ചിൽഡ്രൻസ് പാർക്കിനു ആസിഫ് അലിയുടെ പിന്തുണ

ഷാഫിയുടെ റിലീസിമായി ഒരുങ്ങികൊണ്ടിരിക്കുന്ന ചിത്രമാണ് ‘ചിൽഡ്രൻസ് പാർക്ക്. വിഷ്ണു ഉണ്ണികൃഷ്ണൻ, ദ്രുവൻ, ഷറഫുദീൻ എന്നിവരാണ് ചിത്രത്തിൽ നായകന്മാരായി വേഷമിടുന്നത്. ഗായത്രി സുരേഷ്, മാനസ, സൗമ്യ മേനോൻ എന്നിവരാണ് നായിക വേഷങ്ങൾ കൈകാര്യം ചെയ്തിരിക്കുന്നത്. ചിത്രത്തിലെ ട്രെയ്‌ലർ പ്രേക്ഷകർ ഇരുകൈയും നീട്ടി സ്വീകരിച്ചിരുന്നു. ആദ്യം അണിയറ പ്രവർത്തകർ പുറത്തിറക്കിയ ഗാനവും ഏറെ ശ്രദ്ധ നേടിയിരുന്നു. പ്രേക്ഷകരുടെ അഭ്യർത്ഥന മാനിച്ചു ചിൽഡ്രൻസ് പാർക്കിലെ രണ്ടാമത്തെ ഗാനം ഇന്ന് വൈകീട്ട് 4 മണിക്ക് റിലീസിനായി ഒരുങ്ങുകയാണ്.

മലയാളികളുടെ പ്രിയ യുവനടൻ ആസിഫ് അലിയാണ് ഗാനം തന്റെ ഫേസ്ബുക്ക് പേജിലൂടെ പുറത്തുവിടുന്നത്. അരുൺ രാജാണ് ചിൽഡ്രൻസ് പാർക്കിന് വേണ്ടി സംഗീത സംവിധാനം നിർവഹിച്ചിരിക്കുന്നത്. റിലീസിനായി ഒരുങ്ങുന്ന രണ്ടാമത്തെ ഗാനം ഹിറ്റ് ചാർട്ടിൽ ഇടം നേടുമെന്നാണ് റിപ്പോർട്ടുകൾ സൂചിപ്പിക്കുന്നത്. മണിക്കൂറുകൾ മാത്രം ബാക്കി നിൽക്കെ ആദ്യ ഗാനം പോലെതന്നെ രണ്ടാം ഗാനം പ്രേക്ഷകർ സ്വീകരിക്കും എന്ന പ്രതീക്ഷയിലാണ് അണിയറ പ്രവർത്തകർ. ചിൽഡ്രൻസ് പാർക്കിന് വേണ്ടി തിരക്കഥ രചിച്ചിരിക്കുന്നത് ഷാഫിയാണ്. ഫൈസൽ അലിയാണ് ഛായാഗ്രഹണം നിർവഹിച്ചിരിക്കുന്നത്. ഈദ് റിലീസായി ചിത്രം അടുത്ത മാസം പ്രദർശനത്തിനെത്തും.