സ്വാതന്ത്ര്യം അർദ്ധരാത്രിയിൽ വിജയം മോഹൻലാലിനൊപ്പം ആഘോഷിച്ച് ആന്റണി വർഗീസ്..

നവാഗതനായ ടിനു പാപ്പച്ചൻ സംവിധാനം ചെയ്ത് ആന്റണി വർഗീസ് നായകനായി അഭിനയിച്ച ചിത്രം സ്വാതന്ത്ര്യം അർദ്ധരാത്രയിൽ ഇന്നലെ പുറത്തിറങ്ങിയിരുന്നു. ചിത്രം അതി ഗംഭീരം എന്നാണ് പ്രേക്ഷകരുടെ വാക്കുകൾ. നിറഞ്ഞ കയ്യടികളോടെ ചിത്രം തീയറ്ററിൽ പ്രദർശനം തുടരുന്നതിനിടെ ആണ് ചിത്രത്തിലെ നായകനായ ആന്റണി വർഗീസ് മോഹൻലാലുമായി കൂടിക്കാഴ്ച്ച നടത്തിയത്. ചിത്രത്തിന്റെ വിജയം ആന്റണി വർഗീസ് മോഹൻലാലുമായി പങ്കുവെച്ചു, തുടർന്ന് മോഹൻലാലിന്റെ അനുഗ്രഹാശസകളും നേടി ആണ് ആന്റണി വർഗീസ് മടങ്ങിയത്.

വി. എ ശ്രീകുമാർ സംവിധാനം ചെയ്യുന്ന ഒടിയന്റെ സെറ്റിൽ നിന്നുമാണ് മോഹൻലാൽ ആന്റണി വർഗീസിനെ കാണാൻ ആയി എത്തിയത്. ആന്റണി വർഗീസ് ആദ്യമായി മലയാളത്തിൽ അഭിനയിച്ച ചിത്രം അങ്കമാലി ഡയറീസ് മികച്ച പ്രതികരണം നേടിയിരുന്നു. പൊതുവെ ചിത്രങ്ങളുടെ അഭിപ്രായങ്ങൾ അനാവശ്യമായി പങ്കു വെക്കാത്ത മോഹൻലാൽ അങ്കമാലി ഡയറീസ് കണ്ട് അഭിനന്ദനപ്രവാഹം ചൊരിഞ്ഞിരുന്നു. അതിന് ശേഷം ആണ് ഇത്തരത്തിൽ ഒരു കൂടിക്കാഴ്ച നടക്കുന്നത്. അങ്കമാലി ഡയറീസ് എന്ന ചിത്രത്തിന്റെ സംവിധായകൻ ആയ ലിജോ ജോസ് പല്ലിശ്ശേരിയുടെ ശിഷ്യൻ ആയ ടിനു പാപ്പച്ചൻ സംവിധാനം ചെയ്ത ചിത്രത്തിൽ ആന്റണിയെ കൂടാതെ വിനായകൻ, ചെമ്പൻ വിനോദ് തുടങ്ങിയവരും അഭിനയിച്ചിട്ടുണ്ട്. ചിത്രം മികച്ച പ്രതികരണവുമായി നിറഞ്ഞ സദസ്സിൽ മുന്നേറുന്നു..