ഷാഫിക്ക പതിവ് തെറ്റിച്ചില്ല; ചിൽഡ്രൻസ് പാർക്കിനെ പുകഴ്ത്തി ബിബിൻ ജോർജ്..!

മലയാളത്തിലെ സൂപ്പർ ഹിറ്റ് സംവിധായകരിൽ ഒരാളായ ഷാഫി മറ്റൊരു സൂപ്പർ ഹിറ്റ്‌ കൂടി നമ്മുക്ക് സമ്മാനിച്ചു കഴിഞ്ഞു. ഷാഫി ഒരുക്കിയ പുതിയ ചിത്രമായ ചിൽഡ്രൻസ് പാർക്ക് ഇപ്പോൾ കുടുംബ പ്രേക്ഷകർ നിറഞ്ഞ മനസ്സോടെ സ്വീകരിക്കുന്ന കാഴ്ചയാണ് കാണാൻ സാധിക്കുന്നത്. ഏറെ പൊട്ടിച്ചിരിപ്പിക്കുന്ന ഈ ചിത്രത്തെ യുവാക്കളും ഇരു കയ്യും നീട്ടി സ്വീകരിച്ചു കഴിഞ്ഞു. ഷാഫിക്ക പതിവ് തെറ്റിച്ചില്ല എന്നും, എല്ലാവർക്കും ഇഷ്ട്ടപ്പെടുന്ന ഒരു കംപ്ലീറ്റ് എന്റർടൈനർ ആണ് ചിൽഡ്രൻസ് പാർക്ക് എന്നുമാണ് പ്രശസ്ത നടനും രചയിതാവും ആയ ബിബിൻ ജോർജ് പറയുന്നത്. ഷാഫിയുടെ ഒരു പഴയ ബോംബ് കഥ എന്ന ചിത്രത്തിലൂടെ ആണ് ബിബിൻ ജോർജ് മലയാള സിനിമയിൽ നായകനായി അരങ്ങേറ്റം കുറിച്ചത്. വിഷ്ണു ഉണ്ണിക്കൃഷ്ണനു ഒപ്പം ചേർന്നു അമർ അക്ബർ അന്തോണി, കട്ടപ്പനയിലെ ഋത്വിക് റോഷൻ, ഒരു യമണ്ഡൻ പ്രേമ കഥ എന്നീ ചിത്രങ്ങൾ രചിച്ചതും ബിബിൻ ജോർജ് ആണ്.

ഷറഫുദീൻ, ധ്രുവൻ, വിഷ്ണു ഉണ്ണികൃഷ്ണൻ എന്നിവരാണ് ചിൽഡ്രൻസ് പാർക്കിലെ നായക വേഷങ്ങൾ ചെയ്തിരിക്കുന്നത്. ഷാഫിയുടെ സഹോദരനും, പ്രശസ്ത രചയിതാവും നടനും സംവിധായകനുമായ റാഫി തിരക്കഥ രചിച്ചിരിക്കുന്ന ഈ ചിത്രം നിർമ്മിച്ചിരിക്കുന്നത് കൊച്ചിൻ ഫിലിമ്സിന്റെ ബാനറിൽ രൂപേഷ് ഓമനയും മിലന്‍ ജലീലും ചേര്‍ന്നാണ്. ഗായത്രി സുരേഷ്, മാനസ രാധാകൃഷ്ണന്‍, സൗമ്യ മേനോൻ എന്നിവർ ആണ് ഈ ചിത്രത്തിലെ നായികമാർ. ഫൈസൽ അലി ആണ് ഈ ചിത്രത്തിന് വേണ്ടി ദൃശ്യങ്ങൾ ഒരുക്കിയിരിക്കുന്നത്. പ്രണയവും സൗഹൃദവും കോമഡിയുമെല്ലാം കൂട്ടി ചേർത്ത ഒരു കിടിലന് ഫാമിലി എന്റെർറ്റൈനെർ എന്ന് നമ്മുക്ക് ഈ ചിത്രത്തെ വിശേഷിപ്പിക്കാം.