മലയാള സിനിമയിലെ വനിതാ സംവിധായികമാരുടെ കൂട്ടത്തിൽ ഏറ്റവും വിജയം നേടിയ ഒരാളാണ് അഞ്ജലി മേനോൻ. രചയിതാവായും സംവിധായികയായും സൂപ്പർ ഹിറ്റുകൾ സമ്മാനിച്ച ഈ കലാകാരി ഇന്ന് പ്രേക്ഷകർക്ക് ഏറ്റവും കൂടുതൽ വിശ്വാസമുള്ള ഒരു പേരാണ്. അഞ്ജലി മേനോൻ ചിത്രമാണെങ്കിൽ അതൊരിക്കലും മോശമാവില്ല എന്ന വിശ്വാസമാണ് ഇന്ന് മലയാള സിനിമാ പ്രേക്ഷകർക്കുള്ളത്. മഞ്ചാടിക്കുരു, ബാംഗ്ലൂർ ഡേയ്സ്, കൂടെ എന്നീ ചിത്രങ്ങൾ സംവിധാനം ചെയ്ത അഞ്ജലി മേനോൻ കേരളാ കഫേ എന്ന ആന്തോളജി ചിത്രത്തിലെ ഹാപ്പി ജേർണി എന്ന ചിത്രവുമൊരുക്കി. സൂപ്പർ ഹിറ്റായി മാറിയ ഉസ്താദ് ഹോട്ടൽ എന്ന അൻവർ റഷീദ് ചിത്രം രചിച്ചതും അഞ്ജലി മേനോനാണ്. രചയിതാവായി ദേശീയ അവാർഡും സംസ്ഥാന അവാർഡുകളും നേടിയിട്ടുള്ള ഈ കലാകാരി മറ്റനേകം പുരസ്കാരങ്ങളും നേടിയെടുത്തിട്ടുണ്ട്. ഇപ്പോഴിതാ താൻ ഒരാഴ്ചക്കിടെ പന്ത്രണ്ടു തവണ ഒരു ചിത്രം തീയേറ്ററിൽ കണ്ടിട്ടുണ്ടെന്നും അതേതാണെന്നും വെളിപ്പെടുത്തുകയാണ് ഈ സംവിധായിക.
ദി ഹിന്ദുവിന്റെ ഇന്സ്റ്റഗ്രാം ലൈവ് അഭിമുഖത്തിലായിരുന്നു അഞ്ജലി മേനോൻ ഇത് തുറന്നു പറഞ്ഞത്. ലണ്ടന് ഫിലിം സ്കൂളില് വിദ്യാര്ഥി ആയിരുന്ന കാലത്തു മീര നായർ സംവിധാനം ചെയ്ത മൺസൂൺ വെഡിങ് എന്ന ചിത്രമാണ് താൻ ഒരാഴ്ചക്കിടെ പന്ത്രണ്ടു തവണ തീയേറ്ററിൽ പോയി കണ്ടതെന്ന് പറയുകയാണ് അഞ്ജലി മേനോൻ. വെനീസ് ഫിലിം ഫെസ്റ്റിവലില് മികച്ച സിനിമയ്ക്കുള്ള ഗോള്ഡന് ലയണ് പുരസ്കാരം ലഭിച്ചപ്പോഴാണ് ആ സിനിമയെ കുറിച്ച് ആദ്യമായി കേൾക്കുന്നത് എന്നും സത്യജിത് റായിക്കു ശേഷം ഇന്ത്യയിൽ നിന്നുള്ള ഒരാൾക്ക് ആ പുരസ്കാരം ലഭിക്കുന്നത് ആദ്യമായതു കൊണ്ട് തന്നെ അത് വളരെയധികം ശ്രദ്ധ നേടിയെന്നും അഞ്ജലി മേനോൻ പറയുന്നു. 2001 ഇൽ ആണ് മൺസൂൺ വെഡിങ് റിലീസ് ചെയ്യുന്നത്. പഠനത്തിന്റെ ഭാഗമായുള്ള ഡിസർട്ടേഷൻ ഈ ചിത്രത്തിൽ തന്നെ നടത്തിയ അഞ്ജലി മേനോൻ പിന്നീട് മീര നായരെ ഇന്റർവ്യൂ ചെയ്യുകയും ചെയ്തു. ഓരോ തവണ കാണുമ്പോഴും കൂടുതൽ കൂടുതൽ ആകർഷകമാവുകയാണ് ഈ ചിത്രമെന്നും അഞ്ജലി മേനോൻ അഭിപ്രായപ്പെടുന്നു.
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
This website uses cookies.