ഒട്ടേറെ ബോളിവുഡ് ചിത്രങ്ങളിലെ നായക വേഷങ്ങളിലൂടെ തിളങ്ങിയ നടനാണ് അർജുൻ കപൂർ. അദ്ദേഹം നായകനായ പുതിയ ചിത്രമായ സന്ദീപ് ഓർ പിങ്കി ഫറാർ ഇപ്പോൾ ആമസോണ് പ്രൈം റീലീസ് ആയി എത്തിയിട്ട് ഒരാഴ്ച്ച കഴിഞ്ഞു. മികച്ച പ്രേക്ഷക- നിരൂപക പ്രതികരണമാണ് ഈ ചിത്രം നേടിയെടുക്കുന്നത്. ദിബാകർ ബാനർജി സംവിധാനം ചെയ്ത ഈ ചിത്രം മാർച്ചിൽ തീയേറ്റർ റിലീസും ചെയ്തിരുന്നു. അർജുൻ കപൂർ, പരിനീതി ചോപ്ര എന്നിവരുടെ ഗംഭീര പ്രകടനമാണ് ഈ ബ്ലാക് കോമഡി ത്രില്ലർ ചിത്രത്തിന്റെ ഏറ്റവും വലിയ ഹൈലൈറ്റ്. മലയാള യുവ താരം ടോവിനോ തോമസും ഈ ചിത്രം കാണുകയും തനിക്ക് ഈ ചിത്രം ഏറെ ഇഷ്ടപ്പെട്ടു എന്നു പറയുകയും ചെയ്തിരുന്നു.
മാത്രമല്ല അർജുൻ കപൂർ, പരിനീതി ചോപ്ര എന്നിവരുടെ പ്രകടനം ഗംഭീരമായിരുന്നു എന്നും ടോവിനോ തന്റെ ഇൻസ്റ്റാഗ്രാം പോസ്റ്റിൽ കുറിച്ചു. അർജുൻ കപൂറിന്റെ കരിയറിലെ തന്നെ ഏറ്റവും മികച്ച പ്രകടനങ്ങളിൽ ഒന്നായാണ് ഈ ചിത്രത്തിലെ പ്രകടനത്തെ ടോവിനോ തോമസ് വിലയിരുത്തിയത്. ഏതായാലും ഇപ്പോൾ ടോവിനോ തോമസിന്റെ അഭിപ്രായങ്ങൾ ഷെയർ ചെയ്ത് കൊണ്ടും, ടോവിനോക്ക് നന്ദി പറഞ്ഞും രംഗത്തു വന്നിരിക്കുകയാണ് അർജുൻ കപൂർ. ടോവിനോക്ക് ഈ ചിത്രം ഇഷ്ടപെട്ടത്തിൽ തനിക്ക് ഏറെ സന്തോഷമുണ്ടെന്നും അർജുൻ കപൂർ പറയുന്നു. പ്രശസ്ത ബോളിവുഡ് നിർമ്മാതാവ് ബോണി കപൂറിന്റെ ആദ്യ ഭാര്യയിലെ മകനാണ് അർജുൻ കപൂർ. ഇഷക്സാദെ എന്ന ചിത്രത്തിലൂടെ ആണ് അർജുൻ കപൂർ ബോളിവുഡ് അരങ്ങേറ്റം കുറിച്ചത്. ആ ചിത്രത്തിലും പരിനീതി ചോപ്ര ആയിരുന്നു അർജുന്റെ നായികാ വേഷം ചെയ്തത്.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.