ഹണി ബീ 2.5 എന്ന ചിത്രത്തിലൂടെ മലയാള സിനിമയിലേക്ക് രംഗ പ്രവേശനം നടത്തിയ താരമാണ് അസ്കർ അലി. തന്റെ നാലാമത്തെ ചിത്രമായ ജീം ബൂം ബാ അടുത്തിടെയാണ് പ്രദർശനത്തിനെത്തിയത്. തന്റെ ആദ്യ സിനിമകൾ തിരഞ്ഞെടുക്കുന്നതിൽ പാളിച്ച സംഭവിച്ചു എന്ന ഞെട്ടിക്കുന്ന വെളിപ്പെടുത്തലുമായി അസ്കർ അലി വന്നിരിക്കുകയാണ്. സംവിധായകർ കഥ പറഞ്ഞപ്പോൾ ഏറെ രസകരമായി തോന്നിയെന്നും എന്നാൽ സിനിമയായി ചിത്രീകരിച്ച ശേഷം താൻ പ്രതീക്ഷിച്ച നിലവാരം കാണാൻ സാധിച്ചില്ല എന്ന് ഒരു അഭിമുഖത്തിൽ താരം പറയുകയുണ്ടായി. ഇതിന്റെ പേരിൽ ആരെയും കുറ്റപ്പെടുത്തുന്നില്ലയെന്നും താരം കൂട്ടിച്ചേർത്തു. മൂന്ന് ചിത്രങ്ങൾ അഭിനയിച്ച തനിക്ക് കാമുകി എന്ന ചിത്രം മാത്രമാണ് തൃപ്തിപ്പെടുത്തിയതെന്നും താരം പറയുകയുണ്ടായി.
ഹണീ ബീ 2.5, ചെമ്പരത്തിപ്പൂ എന്നീ ചിത്രങ്ങളെ അപേക്ഷിച്ചു കാമുകിയായിരിക്കും പ്രേക്ഷകർ കൂടുതലും തീയറ്ററുകളിൽ കണ്ട ചിത്രം എന്ന് അസ്കർ വ്യക്തമാക്കി. മുൻപ് സംഭവിച്ച പാളിച്ചകൾ ഇനി ആവർത്തിക്കാതെ നല്ലൊരു സിനിമ ചെയ്യണം എന്ന ആഗ്രഹം ഉള്ളതുകൊണ്ടാണ് ഒരു വർഷത്തോളം കാത്തിരുന്നതെന്ന് താരം സൂചിപ്പിക്കുകയുണ്ടായി. ഇനിയും പ്രേക്ഷകരെ ചൊറിയാൻ പോകരുതെന്ന വ്യക്തമായ ധാരണ തനിക്ക് ഉണ്ടെന്നും ജീം ബൂം ബാ എന്ന സിനിമ തനിക്ക് ഏറെ പ്രതീക്ഷയുണ്ടെന്ന് താരം അഭിപ്രായപ്പെട്ടു. സംവിധായകൻ രാഹുൽ രാമചന്ദ്രനിൽ നിന്ന് ചോദിച്ചു വാങ്ങിച്ച കഥാപാത്രമാണ് ജീം ബൂം ബയിൽ താൻ അവതരിപ്പിച്ചെതെന്ന് അസ്കർ വ്യക്തമാക്കി. മലയാളത്തിൽ അധികമാരും പരീക്ഷിക്കാത്ത ഒരു ജോണർ ആണെന്നും ചിത്രത്തിൽ തനിക്ക് ഏറെ ആത്മവിശ്വസം ഉണ്ടെന്നാണ് താരം പറഞ്ഞത്. അഞ്ചു കുര്യനാണ് ചിത്രത്തിൽ നായികാവേഷം കൈകാര്യം ചെയ്തിരിക്കുന്നത്. ജീം ബൂം ബാ മികച്ച പ്രതികരണം നേടി മുന്നേറികൊണ്ടിരിക്കുകയാണ്.
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
പായൽ കപാഡിയയുടെ 'ഓൾ വി ഇമാജിൻ ആസ് ലൈറ്റ്' (പ്രഭയായ് നിനച്ചതെല്ലാം) 2024 സെപ്റ്റംബർ 21 മുതൽ കേരളത്തിൽ പ്രദർശനം…
This website uses cookies.