ചിത്രം അവർ സ്വീകരിച്ചു എന്നതിന്റെ തെളിവായാണ് ഇത്തരം വീഡിയോകൾ ആരാധകർ ഷെയർ ചെയ്യുന്നത്. ഏതായാലും ഈ ചിത്രത്തിൽ റീബ അവതരിപ്പിച്ച അനിത എന്ന കഥാപാത്രത്തിന്റെ കൂടി വിജയമാണ് ഈ വീഡിയോ. ഈ നടിയുടെ മികച്ച പ്രകടനമാണ് അതിനു കാരണമായത് എന്നും പ്രേക്ഷകർ പറയുന്നു. ഏതായാലും അഭിനേതാക്കളുടെ പ്രകടനവും ചിത്രത്തിന്റെ പ്രമേയവുമെല്ലാം ഒരുപോലെ കയ്യടി നേടുന്ന കാഴ്ചയാണ് നമ്മുക്ക് കാണാന്‍ സാധിക്കുന്നത്.

https://twitter.com/OTFC_Off/status/1190291949581815810?s=19&fbclid=IwAR1RNDhsfP0gvCvtrV6MDiuO4iP6xZtbNAbBvPP_AHYMhrPkypGFBCD4vdQ