ദിലീപ് ചിത്രം നിർമ്മിക്കുന്നു എന്ന വാർത്ത വ്യാജം; അസിഫ്‌ അലി പ്രതികരിക്കുന്നു..!

ജനപ്രിയ നായകൻ ദിലീപിനെ നായകനാക്കി യുവ താരം ആസിഫ് അലി ഒരു ചിത്രം നിർമ്മിക്കുന്നു എന്നും ആ ചിത്രത്തിന്റെ പ്രഖ്യാപനം അടുത്ത മാസം അവസാനം ആണ് ഉണ്ടാവുക എന്നും മലയാളത്തിലെ ഒരു പ്രമുഖ സിനിമാ മാഗസിൻ റിപ്പോർട്ട് ചെയ്തു. ജോഷിയാണ് ആ ചിത്രം സംവിധാനം ചെയ്യുന്നത് എന്നും ആ മാഗസിൻ റിപ്പോർട്ടിൽ പറയുന്നുണ്ടായിരുന്നു. ആ റിപ്പോർട്ട് വിശ്വസിച്ച ഓൺലുക്കേഴ്സ് മീഡിയ ഇന്ന് ആ വാർത്ത നൽകുകയും ചെയ്തു. എന്നാൽ ഓൺലുക്കേഴ്സ് മീഡിയ ഇട്ട വാർത്തക്ക് താഴെ ഈ വിവരം താൻ അറിഞ്ഞില്ല എന്നു ആസിഫ് അലി തന്നെ നേരിട്ടു കമെന്റ് ചെയ്യുകയാണ് ഉണ്ടായത്. ആസിഫ് അലി തന്നെ ഈ വാർത്ത നിഷേധിച്ചതോടെ, ഇത്തരമൊരു വാർത്ത നൽകേണ്ടി വന്നതിൽ ഓൺലുക്കേഴ്സ് ഖേദം പ്രകടിപ്പിക്കുന്നു.

ഓൺലുക്കേഴ്സ് മീഡിയ ഇട്ട ഈ തെറ്റായ വാർത്ത മൂലം ആസിഫ് അലിക്ക് എന്തെങ്കിലും ബുദ്ധിമുട്ടുകൾ ഉണ്ടായിട്ടുണ്ടെങ്കിൽ ഞങ്ങൾ അതിൽ നിർവ്യാജം ക്ഷമ ചോദിക്കുന്നു. മാഗസിനിൽ വന്ന വാർത്ത സത്യമെന്നു വിശ്വസിച്ചത് കൊണ്ടുണ്ടായ തെറ്റായിരുന്നു അത്.