പൃഥ്വിരാജും നസ്രിയയും ഒന്നിക്കുന്ന അഞ്ജലി മേനോൻ ചിത്രം ഉടൻ ആരംഭിക്കുന്നു ..

മലയാളി പ്രേക്ഷകർക്ക് ഏറെ പ്രിയങ്കരിയായ സംവിധായികയാണ് അഞ്ജലി മേനോൻ. ബാംഗ്ലൂർ ഡേയ്സ് മഞ്ചാടിക്കുരു എന്നീ ചിത്രങ്ങൾകൊണ്ട് തന്നെ പ്രേക്ഷക പ്രശംസയും നിരൂപക പ്രശംസയും പിടിച്ചുപറ്റുവാൻ അഞ്ജലിക്ക് സാധിച്ചു.

താൻ മൂന്നാമതായി സംവിധാനം ചെയുന്ന ചിത്രത്തിൽ പൃഥ്വിരാജും നസ്രിയയും പാര്‍വതിയുമാണ് കേന്ദ്ര കഥാപാത്രങ്ങളെ അവതരിപ്പിക്കാനായി എത്തുന്നത്. കഥാപാത്രങ്ങളെ തിരഞ്ഞെടുക്കുന്നതിൽ ഉള്ള പൃഥ്വിരാജിന്റെ വ്യത്യസ്ഥത ഈ ചിത്രത്തിനും പ്രതീക്ഷ കൂട്ടുന്നുണ്ട്. ഒരു ഇടവേളക്ക് ശേഷം നസ്രിയയും തിരിച്ച വെള്ളിത്തിരയിലേക്ക് എത്തുന്നു എന്നതും പ്രേക്ഷകർക്ക് കാത്തിപ്പിനു ഒരു കാരണമാവുന്നു. ബാംഗ്ലൂർ ഡെയ്‌സിന് ശേഷം വീണ്ടും പാർവതിയും, നസ്രിയയും അഞ്ജലിയും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്.

പൃഥ്വിരാജ് ഇപ്പോൾ റോഷ്‌നി ദിനകർ സംവിധാനം ചെയ്യന്ന മൈ സ്റ്റോറി എന്ന ചിത്രത്തിന്റെ അവസാന ഘട്ട ചിത്രീകരണത്തിലാണ്. അഞ്ജലിയുടെ ചിത്രത്തിനായി നവംബർ ആദ്യ വാരം തന്നെ ഊട്ടിയിൽ നടക്കുന്ന ഷെഡ്യൂളിൽ വന്നുചേരും എന്നാണ് അറിയാൻ സാധിച്ചത്.