ആരാധകര് ഏറെ പ്രതീക്ഷയോടെ കാത്തിരിക്കുന്ന മോഹന്ലാല് ചിത്രമാണ് ശ്രീകുമാര് മേനോന് സംവിധാനം ചെയ്യുന്ന ‘ഒടിയന്’. ചിത്രത്തിനായി മോഹൻലാൽ നടത്തിയ മേക്ക് ഓവർ ഉൾപ്പെടെ ‘ഒടിയനെ’ക്കുറിച്ചുള്ള എല്ലാ വിവരങ്ങളും ആരാധകർ ഇരുകൈയ്യും നീട്ടിയാണ് സ്വീകരിച്ചത്. എന്നാല് മോഹന്ലാല് ചിത്രം ഒടിയന് പുറമെ മലയാളത്തില് മറ്റൊരു ഒടിയനും കൂടി തയ്യാറെടുക്കുന്നതായാണ് പുതിയ വാര്ത്ത. പ്രിയനന്ദന് ആണ് ‘ഒടിയന്’ എന്ന പേരില് മറ്റൊരു ചിത്രം ഒരുക്കുന്നത്. അദ്ദേഹം തന്നെയാണ് ഇക്കാര്യം അറിയിച്ചിരിക്കുന്നത്. പി കണ്ണന്കുട്ടിയുടെ നോവലിന്റെ ചലച്ചിത്രാവിഷ്കാരമായിരിക്കും ഒടിയനെന്ന് ചിത്രത്തിന്റെ പോസ്റ്റര് പങ്കുവച്ചു കൊണ്ട് പ്രിയനന്ദന് വ്യക്തമാക്കി.
‘പി.കണ്ണന്കുട്ടിയുടെ അതി മനോഹരമായ നോവലിന്റെ ചലച്ചിത്ര ആവിഷ്ക്കാരത്തിന് ഞാന് ഇനിയും പരിശ്രമിച്ചു കൊണ്ടേയിരിക്കും. നടക്കാതെ പോയ സ്വപ്നങ്ങളിലാണ് ചില പക്ഷികള് വീണ്ടും അടയിരിക്കാനായി കൂടുകള് കൂട്ടുന്നതെ’ന്ന് പ്രിയാനന്ദൻ ഫേസ്ബുക്കിൽ കുറിച്ചു. 2002-ല് കറന്റ് ബുക്സ് സുവര്ണജൂബിലി നോവല് അവാര്ഡ് നേടിയ കൃതിയാണ് ഒടിയന്. സിനിമയുടെ തിരക്കഥയൊരുക്കുന്നത് ജിനു എബ്രബാം ആണ്. ഹരി നായരാണ് ഛായാഗ്രഹണം.
2013 ല് ഫഹദ് ഫാസിലിനെ നായകനാക്കി ഇങ്ങനെയൊരു ചിത്രം പ്രിയനന്ദനന് ചെയ്യുന്നുവെന്ന് വാര്ത്തകള് ഉയർന്നുവന്നിരുന്നു. നായകന് ആരാണെന്ന് വെളിപ്പെടുത്തിയിട്ടില്ലെങ്കിലും പ്രിയനന്ദന്റെ ഒടിയന് ഉടന് ഉണ്ടാകുമെന്നാണ് സൂചന. മോഹൻലാലിൻറെ ‘ഒടിയൻ’ എത്താൻ പ്രേക്ഷകർ ഇനിയും കാത്തിരിക്കേണ്ടി വരുമെന്ന അഭ്യൂഹങ്ങൾ പരക്കുന്നതിനിടെയാണ് ‘ഒടിയൻ’ എന്ന ചിത്രത്തെക്കുറിച്ച് പ്രിയാനന്ദൻ വെളിപ്പെടുത്തിയിരിക്കുന്നത്.
ശ്രീകുമാര് മേനോന് സംവിധാനം ചെയ്യുന്ന ‘ഒടിയൻ’ മോഹൻലാലിൻറെ സിനിമാജീവിതത്തിലെ തന്നെ മികച്ച ചിത്രമായിരിക്കുമെന്നാണ് സൂചന. 1950 നും 1990 നും ഇടയിലുള്ള കാലഘട്ടമാണ് സിനിമയില് ചിത്രീകരിക്കുന്നത്. മഞ്ജു വാര്യരാണ് ചിത്രത്തിലെ നായിക. ആശീര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് ഒടിയൻ നിർമിക്കുന്നത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.