ബി ഉണ്ണികൃഷ്ണൻ- മോഹൻലാൽ ടീമിൽ നിന്ന് പുറത്തു വരുന്ന ഏറ്റവും പുതിയ ചിത്രമാണ് ആറാട്ട്. ഉദയ കൃഷ്ണ രചിച്ച ഈ ബിഗ് ബഡ്ജറ്റ് മാസ്സ് എന്റെർറ്റൈനെർ ഇതിനോടകം സോഷ്യൽ മീഡിയയിൽ വലിയ ഹൈപ്പ് ആണ് ഉണ്ടാക്കിയിരിക്കുന്നത്. കോവിഡ് പ്രതിസന്ധികൾ അവസാനിച്ച ശേഷം ഈ ചിത്രം തീയേറ്റർ റിലീസ് ആയിത്തന്നെ എത്തുമെന്നും മോഹൻലാലിന്റെ തന്നെ മരക്കാർ വന്നതിനു ശേഷം മാത്രമേ ആറാട്ട് എത്തുകയുള്ളൂ എന്നും ബി ഉണ്ണികൃഷ്ണൻ വെളിപ്പെടുത്തി. അതിനോടൊപ്പം തന്നെ അദ്ദേഹം പുറത്തു പറഞ്ഞ ഒരു കാര്യമാണ് എ ആർ റഹ്മാൻ എന്ന ഇന്ത്യൻ സിനിമയിലെ സംഗീത മാന്ത്രികൻ ഈ ചിത്രത്തിൽ വരാൻ ഉണ്ടായ കാരണം. ഈ ചിത്രത്തിൽ എ ആർ റഹ്മാൻ അഭിനയിക്കണം എന്നുള്ള വാശി രചയിതാവായ ഉദയ കൃഷ്ണയുടേത് ആയിരുന്നു എന്നും, റഹ്മാൻ വരാം എന്ന് സമ്മതിക്കുന്നതിനു മുൻപ് തന്നെ അദ്ദേഹത്തിന്റെ റെഫെറെൻസ് വെച്ചുകൊണ്ട് ചിത്രം ഷൂട്ട് ചെയ്തു തുടങ്ങിയിരുന്നു എന്നും ഉണ്ണികൃഷ്ണൻ പറയുന്നു. എന്നാൽ അദ്ദേഹത്തെ കൊണ്ട് വരാനുള്ള ആദ്യ ശ്രമം പരാജയപ്പെടുകയും ചെയ്തു. അദ്ദേഹത്തിന് സിനിമകളിൽ അഭിനയിക്കാനുള്ള താല്പര്യക്കുറവായിരുന്നു അതിനു കാരണം.
എന്നാൽ പിന്നീട് അദ്ദേഹവുമായി ഒരു ഓൺലൈൻ മീറ്റിങ് അറേഞ്ച് ചെയ്തു സംസാരിച്ചപ്പോൾ അദ്ദേഹം ആറാട്ടിൽ അഭിനയിക്കാൻ സമ്മതിക്കുകയായിരുന്നു. അതിനു കാരണമായി എ ആർ റഹ്മാൻ തങ്ങളോട് പറഞ്ഞത്, താനൊരു വലിയ മോഹൻലാൽ ആരാധകൻ ആണെന്നതാണ്. സ്വതന്ത്ര സംഗീത സംവിധായകൻ ആവുന്നതിനു മുൻപേ താൻ ഒട്ടേറെ മലയാള ചിത്രങ്ങളുടെ പശ്ചാത്തല സംഗീത വിഭാഗത്തിൽ ജോലി ചെയ്തിട്ടുണ്ട് എന്നും അതുപോലെ മലയാളത്തിലെ അദ്ദേഹത്തിന്റെ ആദ്യ ചിത്രമായ യോദ്ധയിൽ മോഹൻലാൽ ആയിരുന്നു നായകൻ എന്നതും അദ്ദേഹം മനസ്സിൽ സൂക്ഷിക്കുന്നു. അന്ന് മുതലേ മോഹൻലാലിനോട് വലിയ ആരാധനയാണ് തനിക്കെന്നും അദ്ദേഹം കൂട്ടിച്ചേർത്തു. ഒപ്പം, തന്റെ പിതാവിന് മലയാള സിനിമയോടുള്ള ആത്മബന്ധവും അദ്ദേഹം ഓർത്തെടുത്തു. അങ്ങനെയാണ് എ ആർ റഹ്മാൻ ഈ ചിത്രത്തിന്റെ ഭാഗമാകുന്നത് എന്നാണ് ബി ഉണ്ണികൃഷ്ണൻ വെളിപ്പെടുത്തിയത്.
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
This website uses cookies.