ഇന്ന് മലയാള സിനിമയിലെ ജനപ്രിയനായ നടന്മാരിലൊരാളാണ് ബേസിൽ ജോസഫ്. ഹാസ്യ വേഷങ്ങളിലൂടെയും സഹനടൻ വേഷങ്ങളിലൂടെയും ശ്രദ്ധ നേടിയ ബേസിൽ ജോസഫ് ഇപ്പോൾ നായകനായും തിളങ്ങുകയാണ്. ഈ ഓണക്കാലത്ത് റിലീസ് ചെയ്ത പാൽത്തു ജാൻവർ എന്ന ബേസിൽ ജോസഫ് ചിത്രം വിജയം നേടിയിരുന്നു. നവാഗതനായ സംഗീത് പി രാജനാണ് ഈ ഫീൽ ഗുഡ് എന്റെർറ്റൈനെർ സംവിധാനം ചെയ്തത്. കുഞ്ഞിരാമായണം, ഗോദ, മിന്നൽ മുരളി എന്നീ ചിത്രങ്ങളുടെ സംവിധായകനായും പ്രേക്ഷകരുടെ വിശ്വാസം നേടിയെടുത്ത ബേസിൽ ജോസഫ് ഇപ്പോൾ നടനെന്ന നിലയിൽ കൂടുതൽ സജീവമാവുകയാണ്. ബേസിൽ ജോസഫ് നായകനായി ഒരുപിടി ചിത്രങ്ങളാണ് അണിയറയിൽ ഒരുങ്ങുന്നത്. അതിലെ ഏറ്റവും പുതിയ ചിത്രത്തിന്റെ ടൈറ്റിൽ പോസ്റ്റർ ഇപ്പോൾ പുറത്തു വന്നിരിക്കുകയാണ്. കഠിന കഠോരമീ അണ്ഡകടാഹം എന്ന് പേരിട്ടിരിക്കുന്ന ഈ ചിത്രം നവാഗതനായ മുഹാഷിൻ ആണ് സംവിധാനം ചെയ്യുന്നത്. ഉണ്ട, പുഴു തുടങ്ങിയ മമ്മൂട്ടി ചിത്രങ്ങളുടെ രചയിതാവായി എത്തിയ ഹർഷദാണ് ഈ ബേസിൽ ജോസഫ്- മുഹാഷിൻ ചിത്രവും രചിച്ചിരിക്കുന്നത്.
കോഴിക്കോടിന്റെ പശ്ചാത്തലത്തിലാണ് ഈ ചിത്രം കഥ പറയുന്നത്. നൈസാം സലാം പ്രൊഡക്ഷൻസ് നിർമ്മിക്കുന്ന ഈ ചിത്രത്തിന്റെ കാസ്റ്റിംഗ് കോളിൽ കോഴിക്കോട് ഭാഷ നന്നായി സംസാരിക്കാൻ കഴിയുന്നവരെയാണ് ക്ഷണിച്ചിരുന്നത്. എസ് മുണ്ടോൾ കാമറ ചലിപ്പിക്കുന്ന ഈ ചിത്രം എഡിറ്റ് ചെയ്യുന്നത് സോബിൻ സോമൻ, ഇതിനു സംഗീതമൊരുക്കുന്നത് ഗോവിന്ദ് വസന്ത എന്നിവരാണ്. ഹാസ്യത്തിന് പ്രാധാന്യം നൽകിയാണ് ഈ ചിത്രമൊരുക്കാൻ പോകുന്നതെന്നാണ് സൂചന. വളരെ വ്യത്യസ്തമായ ഒരു കഥാപാത്രമായി ബേസിൽ ജോസഫിനെ ഇതിൽ കാണാൻ സാധിക്കുമെന്നാണ് അദ്ദേഹത്തിന്റെ ആരാധകരും സിനിമാ പ്രേമികളും പ്രതീക്ഷിക്കുന്നത്.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.