2021 എന്ന വർഷം അവസാനിക്കുകയാണ്. ഈ വർഷത്തിലെ ഭൂരിഭാഗം മാസങ്ങളും കോവിഡ് പ്രതിസന്ധി കാരണം സിനിമയ്ക്കു നല്ലതായിരുന്നില്ല എങ്കിലും ഒറ്റിറ്റി വഴിയും ചുരുക്കം ചില തീയേറ്റർ റിലീസ് വഴിയും ഒരുപിടി മികച്ച ചിത്രങ്ങൾ നമ്മുടെ മുന്നിലെത്തി. ഈ വർഷം ഏറ്റവും കൂടുതൽ പ്രേക്ഷകരുടെ മികച്ച റേറ്റിംഗ് നേടിയ ചിത്രങ്ങൾ ഏതൊക്കെയെന്ന ലിസ്റ്റ് ഇന്റർനെറ്റ് മൂവി ഡാറ്റ ബേസ് പുറത്തു വിട്ടിരിക്കുകയാണ്. ഏറ്റവും കൂടുതൽ റേറ്റിംഗ് നേടി ഈ ലിസ്റ്റിൽ മുന്നിൽ നിൽക്കുന്നത് മോഹൻലാൽ നായകനായ ദൃശ്യം 2 ആണ്. ആശീർവാദ് സിനിമാസ് നിർമ്മിച്ച ഈ ജീത്തു ജോസഫ് ചിത്രം ആഗോള തലത്തിൽ വരെ വമ്പൻ തരംഗമായി മാറി. 8.6 ആണ് ഈ ചിത്രത്തിന് ലഭിച്ച റേറ്റിംഗ് പോയിന്റ്. ഇതേ റേറ്റിംഗ് പോയിന്റ് ലഭിച്ച ടോവിനോ തോമസ്- ബേസിൽ ജോസഫ് ചിത്രമായ മിന്നൽ മുരളി ആണ് ഈ ലിസ്റ്റിലെ രണ്ടാം സ്ഥാനത്തു ഉള്ളത്. ദൃശ്യം 2 ആമസോൺ പ്രൈം റിലീസ് ആയിരുന്നു എങ്കിൽ മിന്നൽ മുരളി നെറ്റ്ഫ്ലിക്സിൽ ആണ് എത്തിയത്.
നവാഗതനായ ചിദംബരം ഒരുക്കിയ ബേസിൽ ജോസെഫ് ചിത്രം ജാനേമൻ മൂന്നാം സ്ഥാനത്തും ജിയോ ബേബി ഒരുക്കിയ ദി ഗ്രേറ്റ് ഇന്ത്യൻ കിച്ചൻ നാലാം സ്ഥാനത്തുമാണ് എത്തിയത്. 8.5 ആണ് ജാനേമൻ നേടിയ റേറ്റിങ് എങ്കിൽ 8.3 ആണ് ദി ഗ്രേറ്റ് ഇന്ത്യ കിച്ചൻ നേടിയെടുത്തത്. ജാനേമൻ തീയേറ്ററിലും ദി ഗ്രേറ്റ് ഇന്ത്യൻ കിച്ചൻ ഒടിട്ടിയിലുമാണ് റിലീസ് ചെയ്തത്. 8.2 റേറ്റിംഗ് പോയിന്റുകൾ നേടി ഓപ്പറേഷൻ ജാവ, മാലിക് എന്നിവ അഞ്ചും ആറും സ്ഥാനം നേടിയെടുത്തു. നവാഗതനായ തരുൺ മൂർത്തി ഒരുക്കിയ ഓപ്പറേഷൻ ജാവ തീയേറ്ററിലും മഹേഷ് നാരായണൻ ഒരുക്കിയ ഫഹദ് ഫാസിൽ ചിത്രം മാലിക് ആമസോൺ പ്രൈം റിലീസ് ആയുമാണ് വന്നത്. നായാട്ട്, ജോജി, തിങ്കളാഴ്ച നിശ്ചയം എന്നിവയാണ് ഏഴും എട്ടും ഒൻപതും സ്ഥാനം നേടിയ ചിത്രങ്ങൾ.
മാർട്ടിൻ പ്രക്കാട്ട് ചിത്രം നായാട്ടു തീയേറ്റർ റിലീസ് ആയിരുന്നു എങ്കിൽ, ഫഹദ്- ദിലീഷ് പോത്തൻ ടീമിന്റെ ജോജി ആമസോൺ പ്രൈം റിലീസ് ആയും സെന്ന ഹെഗ്ഡെ എന്ന നവാഗതൻ ഒരുക്കിയ തിങ്കളാഴ്ച നിശ്ചയം സോണി ലൈവിലും ആണ് വന്നത്. സജിൻ ബാബു ഒരുക്കിയ ബിരിയാണി ആണ് ഈ ലിസ്റ്റിൽ പത്താം സ്ഥാനത്തു ഉള്ളത്. ഇത് കൂടാതെ കുറച്ചു ദിവസം മുൻപ് റിലീസ് ചെയ്ത ജോജു ജോർജ്- അഹമ്മദ് കബീർ ചിത്രം മധുരവും ഈ ലിസ്റ്റിൽ വൈകാതെ ഇടം പിടിക്കും എന്നാണ് പ്രതീക്ഷ. മികച്ച പ്രേക്ഷക പ്രതികരണമാണ് ഈ ചിത്രം നേടിയെടുക്കുന്നത്. റോജിൻ തോമസ് ഒരുക്കിയ ഇന്ദ്രൻസ് ചിത്രം ഹോമും ഗംഭീര പ്രേക്ഷക പ്രതികരണം നേടിയ മലയാള ചിത്രമാണ്. മധുരവും ഹോമും ഒറ്റിറ്റി റിലീസ് ആയാണ് എത്തിയത്.
ധ്യാൻ ശ്രീനിവാസൻ, ധ്രുവൻ, അനീഷ് ഗോപാൽ, അഭിഷേക് ശ്രീകുമാർ, ശ്രുതി ജയൻ, നയന എൽസ, നൈറ നിഹാർ, അർച്ചന വിവേക്…
ആർ. മാധവൻ കേന്ദ്രകഥാപാത്രത്തെ അവതരിപ്പിക്കുന്ന ഏറ്റവും പുതിയ ചിത്രം 'ജി.ഡി. നായിഡു' എന്ന സിനിമയുടെ പ്രചാരണത്തിന്റെ ഭാഗമായി, ചിത്രത്തിൽ ഉപയോഗിച്ചിട്ടുള്ള…
മോഹൻലാലിന്റെ മകൾ വിസ്മയ മോഹൻലാൽ അഭിനയരംഗത്തേക്ക് അരങ്ങേറ്റം കുറിക്കുന്ന ‘തുടക്കം’ എന്ന ചിത്രത്തിന്റെ ട്രെയിലർ പുറത്തിറങ്ങി. ‘2018’ എന്ന മെഗാഹിറ്റ്…
ആർ. മാധവൻ നായകനാകുന്ന 'ജി.ഡി.എൻ' ഓഗസ്റ്റ് 7ന് തിയറ്ററുകളിലെത്താനിരിക്കെ സിനിമയുടെ അണിയറപ്രവർത്തകർ പ്രേക്ഷകർക്കായി പ്രത്യേക മത്സരം പ്രഖ്യാപിച്ചു. നിർമാതാക്കൾ പങ്കുവെച്ചിരിക്കുന്ന…
ആർ. മാധവൻ കേന്ദ്രകഥാപാത്രത്തെ അവതരിപ്പിക്കുന്ന ബയോപിക് ചിത്രം 'ജി.ഡി.എൻ' ഓഗസ്റ്റ് 7ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്യും. റിലീസ് തീയതി…
ബ്ലെസ്സൺ എൽസ സംവിധാനം ചെയ്യുന്ന ധ്യാൻ ശ്രീനിവാസൻ ചിത്രത്തിലെ''കൊതിയാലേറെ മതിയാകാതെ പൊതിരെ അനുരാഗം'' എന്ന് തുടങ്ങുന്ന ഗാനം റിലീസ് ആയി.…
This website uses cookies.