ഇന്ത്യയിൽ ഏറ്റവും അധികം ആരാധകരുള്ള മലയാള നടൻ ആരാണെന്ന ചോദ്യത്തിന് ഒറ്റ ഉത്തരമേയുള്ളൂ, മോഹൻലാൽ. അതിപ്പോൾ സാധാരണ ജനങ്ങളുടെ ഇടയിൽ മാത്രമല്ല എന്നത് പരസ്യമായ രഹസ്യമാണ്. ഒരുപക്ഷെ ഇന്ത്യൻ സിനിമയിലെ തന്നെ ഏറ്റവും കൂടുതൽ സെലിബ്രിറ്റീസ് ആരാധിക്കുന്ന നടൻ മോഹൻലാൽ ആയിരിക്കും. നടന്മാരും നടിമാരും സാങ്കേതിക പ്രവർത്തകരും മുതൽ ഇന്ത്യൻ സിനിമയിലെ വ്യത്യസ്ത സിനിമാ ഇന്ടസ്ട്രികളിലെ ഒട്ടുമിക്ക പ്രഗത്ഭരും പ്രശസ്തരുമായ ആളുകൾ മോഹൻലാലിനോടുള്ള തങ്ങളുടെ കടുത്ത ആരാധന തുറന്നു പറഞ്ഞിട്ടുണ്ട് . അതിൽ ഇതിഹാസങ്ങളായ അമിതാബ് ബച്ചനും ഷാരൂഖാനും ആമിർ ഖാനും മുതൽ എസ് എസ് രാജമൗലി വരെയുണ്ട്. ഇപ്പോഴിതാ ലാലേട്ടന്റെ സെലിബ്രിറ്റി ഫാൻസ് ലിസ്റ്റിലേക്ക് ഒരാൾ കൂടി എത്തി കഴിഞ്ഞു. അത് മറ്റാരുമല്ല, അങ്കമാലി ഡയറീസ് എന്ന തന്റെ ആദ്യ ചിത്രം കൊണ്ട് തന്നെ കേരളത്തിന് അകത്തും പുറത്തും പ്രശസ്തനായ യുവ നായകൻ ആന്റണി വർഗീസ് ആണ് ആ ആരാധകൻ.
ഇപ്പോൾ തന്റെ രണ്ടാമത്തെ ചിത്രമായ സ്വാതന്ത്ര്യം അർദ്ധരാത്രിയിലും സൂപ്പർ ഹിറ്റായി മാറിയതോടെ താര പദവിയിലേക്ക് ഉയർന്നു കഴിഞ്ഞു ആന്റണി വർഗീസ് എന്ന പ്രേക്ഷകരുടെ പ്രീയപെട്ട പെപ്പെ. ഈ അടുത്ത ദിവസം തിരുവനന്തപുരത്തു ഒരു കോളേജ് ഫങ്ക്ഷനിൽ പങ്കെടുക്കാൻ എത്തിയപ്പോഴാണ് ഓരോ മലയാളിയും എപ്പോൾ വേണമെങ്കിലും എവിടെ വെച്ച് വേണമെങ്കിലും നേരിടാവുന്ന ആ ചോദ്യം കോളേജ് വിദ്യാർത്ഥികൾ ആന്റണിക്ക് നേരെ തൊടുത്തു വിട്ടത്. ആരെയാണ് ആന്റണിക്ക് കൂടുതൽ ഇഷ്ടം, ലാലേട്ടനേയോ അതോ മമ്മുക്കയെയോ. ഒരു നിമിഷം പോലും ആലോചിക്കാതെ ആന്റണി പറഞ്ഞ മറുപടി ലാലേട്ടൻ എന്നായിരുന്നു.
കുറച്ചു ആഴ്ചകൾക്കു മുൻപേ ആന്റണി വർഗീസ് മോഹൻലാലിനൊപ്പം എടുത്ത ചിത്രങ്ങൾ സോഷ്യൽ മീഡിയയിൽ വൈറൽ ആയിരുന്നു. ഫ്ളവേഴ്സ് ചാനലിന്റെ ഇന്ത്യൻ ഫിലിം അവാർഡ്സിൽ പങ്കെടുക്കാൻ എത്തിയപ്പോൾ എടുത്ത ചിത്രങ്ങൾ ആയിരുന്നു അവ. അങ്കമാലി ഡയറീസ് കണ്ടു മോഹൻലാൽ തനിക്കു നൽകിയ അഭിനന്ദനം ആണ് ജീവിതത്തിലെ ഒരിക്കലും മറക്കാനാവാത്ത മുഹൂർത്തം എന്നാണ് ആന്റണി പറയുന്നത്. ഏതായാലും പെപ്പെയുടെ ചങ്കിനകത്തും ലാലേട്ടൻ ആണെന്ന് അറിഞ്ഞതോടെ മോഹൻലാൽ ആരാധകരും അത് ആഘോഷമാക്കുകയാണ്.
കൊച്ചി : 15 വർഷങ്ങൾ..നിർമ്മിച്ചത് 26 സിനിമകൾ. മലയാള സിനിമ മേഖലയിൽ മാറ്റത്തിന്റെ പാത തെളിച്ചാണ് ലിസ്റ്റിൻ സ്റ്റീഫനും മാജിക്…
കേരളത്തിന് പുറമെ അന്യസംസ്ഥാനങ്ങളും 3D A.R.M ന്റെ ബോക്സ് ഓഫീസ് തേരോട്ടം തുടരുകയാണ് .ഫേസ്ബുക്കിൽ അജിത് പുല്ലേരി പങ്ക് വച്ച…
കംപ്ലീറ്റ് ആക്ടർ മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കുന്ന ചിത്രമാണ് എമ്പുരാൻ. നൂറു കോടി ക്ലബിൽ ഇടം പിടിച്ച തന്റെ…
തമിഴകത്തിന്റെ സൂപ്പർസ്റ്റാർ രജനികാന്ത് നായകനായ ഏറ്റവും പുതിയ ചിത്രമായ വേട്ടൈയാൻ ഒക്ടോബർ പത്തിന് പ്രേക്ഷകരുടെ മുന്നിലെത്തുകയാണ്. ടി ജെ ജ്ഞാനവേൽ…
ആസിഫ് അലി നായകനായ കിഷ്കിന്ധാ കാണ്ഡം 50 കോടി ക്ലബിൽ. 12 ദിവസം കൊണ്ടാണ് ഈ ചിത്രം ആഗോള തലത്തിൽ…
പാൻ ഇന്ത്യൻ ബ്ലോക്കബ്സ്റ്റർ ചിത്രമായ പുഷ്പയുടെ രണ്ടാം ഭാഗം ഇന്ന് ഇന്ത്യൻ സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമാണെന്ന്…
This website uses cookies.