ആസിഫ് അലി- ബിജു മേനോൻ കൂട്ടുകെട്ടിൽ പുറത്തു വന്ന ജിസ് ജോയ് ചിത്രം തലവൻ സൂപ്പർ ഹിറ്റിലേക്ക്. ഒട്ടും ഹൈപ്പില്ലാതെയാണ് തലവൻ പ്രേക്ഷകരുടെ മുന്നിലെത്തിയത്. എന്നാൽ ആദ്യ ഷോ കഴിഞ്ഞപ്പോൾ മുതൽ മികച്ച പ്രേക്ഷക പ്രതികരണം നേടിയ ഈ ചിത്രത്തിന് ഓരോ ദിവസം കഴിയുംതോറും ബോക്സ് ഓഫീസ് കളക്ഷൻ കൂടി വരുന്ന കാഴ്ചയാണ് കാണാൻ സാധിക്കുന്നത്. ചിത്രത്തിലെ നായകന്മാരായി എത്തിയ ആസിഫ് അലിക്കും ബിജു മേനോനും ഒരു വലിയ ഇടവേളക്ക് ശേഷമാണ് ഒരു സൂപ്പർ ഹിറ്റ് ലഭിക്കുന്നത്. മാത്രമല്ല പ്രേക്ഷകരെ ഞെട്ടിച്ചത് സംവിധായകൻ ജിസ് ജോയ് കൂടിയാണ്. ഫീൽ ഗുഡ് ഫാമിലി എന്റെർറ്റൈനെർ ചിത്രങ്ങളൊരുക്കി ശ്രദ്ധ നേടിയ ജിസ് ജോയ്, തലവനിലൂടെ ഒരു ഗംഭീര ഇൻവെസ്റ്റിഗേഷൻ ത്രില്ലറാണ് സമ്മാനിച്ചിരിക്കുന്നത്. ആദ്യാവസാനം പ്രേക്ഷകരെ ആകാംഷയുടെ മുൾമുനയിൽ നിർത്തുന്ന ഈ ചിത്രത്തിലൂടെ വമ്പൻ ട്രാക്ക് മാറ്റമാണ് ജിസ് ജോയ് നടത്തിയിരിക്കുന്നത്.
രണ്ട് വ്യത്യസ്ത റാങ്കുകളിലുള്ള പൊലീസ് ഓഫീസർമാരുടെ ഇടയിലുണ്ടാകുന്ന പ്രശ്നങ്ങളാണ് തലവൻ പ്രേക്ഷകരുടെ മുന്നിലെത്തിക്കുന്നത്. അരുൺ നാരായൺ പ്രൊഡക്ഷൻസിന്റെയും ലണ്ടൻ സ്റ്റുഡിയോസിന്റെയും ബാനറുകളില് അരുൺ നാരായൺ, സിജോ സെബാസ്റ്റ്യൻ എന്നിവർ ചേര്ന്നാണ് ഈ ചിത്രം നിർമ്മിച്ചിരിക്കുന്നത്. അനുശ്രീ, മിയ, ദിലീഷ് പോത്തൻ, കോട്ടയം നസീർ, ശങ്കർ രാമകൃഷ്ണൻ, ജോജി കെ. ജോൺ, ദിനേശ്, അനുരൂപ്, നന്ദൻ ഉണ്ണി, ബിലാസ് തുടങ്ങി ഒരു മികച്ച താരനിര അണിനിരന്ന ഈ ചിത്രത്തിന് തിരക്കഥ രചിച്ചത് ശരത് പെരുമ്പാവൂർ, ആനന്ദ് തേവരക്കാട്ട് എന്നിവരാണ്. ദീപക് ദേവ് സംഗീതമൊരുക്കിയ തലവന് ദൃശ്യങ്ങൾ സമ്മാനിച്ചത് ശരൺ വേലായുധൻ, എഡിറ്റ് ചെയ്തിരിക്കുന്നത് സൂരജ് ഇ എസ് എന്നിവരാണ്.
പ്രേക്ഷകരുടെ പ്രിയ താരം ടോവിനോ തോമസിൻ്റെ നിർമ്മാണത്തിൽ, നവാഗതനായ ശിവപ്രസാദ് സംവിധാനം ചെയ്യുന്ന പുതിയ ചിത്രമാണ് "മരണമാസ്സ്".ടോവിനോ തോമസ് പ്രൊഡക്ഷൻസും…
ബേസിൽ ജോസഫിനെ നായകനാക്കി ജീത്തു ജോസഫ് ഒരുക്കുന്ന നുണക്കുഴിയുടെ ഫസ്റ്റ് ലുക്ക് പോസ്റ്റർ മലയാളത്തിൻ്റെ പ്രിയതാരം മോഹൻലാൽ പുറത്തിക്കി. ഏറെ…
സമീപകാല മലയാള സിനിമയിലെ ഏറ്റവും മികച്ച വിജയങ്ങളിൽ ഒന്നായിരുന്നു ആസിഫ് അലി, ബിജു മേനോൻ എന്നിവർ പ്രധാന വേഷങ്ങളിൽ എത്തി…
'വിരൂപാക്ഷ', 'ബ്രോ' എന്നീ ബ്ലോക്ക്ബസ്റ്റർ ചിത്രങ്ങൾക്ക് ശേഷം സായ് ദുർഘ തേജ് നായകനാവുന്ന പുതിയ ചിത്രം പ്രഖ്യാപിച്ചു. രോഹിത് കെ…
ഇന്ത്യൻ മൈക്കിൾ ജാക്സൺ പ്രഭുദേവ ഡാൻസിലൂടെയും ആക്ഷൻ സീക്വൻസുകളിലൂടെയും പ്രേക്ഷകരെ ത്രസിപ്പിക്കുമെന്ന് ഉറപ്പു നൽകുന്ന പേട്ടറാപ്പിന്റെ കളർഫുൾ ടീസർ റിലീസായി.…
സംഗീതത്തിന് പ്രാധാന്യം നൽകി എത്തുന്ന, ഷെയിൻ നിഗത്തിന്റെ കരിയറിലെ ബിഗ് ബജറ്റ് സിനിമയായ 'ഹാൽ' ടീസർ പുറത്തിറങ്ങി. 'ലിറ്റിൽ ഹാർട്സ്'…
This website uses cookies.