മലയാളസിനിമക്ക് ഇത് അഭിമാനിക്കാവുന്ന കാലമാണ്. ലോകത്തെ ഏറ്റവും വലിയ ചലച്ചിത്ര മേളകളിൽ ഒന്നായ ബുസാൻ ചലച്ചിത്ര മേളയിൽ വളരെ വിരളമായി മാത്രമാണ് മലയാളം സിനിമകൾക്ക് പ്രദർശനാനുമതി ലഭിക്കാറുള്ളത്. 86 പുതുമുഖങ്ങളെ അണിനിരത്തി ലിജോ ജോസ് പള്ളിശേരി സംവിധാനം ചെയ്ത അങ്കമാലി ഡയറീസ് ഈ നേട്ടം കൈവരിച്ചിരിക്കുകയാണ്.
ലിജോ ജോസ് പള്ളിശ്ശേരി ഡബിൾ ബാരലിന് ശേഷം സംവിധാനം ചെയ്ത അങ്കമാലി ഡയറീസ് അദ്ദേഹത്തിന്റെ എന്നല്ല മലയാള സിനിമയിലെ തന്നെ ഏറ്റവും വലിയ പരീക്ഷണ ചിത്രങ്ങളിലൊന്നായിരുന്നു.
ഒരു താരമൂല്യത്തിന്റെയും പിന്തുണ ഇല്ലാതെ പുറത്തിറങ്ങിയ അങ്കമാലി ഡയറീസ് ഗംഭീര ദൃശ്യാനുഭവം പ്രേക്ഷകർക്ക് സമ്മാനിച്ചു എന്നുമാത്രമല്ല, മികച്ച കുറെ അഭിനേതാക്കളെയും കൂടിയാണ് മലയാള സിനിമക്ക് നൽകിയത്.
ഉറുമി ആണ് ബുസാൻ ചലച്ചിത്രമേളയിൽ പ്രദർശിപ്പിച്ച അവസാന മലയാള ചിത്രം. അങ്കമാലി ഡയറീസ് ബുസാൻ ചലച്ചിത്ര മേളയിൽ പ്രദർശിപ്പിക്കുന്നു എന്ന വാർത്തക്ക് പുറമെയാണ് മോഹൻലാൽ ചിത്രമായ ദൃശ്യത്തിന്റെ റൈറ്റ്‌സ് വാങ്ങാൻ ഒരു ചൈനീസ് പ്രൊഡക്ഷൻ കമ്പനി എത്തിയത്.
ലോകസിനിമയിൽ മലയാളം സിനിമക്ക് കിട്ടുന്ന ഇത്തരത്തിലുള്ള സ്വീകാര്യത ഏറെ കൗതുകത്തോടെയാണ് മറ്റുള്ളവർ നോക്കിക്കാണുന്നത്.
ആന്റണി വർഗീസ്, രേഷ്മ സുരേഷ്, ശരത് കുമാർ, മാർഷൽ ടിറ്റു തുടങ്ങിയ പുതുമുഖങ്ങൾ ആണ് അങ്കമാലി ഡയറീസിലെ കേന്ദ്രകഥാപാത്രങ്ങൾ. പ്രശാന്ത് പിള്ള സംഗീതം നിർവഹിച്ച ചിത്രത്തിന്റെ ഛായാഗ്രാഹകൻ ഗിരീഷ് ഗംഗാധരൻ ആണ്. വിജയ് ബാബു ആണ് ഫ്രൈഡേ ഫിലിംസിന്റെ ബാനറിൽ അങ്കമാലി ഡയറീസ് നിർമിച്ചിരിക്കുന്നത് .
അഭിഷേക് നാമ രചിച്ചു സംവിധാനം ചെയ്യുന്ന വമ്പൻ തെലുങ്ക് ചിത്രമായ 'നാഗബന്ധ'ത്തിൽ നൃത്ത സംവിധാനം നിർവഹിക്കാൻ പ്രശസ്ത നൃത്ത സംവിധായകനായ…
ടോവിനോ തോമസ്, സുരാജ് വെഞ്ഞാറമൂട്, ചേരൻ എന്നിവരെ മുഖ്യ കഥാപാത്രങ്ങളാക്കി അനുരാജ് മനോഹർ ഒരുക്കുന്ന പുതിയ ചിത്രം നരിവേട്ടയുടെ ഡബ്ബിങ്…
ശാസ്ത്രജ്ഞനായ ജി.ഡി. നായിഡുവിന്റെ ജീവചരിത്രമാണ് സിനിമയാവുന്നത് 'ഇന്ത്യയുടെ എഡിസൺ' എന്നറിയപ്പെടുന്ന ഗോപാൽസ്വാമി ദൊരൈസ്വാമി നായിഡുവിന്റെ ബയോപിക് സിനിമയിൽ ജി.ഡി. നായിഡുവിന്റെ…
ശ്യാം ശീതൾ സംവിധാനം നിർവ്വഹിക്കുന്ന രണ്ടാമത്തെ ഹ്രസ്വ ചിത്രമാണ് ‘എൻ്റെ’ . ആദ്യമായി ഒരുക്കിയ ചിത്രത്തിന് ലോകത്തിലെ തന്നെ ഏറ്റവും…
കഥാപാത്രങ്ങളിലെ വൈവിധ്യം കൊണ്ട് പ്രേക്ഷകരുടെ പ്രിയതാരമായി മാറിയ ഷറഫുദീൻ പ്രേക്ഷകർക്ക് മുന്നിലെത്തുന്ന "ദി പെറ്റ് ഡിക്റ്റക്റ്റീവ്" ഏപ്രിൽ 25ന് പ്രദർശനത്തിനെത്തുന്നു.…
പുലി മുരുകൻ എന്ന മോഹൻലാൽ ചിത്രം തനിക്ക് നിർമ്മാതാവ് എന്ന നിലയിൽ സമ്മാനിച്ചത് ചരിത്ര വിജയമെന്ന് ടോമിച്ചൻ മുളകുപാടം. ചിത്രം…
This website uses cookies.