[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ആന അലറലോടലറലിൽ പാർവതിയായി അനു സിത്താര..

മികവാർന്ന കഥാപാത്രങ്ങളിലൂടെ സിനിമാപ്രേമികളുടെ മനസ്സിൽ ഇടം നേടിയ താരമാണ് അനു സിത്താര. കൈനിറയെ ചിത്രങ്ങളുമായി നർത്തകി കൂടിയായ അനു മലയാള സിനിമയിൽ സജീവ സാന്നിധ്യമാകുകയാണ്. പൊട്ടാസ് ബോംബ് എന്ന ചിത്രത്തിലൂടെയാണ് അനു മലയാള സിനിമയിലേക്ക് ചുവടുവെച്ചതെങ്കിലും ഒരു ഇന്ത്യൻ പ്രണയകഥയിൽ ലക്ഷ്‌മി ഗോപാലസ്വാമിയുടെ ചെറുപ്പകാലം അവതരിപ്പിച്ചതോടെയാണ് താരം ശ്രദ്ധിക്കപ്പെട്ട് തുടങ്ങിയത്. ചെറുപ്പത്തിലേ ഗര്‍ഭിണിയാകുന്നതും അതിന്റെ മാനസിക സംഘര്‍ഷങ്ങളുമൊക്കെ അഭിനയിച്ച് ഫലിപ്പിക്കാൻ താരത്തിന് കഴിഞ്ഞു.

തുടർന്ന് അഭിനയിച്ച അനാർക്കലി, ഹാപ്പി വെഡിങ് തുടങ്ങിയ സിനിമകൾ സൂപ്പർ ഹിറ്റായി മാറി. ഹാപ്പി വെഡിങ്ങിലെ ഷാഹിന എന്ന കഥാപാത്രം അഭിനേത്രി എന്ന നിലയിൽ അനു സിത്താരയ്ക്ക് ഏറെ പ്രശസ്‌തി നേടിക്കൊടുത്തു. ഇതിനിടയിൽ ‘വെറി’ എന്ന തമിഴ് ചിത്രത്തിൽ വിശാലിന്റെ നായികയായും താരം അഭിനയിക്കുകയുണ്ടായി. മീനാക്ഷിയെന്ന ഗ്രാമീണ പെണ്‍കുട്ടിയായാണ് ഈ ചിത്രത്തിൽ എത്തിയത്.

പിന്നീട് ‘ഫുക്രി’യിലെ ആലിയ അലി ഫുക്രി എന്ന കഥാപാത്രവും ‘രാമന്റെ ഏദൻതോട്ട’ത്തിൽ മാലിനി എന്ന കഥാപാത്രവും അനുവിനെ തേടിയെത്തി. നായികയ്ക്ക് പ്രാധാന്യം നൽകി ഒരുക്കിയ ചിത്രമായിരുന്നു ‘രാമന്റെ ഏദൻതോട്ടം’. മാലിനി എന്ന ശക്തമായ സ്ത്രീ കഥാപാത്രത്തെയാണ് അനു ഇതിൽ അവതരിപ്പിച്ചത്. തുടർന്ന് അച്ചായൻസ്, സർവോപരി പാലാക്കാരൻ, നവൽ എന്ന ജ്യുവൽ എന്നീ ചിത്രങ്ങളിലും ഒന്നിനൊന്ന് മികച്ച വേഷങ്ങൾ അനു സിത്താരയെ തേടിയെത്തി. ഇപ്പോൾ ആന അലറലോടലറൽ എന്ന ചിത്രത്തിലാണ് അനു സിത്താര അഭിനയിക്കുന്നത്. വിനീത് ശീനിവാസന്റെ നായികയായ പാർവതി എന്ന കഥാപാത്രത്തെയാണ് താരം ഇതിൽ അവതരിപ്പിക്കുന്നത്. ഒരുപാട് അഭിനയസാധ്യതയുള്ള ഗ്രാമീണപെൺകുട്ടിയാണ് പാർവതി.

പൂര്‍ണമായും നൃത്തത്തിന് പ്രാധാന്യമുള്ള ചിത്രത്തില്‍ നര്‍ത്തകിയായ കഥാപാത്രമായി അഭിനയിക്കണമെന്നതാണ് അനു സിത്താരയുടെ ഏറ്റവും വലിയ ആഗ്രഹം. ‘പൊട്ടാസ് ബോംബ്’ മുതൽ ‘ആന അലറലോടലറൽ’ വരെയുള്ള സിനിമാജീവിതത്തിൽ വ്യത്യസ്തമായ കഥാപാത്രങ്ങളെ അവതരിപ്പിച്ചുകൊണ്ടാണ് അനു സിത്താരയുടെ മുന്നേറ്റം. മുൻപുള്ള ചിത്രങ്ങളെപ്പോലെ തന്നെ ‘ആന അലറലോടലറലി’ലെ പാർവതി എന്ന കഥാപാത്രവും പ്രേക്ഷകരെ നിരാശപ്പെടുത്തില്ലെന്ന് നിസംശയം പറയാം.

webdesk

Recent Posts

പുരാണ–ഫാന്റസി ദൃശ്യവിസ്മയം ‘നാഗബന്ധം’; ട്രെയിലർ പുറത്തിറങ്ങി

പാൻ-ഇന്ത്യൻ ആക്ഷൻ–അഡ്വഞ്ചർ ചിത്രം ‘നാഗബന്ധം’ ട്രെയിലർ പുറത്തിറങ്ങി. പുരാണം, ചരിത്രം, ഫാന്റസി, സാഹസികത എന്നിവ സമന്വയിപ്പിച്ച വിപുലമായ ദൃശ്യലോകമാണ് ചിത്രം…

1 day ago

ആഷിക്ക് അബു ഭദ്രദീപം കൊളുത്തി; വിനീത് കുമാർ നായകനാകുന്ന ‘നോട്ട്’ ന് തുടക്കം

വിനീത് കുമാർ കേന്ദ്രകഥാപാത്രത്തെ അവതരിപ്പിക്കുന്ന പുതിയ ചിത്രം ‘നോട്ട്’ പൂജാ ചടങ്ങോടെ ഔദ്യോഗികമായി ആരംഭിച്ചു. നവാഗതരായ ആശിഷും കിരണും ചേർന്ന്…

3 days ago

“റെയ്സ് ഓഫ് നാഗ”; രൂപേഷ് പീതാംബരൻ ചിത്രം ഭാസ്കരഭരണത്തിലെ ആദ്യ ഗാനം പുറത്ത്

രൂപേഷ് പീതാംബരൻ സംവിധാനം ചെയ്ത് പ്രധാന കഥാപാത്രത്തെ അവതരിപ്പിക്കുന്ന 'ഭാസ്കരഭരണം' എന്ന ചിത്രത്തിലെ ആദ്യ ഗാനം പുറത്ത്. "റെയ്സ് ഓഫ്…

1 week ago

ബ്രഹ്മാണ്ഡ ചിത്രം നാഗബന്ധത്തിനായി ഹൈദരാബാദിൽ അനന്ത പത്മനാഭ സ്വാമി രഥയാത്ര നടത്തി

അഭിഷേക് നാമ രചിച്ചു സംവിധാനം ചെയ്യുന്ന പാൻ ഇന്ത്യൻ തെലുങ്ക് ചിത്രമായ നാഗബന്ധം 2026, ജൂലൈ 3 ന് ലോകമൊട്ടാകെ…

1 week ago

ഭാസ്കരഭരണം ജൂൺ 26 ന് തിയറ്ററുകളിൽ

രൂപേഷ് പീതാംബരൻ സംവിധാനം ചെയ്ത് പ്രധാന വേഷത്തിലെത്തുന്ന ഭാസ്കരഭരണം ജൂൺ 26 ന് തിയറ്ററുകളിലെത്തും. അടുത്തിടെ പുറത്തിറങ്ങിയ ചിത്രത്തിന്റെ ടീസർ…

1 week ago

വിരാട് കർണ്ണ നായകനാകുന്ന മിത്തോളജിക്കൽ ആക്ഷൻ- അഡ്വഞ്ചർ; നാഗബന്ധം’ കേരള വിതരണാവകാശം സ്വന്തമാക്കി ഗുഡ് ഫെല്ലാസ്

അഭിഷേക് നാമ സംവിധാനം ചെയ്യുന്ന ബ്രഹ്മാണ്ഡ സോഷ്യോ-ഫാന്റസി അഡ്വഞ്ചർ ചിത്രം 'നാഗബന്ധം - ദി സീക്രട്ട് ട്രഷർ' ന്റെ കേരള…

2 weeks ago

This website uses cookies.