സൂപ്പർ ഹിറ്റ് സംവിധായകൻ അൽഫോൻസ് പുത്രൻ സംവിധാനം ചെയ്ത ഏറ്റവും പുതിയ ചിത്രമാണ് ഗോൾഡ്. പൃഥ്വിരാജ് സുകുമാരൻ നായകനായി എത്തുന്ന ഈ ചിത്രത്തിലെ നായികാ വേഷം ചെയ്യുന്നത് ലേഡി സൂപ്പർ സ്റ്റാർ നയൻതാരയാണ്. ഓണം റിലീസ് പറഞ്ഞിരുന്ന ഈ ചിത്രം ഇപ്പോൾ പോസ്റ്റ്-പ്രൊഡക്ഷൻ ജോലികളിൽ താമസം നേരിട്ടതിനാൽ റിലീസ് മാറ്റി വെച്ചിരിക്കുകയാണ്. പൃഥ്വിരാജ്- നയൻതാര ടീമിനൊപ്പം വമ്പൻ താരനിരയാണ് ഈ ചിത്രത്തിൽ അണിനിരക്കുന്നത്. ഒരുപക്ഷെ ട്വന്റി ട്വന്റി എന്ന ജോഷി ചിത്രത്തിന് ശേഷം ഇത്രയധികം താരങ്ങൾ താരങ്ങൾ ചെറിയ വേഷങ്ങളിൽ പോലും വന്ന മറ്റൊരു ചിത്രം ഉണ്ടാവില്ല എന്നാണ് പൃഥ്വിരാജ് പറയുന്നത്. ഇപ്പോഴിതാ ഈ ചിത്രത്തിൽ ആസിഫ് അലി അഭിനയിച്ചിട്ടുണ്ടോ എന്ന ചോദ്യത്തിന് ഉത്തരം നൽകുകയാണ് ആസിഫ്. റെഡ് എഫ് എം മലയാളത്തിന് നൽകിയ അഭിമുഖത്തിലാണ് ആസിഫ് ഇതിനു മറുപടി നൽകിയത്.
അൽഫോൻസ് പുത്രൻ ആസിഫ് അലിയെ കാണാൻ തൊടുപുഴയിലെ വീട്ടിൽ ചെന്നു എന്നൊരു വാർത്തയിൽ നിന്നാണ് ഗോൾഡിൽ ആസിഫ് അലിയും ഉണ്ടെന്ന കഥകൾ പരന്നത്. എന്നാൽ പണ്ട് താൻ മേടിച്ച ഒരു കാർ ഡെലിവറി ചെയ്യാൻ ഷറഫുദീനൊപ്പമാണ് അൽഫോൻസ് പുത്രൻ വന്നതെന്നും, അന്ന് തനിക്ക് അവരെ അറിയുക പോലുമില്ലെന്നും ആസിഫ് അലി പറയുന്നു. അൽഫോൻസ് അന്ന് കൂടെ ഉണ്ടായിരുന്നു എന്ന് ഷറഫുദീനാണ് പറഞ്ഞതെന്നും തനിക്ക് ഇവർ രണ്ടു പേരും വന്നത് ഓർമ്മ പോലും ഉണ്ടായില്ല എന്നും ആസിഫ് പറഞ്ഞു. ഏതായാലും ഗോൾഡിൽ താൻ ഇല്ലെന്ന് പറഞ്ഞ ആസിഫ്, ഇനി എന്നെങ്കിലും ഒരു കഥ പറയാൻ അൽഫോൻസ് തന്റെയടുത്തു വരട്ടെ എന്ന ആഗ്രഹവും പ്രകടിപ്പിച്ചു. പൃഥ്വിരാജ് സുകുമാരൻ, ലിസ്റ്റിൻ സ്റ്റീഫൻ എന്നിവർ ചേർന്ന് നിർമ്മിച്ച ഗോൾഡ് രചിച്ചതും അൽഫോൻസ് പുത്രനാണ്.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.