മലയാളത്തിലെ സൂപ്പർ ഹിറ്റ് നിർമ്മാണ കമ്പനിയായ വീക്കെൻഡ് ബ്ലോക്ക്ബസ്റ്റർസ് സംവിധായകൻ അൻവർ റഷീദുമായി കൈകോർക്കുന്നു എന്ന് വാർത്തകൾ. അൻവറുമായി വീണ്ടും ഒന്നിക്കുന്നു എന്ന സൂചന നൽകി വീക്കെൻഡ് ബ്ലോക്ക്ബസ്റ്റർസ് ഉടമ സോഫിയ പോളും, മകൻ കെവിനും ഇട്ട ഇൻസ്റ്റാഗ്രാം പോസ്റ്റ് ആണ് ഇപ്പോൾ സോഷ്യൽ മീഡിയയിൽ വൈറലായി മാറുന്നത്.
ഇതിനു മുൻപ് ബാംഗ്ലൂർ ഡേയ്സ് എന്ന ബ്ലോക്ക്ബസ്റ്റർ ചിത്രം നിർമ്മിച്ചത് വീക്കെൻഡ് ബ്ലോക്ക്ബസ്റ്റേഴ്സും അൻവർ റഷീദും ചേർന്നായിരുന്നു. അഞ്ജലി മേനോൻ ആണ് ആ ചിത്രം ഒരുക്കിയത്. അൻവർ റഷീദ് സംവിധാനം ചെയ്യാൻ പോകുന്ന വീക്കെൻഡ് ബ്ലോക്ക്ബസ്റ്റർസ് ചിത്രത്തിലെ നായകൻ ആരായിരിക്കുമെന്നതാണ് ഇപ്പോൾ സോഷ്യൽ മീഡിയ ചർച്ച ചെയ്യുന്നത്. മോഹൻലാൽ ആണെന്ന് ഒരു വിഭാഗം പറയുമ്പോൾ, കുഞ്ചാക്കോ ബോബൻ ആണെന്നാണ് മറ്റൊരു വിഭാഗം പറയുന്നത്.
സോഫിയ പോൾ, കെവിൻ എന്നിവരുടെ ഇൻസ്റ്റഗ്രാം പോസ്റ്റിൽ അവർ പശ്ചാത്തലത്തിൽ നൽകിയത് ചോട്ടാ മുംബൈ എന്ന മോഹൻലാൽ- അൻവർ റഷീദ് ചിത്രത്തിലെ ഗാനങ്ങൾ ആയിരുന്നു എന്നത് കൊണ്ട് തന്നെ മോഹൻലാൽ ചിത്രത്തിലാണ് ഇവർ ഒന്നിക്കുന്നതെന്ന സൂചനയാണ് ലഭിക്കുന്നതെന്നാണ് ഒരു വിഭാഗം പറയുന്നത്. മോഹൻലാൽ- അൻവർ ചിത്രത്തിന്റെ ചർച്ചകൾ നടക്കുന്നുണ്ട് എന്ന് നേരത്തെ തന്നെ വാർത്തകൾ വന്നിരുന്നു.
അമൽ നീരദ് ഒരുക്കിയ ബൊഗൈൻവില്ല എന്ന ചിത്രത്തിന്റെ പ്രമോഷന്റെ ഭാഗമായി നടത്തിയ മാധ്യമ അഭിമുഖത്തിൽ, അൻവർ റഷീദിനൊപ്പം ഒരു ചിത്രം ഉണ്ടായേക്കാമെന്ന സൂചന കുഞ്ചാക്കോ ബോബനും തന്നിരുന്നു. അതാണ് വീക്കെൻഡ് ബ്ലോക്ക്ബസ്റ്റർസ് ചിത്രത്തിലെ നായകൻ കുഞ്ചാക്കോ ബോബൻ ആയിരിക്കുമെന്ന് പറയാൻ മറ്റൊരു വിഭാഗത്തെ പ്രേരിപ്പിക്കുന്നത്. ഏതായാലും ചിത്രത്തിന്റെ ഔദ്യോഗികമായ അപ്ഡേറ്റുകൾ ഉടനെ വരാനുള്ള കാത്തിരിപ്പിലാണ് ആരാധകർ.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.