ദളപതിയുടെ വരവിനായി കാത്തു ഇന്ത്യൻ സിനിമ; ബീസ്റ്റ് എത്തുന്നു..!

ദളപതി വിജയ് നായകനായി എത്തുന്ന ഏറ്റവും പുതിയ ചിത്രമാണ് ബീസ്റ്റ്. ഈ ചിത്രത്തിൻന്റെ മലയാളം പോസ്റ്ററുകൾ ഇപ്പോൾ സോഷ്യൽ മീഡിയയിൽ ട്രെൻഡിങ് ആണ്. ഈ വരുന്ന ഏപ്രിൽ പതിനാലിന് ആഗോള റിലീസ് ആയി എത്തുന്ന ഈ ചിത്രം കേരളത്തിൽ വിതരണം ചെയ്യുന്നത് മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ ആണ്. കേരളത്തിൽ ഒരു അന്യ ഭാഷ ചിത്രത്തിന് ലഭിക്കുന്ന ഏറ്റവും വലിയ റിലീസ് ആയിരിക്കും ബീസ്റ്റ് നേടുക എന്നാണ് സൂചന. ഇന്ത്യൻ സിനിമാ പ്രേക്ഷകർ ഒന്നടങ്കം കാത്തിരിക്കുന്ന ചിത്രമാണ് ഇന്ന് ബീസ്റ്റ്. അത്രമാത്രം ഹൈപ്പ് ആണ് ഈ ചിത്രം ഇപ്പോൾ ഉണ്ടാക്കിയിരിക്കുന്നത്. ഇന്ന് വെകുന്നേരം ട്രൈലെർ കൂടി റിലീസ് ചെയ്യുന്നതോടെ ചിത്രത്തിന്റെ ഹൈപ്പ് ആകാശം മുട്ടുമെന്നുറപ്പ്. അറബിക് കുത്ത്, ജോളിയാ ജിംഖാന എന്നീ ഗാനങ്ങൾ സൂപ്പർ ട്രെൻഡ് ആയതാണ് ഇതിന്റെ ഹൈപ്പ് വളരെ കൂടാനുള്ള കാരണം.

നെൽസൺ ദിലീപ്കുമാർ രചിച്ചു സംവിധാനം ചെയ്ത ഈ ചിത്രം സൺ പിക്ചേഴ്സ് ആണ് നിർമ്മിച്ചിരിക്കുന്നത്. പൂജ ഹെഗ്‌ഡെ നായികാ വേഷം ചെയ്തിരിക്കുന്ന ഈ ചിത്രത്തിൽ യോഗി ബാബു, ഷൈൻ ടോം ചാക്കോ, വിടിവി ഗണേഷ്, അപർണ്ണ ദാസ്, പുകഴ് എന്നിവരും അഭിനയിച്ചിരിക്കുന്നു. ഈ സ്റ്റൈലിഷ് മാസ്സ് ചിത്രത്തിന് കാമറ ചലിപ്പിച്ചത് മനോജ് പരമഹംസയും എഡിറ്റിംഗ് നിർവഹിച്ചത് ആർ നിർമ്മലും ആണ്. അനിരുദ്ധ് രവിചന്ദർ ആണ് ഈ ചിത്രത്തിന് ഗാനങ്ങളും പശ്ചാത്തല സംഗീതവും ഒരുക്കിയത്. വമ്പൻ ബഡ്ജറ്റിൽ ഒരുക്കിയ ഈ ചിത്രത്തിൽ ആക്ഷനൊപ്പം കോമെടിക്കും പ്രാധാന്യം ഉണ്ടെന്നാണ് റിപ്പോർട്ടുകൾ പറയുന്നത്.