രമേഷ് പിഷാരടി നായകനായ സർവൈവൽ ത്രില്ലർ നോ വേ ഔട്ട് എത്തുന്നു; ആദ്യ ടീസർ കാണാം..!

മലയാളത്തിലെ പ്രശസ്ത ഹാസ്യ നടനും സംവിധായകനുമായ അവതാരകനുമായ രമേഷ് പിഷാരടിയെ നായകനാക്കി നവാഗത സംവിധായകനായ നിതിൻ ദേവീദാസ് ഒരുക്കിയ നോ വേ ഔട്ട് പ്രേക്ഷകരുടെ മുന്നിലെത്താനൊരുങ്ങുകയാണ്. ഒരു സർവൈവൽ ത്രില്ലർ ആയി ഒരുക്കിയിരിക്കുന്ന ഈ ചിത്രത്തിന്റെ ആദ്യ ടീസർ ഇന്ന് റിലീസ് ചെയ്തു. രമേഷ് പിഷാരടി എന്റെർറ്റൈന്മെന്റ്സ് എന്ന യൂട്യൂബ് ചാനലിൽ കൂടി പുറത്തു വന്നിരിക്കുന്ന ഈ ടീസറിന് മികച്ച പ്രേക്ഷക പ്രതികരണം ആണ് ഇപ്പോൾ ലഭിച്ചു കൊണ്ടിരിക്കുന്നത്. റെമോ എന്റർടൈൻമെൻറ്സിന്റെ ബാനറിൽ റെമോഷ് എം എസ് നിർമ്മിച്ചിരിക്കുന്ന ഈ ചിത്രത്തിൽ രമേഷ് പിഷാരടിയെ കൂടാതെ ധർമജൻ ബോൾഗാട്ടി, ബേസിൽ ജോസെഫ്, രവീണ എൻ എന്നീ താരങ്ങളും പ്രധാന വേഷങ്ങളിൽ അഭിനയിച്ചിരിക്കുന്നു. വർഗീസ് ഡേവിഡ് കാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് കെ ആർ മിഥുൻ, ഇതിനു ഗാനങ്ങൾ ഒരുക്കിയത് കെ ആർ രാഹുൽ എന്നിവരാണ്. ക്രിസ്റ്റി ജോബിയാണ് ഈ ചിത്രത്തിന് പശ്‌ചാത്തല സംഗീതം ഒരുക്കിയത്.

ഗിരീഷ് മേനോൻ കലാസംവിധാനവും സുജിത് മട്ടന്നൂർ വസ്ത്രാലങ്കാരവും നിർവഹിച്ച ഈ ചിത്രത്തിന് വേണ്ടി ചമയം നിർവഹിച്ചത് അമൽ ചന്ദ്രനും ആക്ഷൻ സംവിധാനം നിർവഹിച്ചത്‌ മാഫിയ ശശിയും, നൃത്ത സംവിധാനം നിർവഹിച്ചത് ശാന്തി മാസ്റ്ററുമാണ്. വിനോദ് പറവൂർ പ്രൊഡക്ഷൻ കൺട്രോളർ ആയെത്തിയ ഈ ചിത്രത്തിന്റെ സ്റ്റിൽസ് ശ്രീനി മഞ്ചേരി, ഡിസൈൻസ് കറുപ്പ്, ഡിജിറ്റൽ മാർക്കറ്റിങ് അനൂപ് സുന്ദരൻ, പി ആർ ഒ മഞ്ജു ഗോപിനാഥ് എന്നിവരാണ്. മലയാളത്തിൽ അധികം വന്നിട്ടില്ലാത്ത സർവൈവൽ ത്രില്ലർ മോഡലിൽ ആണ് ഈ ചിത്രം ഒരുക്കിയിരിക്കുന്നതെന്ന സൂചനയാണ് ഇതിന്റെ ടീസർ നമ്മുക്ക് തരുന്നത്. ഹാസ്യ വേഷങ്ങളിൽ തിളങ്ങിയിട്ടുള്ള രമേഷ് പിഷാരടിയുടെ ഒരു സീരിയസ് കഥാപാത്രമാകും ഇതിലൂടെ പ്രേക്ഷകരുടെ മുന്നിലെത്തുക.