ഈ വർഷത്തെ ഏഷ്യാവിഷൻ ഫിലിം അവാർഡുകൾ പ്രഖ്യാപിച്ചു. ഈ കഴിഞ്ഞ 24 ആം തീയതി ഷാർജ ക്രിക്കറ്റ് സ്റ്റേഡിയത്തിലാണ് പന്ത്രണ്ടാമത് ഏഷ്യാവിഷൻ ഫിലിം അവാർഡ് ചടങ്ങ് സംഘടിപ്പിച്ചത്. മലയാളത്തിന്റെ പ്രിയ യുവതാരം ദുൽഖർ സൽമാനാണ് 2017 ലെ മികച്ച നടനായി തിരഞ്ഞെടുക്കപ്പെട്ടത്. സൗബിൻ ഷാഹിർ സംവിധാനം ചെയ്ത പറവയിലെ കഥാപാത്രമാണ് ദുൽഖർ സൽമാന് ഈ അംഗീകാരം നേടിക്കൊടുത്തത്. ചിത്രത്തിൽ 20 മിനിറ്റോളം മാത്രം നീണ്ടുനിൽക്കുന്ന കഥാപാത്രത്തെയാണ് അവതരിപ്പിച്ചതെങ്കിലും ദുൽഖറിന്റെ പ്രകടനം ഏറെ ശ്രദ്ധ പിടിച്ചുപറ്റിയിരുന്നു.
കൊച്ചിയിലെ മട്ടാഞ്ചേരിയിൽ താമസിക്കുന്ന ഇര്ഷാദ്, ഹസീബ് എന്നീ കുട്ടികളുടെ ജീവിതവും പറവയെ വളര്ത്തുന്ന അവരുടെ ജീവിതത്തെ ചുറ്റി പറ്റിയായിരുന്നു ചിത്രത്തിന്റെ കഥ. തന്റേത് വളരെ കുറച്ചു നേരം മാത്രമുള്ള കാമിയോ റോളാണെന്ന് അറിഞ്ഞുകൊണ്ടുതന്നെയാണ് ദുൽഖർ ഈ ചിത്രത്തിൽ അഭിനയിക്കാൻ തയ്യാറായത്.
ദുല്ഖര് സല്മാന് പുറമെ സിദ്ദീഖ്, ഹരിശ്രീ അശോകന്, ഇന്ദ്രന്സ്, ആഷിഖ് അബു, ജാഫര് ഇടുക്കി, ഗ്രിഗറി, സിനില് സൈനുദ്ദീന്, അര്ജുന് അശോകന്, ശ്രിന്റ, അമല് ഷാ, ഗോവിന്ദ് എന്നിങ്ങനെ വലിയൊരു താരനിര തന്നെ ചിത്രത്തിൽ അണിനിരന്നിരുന്നു.
ഷാർജയിൽ വെച്ച് നടന്ന അവാർഡ് ചടങ്ങിൽ ഭാര്യ അമാലിനോടൊപ്പമാണ് ദുൽഖർ എത്തിയത്. വേദിയിൽ തന്റെ ഹിറ്റ് ചിത്രമായ ചാർലിയിലെ ‘സുന്ദരിപ്പെണ്ണേ’ എന്ന ഗാനം പാടി ആരാധകരെ കൈയിലെടുക്കാനും ദുൽഖർ മറന്നില്ല.
ഉദാഹരണം സുജാത എന്ന ചിത്രത്തിലെ അഭിനയത്തിന് മഞ്ജു വാര്യരാണ് മികച്ച നടി. മലയാള സാഹിത്യത്തിന് ഏറെ സംഭാവനകൾ നൽകിയ എം.ടി വാസുദേവൻ നായരെ ചടങ്ങിൽ ആദരിക്കുകയുണ്ടായി. സഞ്ജയ് ദത്ത്, അഥിതി റാവു, മമത മോഹൻദാസ്, ദീപിക പദുക്കോൺ തുടങ്ങിയ താരങ്ങളും ചടങ്ങിൽ പങ്കെടുത്തിരുന്നു.
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
https://youtu.be/BByOSYKXwY0 വിനീത് കുമാറിന്റെ സംവിധാനത്തിൽ ദിലീപ് കേന്ദ്ര കഥാപാത്രമാകുന്ന ചിത്രം “പവി കെയർ ടേക്കർ” ന്റെ മഹാ വിജയമാണ് ഇപ്പോൾ…
This website uses cookies.