ആൻ ഇന്റർനാഷണൽ ലോക്കൽ സ്റ്റോറി ഇന്ന് മുതൽ; തിയേറ്റർ ലിസ്റ്റ് ഇതാ..!

പ്രശസ്ത നടൻ ഹരിശ്രീ അശോകൻ ആദ്യമായി സംവിധാനം ചെയ്ത ആൻ ഇന്റർനാഷണൽ ലോക്കൽ സ്റ്റോറി എന്ന ചിത്രം ഇന്ന് റിലീസ് ചെയ്യുകയാണ്. കേരളത്തിൽ മികച്ച റിലീസ് ലഭിച്ചിരിക്കുന്ന ഈ ചിത്രത്തിന്റെ തീയേറ്റർ ലിസ്റ്റ് ആണ് ഇവിടെ ചേർത്തിരിക്കുന്നത്. ഈ ചിത്രത്തിന്റെ പോസ്റ്ററുകളും ഗാനങ്ങളും ട്രൈലെറുമെല്ലാം നേരത്തെ തന്നെ പ്രേക്ഷക ശ്രദ്ധ നേടിയെടുത്തിരുന്നു. ഒരു കമ്പ്ലീറ്റ് കോമഡി എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രത്തിൽ രാഹുൽ മാധവ്, ദീപക്, ധർമജൻ, ബിജു കുട്ടൻ , മനോജ് കെ ജയൻ, ടിനി ടോം, ഇന്നസെന്റ്, ബൈജു, കലാഭവൻ ഷാജോൺ, സലിം കുമാർ, കുഞ്ചൻ, സുരേഷ് കൃഷ്ണ, ജഫാർ ഇടുക്കി, മാല പാർവതി, സുരഭി സന്തോഷ്, മമിത ബൈജു, രേഷ്മ എന്നിവരാണ് പ്രധാന വേഷങ്ങൾ ചെയ്തിരിക്കുന്നത്.

യുവ രചയിതാക്കളായ രഞ്ജിത്, സനീഷ്, എബിൻ എന്നിവർ ചേർന്നു തിരക്കഥ രചിച്ചിരിക്കുന്ന ഈ ചിത്രത്തിൽ സംവിധായകൻ ഹരിശ്രീ അശോകനും ഒരു നിർണ്ണായക വേഷം അവതരിപ്പിച്ചിട്ടുണ്ട്. എസ് സ്‌ക്വയർ സിനിമയുടെ ബാനറിൽ എം ഷിജിത് നിർമ്മിച്ചിരിക്കുന്ന ഈ ചിത്രത്തിന് സംഗീതം ഒരുക്കിയത് ഗോപി സുന്ദർ, നാദിർഷ, അരുൺ രാജ് തുടങ്ങിയവർ ആണ്. ആൽബി ആണ് ഈ ചിത്രത്തിന് വേണ്ടി കാമറ ചലിപ്പിച്ചിരിക്കുന്നത്. രതീഷ് രാജ് എഡിറ്റ് ചെയ്തിരിക്കുന്ന ഈ ചിത്രം കുടുംബ പ്രേക്ഷകരെയും യുവ പ്രേക്ഷകരെയും ഒരുപോലെ ലക്‌ഷ്യം വെച്ചാണ് ഒരുക്കിയിരിക്കുന്നത് എന്നാണ് അണിയറ പ്രവർത്തകർ നൽകുന്ന സൂചന. ഏതായാലും ഒരു കളർഫുൾ എന്റർടൈനേർ തന്നെയാവും ഈ സിനിമ എന്ന ഉറപ്പ് ഇതിന്റെ ട്രയ്ലർ, ഗാനങ്ങൾ എന്നിവ നൽകി കഴിഞ്ഞു.