കഴിഞ്ഞ വർഷം റിലീസ് ചെയ്ത് സൂപ്പർ ഹിറ്റായി മാറിയ ഒരു മലയാള ചിത്രമാണ് ജാനേമൻ. ബേസിൽ ജോസഫ്, അർജുൻ അശോകൻ, ഗണപതി, ബാലു വർഗീസ് എന്നിവർ പ്രധാന വേഷങ്ങൾ ചെയ്ത ഈ ചിത്രം സംവിധാനം ചെയ്തത് നവാഗതനായ ചിദംബരം ആണ്. ആദ്യാവസാനം പ്രേക്ഷകരെ പൊട്ടിച്ചിരിപ്പിച്ച ഈ കൊച്ചു ചിത്രം മികച്ച പ്രേക്ഷക- നിരൂപക പ്രശംസ നേടുകയും സർപ്രൈസ് ഹിറ്റായി മാറുകയും ചെയ്തു. ഇപ്പോഴിതാ ഒരിക്കൽ കൂടി അർജുൻ അശോകൻ- ഗണപതി ടീം പ്രധാന വേഷങ്ങൾ ചെയ്യുന്ന ഒരു കൊച്ചു ചിത്രം പ്രേക്ഷകർ ഏറ്റെടുക്കുകയാണ്. ജനപ്രിയ നായകൻ ദിലീപ് നിർമ്മിച്ച്, അദ്ദേഹത്തിന്റെ സഹോദരൻ അനൂപ് ആദ്യമായി സംവിധാനം ചെയ്ത തട്ടാശ്ശേരി കൂട്ടമാണ് ഈ ചിത്രം. കഴിഞ്ഞ വെള്ളിയാഴ്ച റിലീസ് ചെയ്ത ഈ ചിത്രം വമ്പൻ പ്രേക്ഷക പ്രതികരണമാണ് നേടിയത്. യുവ താരങ്ങളെ വെച്ച് ചെറിയ ബഡ്ജറ്റിൽ ഒരുക്കിയ ഈ ചിത്രം ഇപ്പോൾ വലിയ വിജയമാണ് നേടിയെടുക്കുന്നത്. സഞ്ജയ് എന്ന കഥാപാത്രമായി അർജുൻ അശോകൻ എത്തുമ്പോൾ, സഞ്ജയ്യുടെ അടുത്ത സുഹൃത്തായ അബ്ബാസ് ആയാണ് ഗണപതി അഭിനയിച്ചിരിക്കുന്നത്.
ഗ്രാൻഡ് പ്രൊഡക്ഷൻസ്ന്റെ ബാനറിൽ ദിലീപ് നിർമ്മിച്ച ഈ ചിത്രത്തിൽ, അർജുൻ അശോകൻ, ഗണപതി എന്നിവരെ കൂടാതെ, അനീഷ് ഗോപാൽ, ഉണ്ണി രാജൻ പി ദേവ്, അപ്പു, വിജയ രാഘവൻ, സിദ്ദിഖ്, സുരേഷ് മേനോൻ, ഷൈനി സാറ, ശ്രീലക്ഷ്മി എന്നിവരും അഭിനയിച്ചിരിക്കുന്നു. പ്രിയംവദയാണ് ഈ ചിത്രത്തിലെ നായികാ വേഷം ചെയ്തിരിക്കുന്നത്. ഹാസ്യത്തിനും പ്രണയത്തിനും ആക്ഷനും ത്രില്ലിനുമെല്ലാം പ്രാധാന്യം കൊടുത്തൊരുക്കിയ ഈ ചിത്രം രചിച്ചിരിക്കുന്നത് സന്തോഷ് എച്ചിക്കാനവും ഇതിനു കഥ രചിച്ചത് ജിയോ പിവിയുമാണ്. റാം ശരത് സംഗീതം പകർന്ന ഇതിലെ ഗാനങ്ങൾ ഇതിനോടകം സൂപ്പർ ഹിറ്റുകളായിട്ടുണ്ട്.
ദുൽഖർ സൽമാന്റെ വേഫെറർ ഫിലിംസ് നിർമ്മിക്കുന്ന ഏഴാമത്തെ ചിത്രത്തിന്റെ ചിത്രീകരണം ഇപ്പോൾ പുരോഗമിക്കുകയാണ്. അരുൺ ഡൊമിനിക് രചിച്ചു സംവിധാനം ചെയ്യുന്ന…
സൂപ്പർ ഹിറ്റായ ഓപ്പറേഷൻ ജാവ, സൗദി വെള്ളക്ക എന്നീ തരുൺ മൂർത്തി ചിത്രങ്ങൾക്ക് ശേഷം ലുക്മാൻ അവറാൻ - ബിനു…
രാജ്കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച് ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനത്തിലെ 'ആലംബനാ' എന്ന…
ദിൻജിത് അയ്യത്താൻ സംവിധാനം ചെയ്ത കിഷ്കിന്ധാ കാണ്ഡം എന്ന ചിത്രം ഗംഭീര വിജയം നേടി മുന്നേറുമ്പോൾ ഇതിലെ പ്രധാന കഥാപാത്രങ്ങളെ…
അജയന്റെ രണ്ടാം മോഷണം എന്ന ബ്ലോക്ക്ബസ്റ്റർ ചിത്രത്തിലൂടെ മലയാളത്തിന്റെ യുവതലമുറയിലെ സൂപ്പർതാര നിരയിലേക്ക് ഉയർന്നിരിക്കുകയാണ് ടോവിനോ തോമസ്. ജിതിൻ ലാൽ…
ഫഹദ് ഫാസിൽ, കുഞ്ചാക്കോ ബോബൻ എന്നിവരെ നായകന്മാരാക്കി അമൽ നീരദ് ഒരുക്കിയ ഏറ്റവും പുതിയ ചിത്രമാണ് ബൊഗൈൻവില്ല. ഒക്ടോബർ പത്തിന്…
This website uses cookies.