ഭീഷ്മ പർവ്വം ടീസർ കണ്ട അൽഫോൻസ് പുത്രന്റെ വാക്കുകൾ; ഏറ്റെടുത്തു സോഷ്യൽ മീഡിയ..!

മെഗാ സ്റ്റാർ മമ്മൂട്ടി നായകനായി എത്തുന്ന ഏറ്റവും പുതിയ ചിത്രമായ ഭീഷ്മ പർവ്വത്തിന്റെ ആദ്യ ടീസർ ഇന്നലെ വൈകുന്നേരമാണ് റിലീസ് ചെയ്തത്. അമൽ നീരദ് പ്രൊഡക്ഷൻസിന്റെ ബാനറിൽ അദ്ദേഹം തന്നെ നിർമ്മിച്ച് സംവിധാനം ചെയ്ത ഈ ചിത്രം രചിച്ചത് അമൽ നീരദും നവാഗതനായ ദേവദത് ഷാജിയും ചേർന്നാണ്. ഇന്നലെ പുറത്തു വന്ന ഇതിന്റെ ടീസറിന് ഗംഭീര പ്രതികരണമാണ് സോഷ്യൽ മീഡിയയിൽ നിന്നും ലഭിക്കുന്നത്. മമ്മൂട്ടിയുടെ കിടിലൻ ഡയലോഗുകളും ആക്ഷനും ഒക്കെയാണ് ഈ ടീസറിന്റെ ഹൈലൈറ്റ്. അതുപോലെ തന്നെ സുഷിൻ ശ്യാം ഒരുക്കിയ പശ്‌ചാത്തല സംഗീതവും കയ്യടി നേടുന്നുണ്ട്. ഇപ്പോഴിതാ ഈ ടീസർ കണ്ടു അൽഫോൻസ് പുത്രൻ പങ്കു വെച്ച വാക്കുകൾ ശ്രദ്ധ നേടുകയാണ്. ഭീഷ്മ പർവ്വം ടീസർ സമ്മാനിക്കുന്നത് രോമാഞ്ചം ആണെന്നാണ് അൽഫോൻസ് പുത്രൻ പറയുന്നത്. ഇപ്പോൾ തന്റെ ഏറ്റവും പുതിയ ചിത്രമായ ഗോൾഡിന്റെ പോസ്റ്റ് പ്രൊഡക്ഷൻ ജോലികളിൽ ആണ് അദ്ദേഹം.

പൃഥ്വിരാജ് സുകുമാരൻ ആണ് ഗോൾഡിലെ നായകൻ. മമ്മൂട്ടിയെ കൂടാതെ ശ്രീനാഥ് ഭാസി, സൗബിൻ ഷാഹിർ, ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനഘ, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, നെടുമുടി വേണു, ദിലീഷ് പോത്തൻ, ഫർഹാൻ ഫാസിൽ, നിസ്താർ സേട്ട്, മാല പാർവതി, കോട്ടയം രമേശ്, പോളി വത്സൻ, ധന്യ അനന്യ, റംസാൻ, ഷെബിൻ ബെൻസൺ, ജിനു ജോസഫ് എന്നിവരും അഭിനയിച്ച ഭീഷ്മ പർവ്വം അടുത്ത മാസം മൂന്നിന് ആണ് റിലീസ് ചെയ്യുന്നത്.