‘ട്വന്റി- 20 യിലും വലിയ സിനിമയായിരിക്കണം അത്…’ ആരാധകന്റെ ചോദ്യത്തിന് മറുപടിയുമായി അൽഫോൺസ് പുത്രൻ

വളരെ ചുരുങ്ങിയ ചിത്രങ്ങൾ സംവിധാനം ചെയ്തു കൊണ്ട് പ്രേക്ഷകമനസ്സിൽ വലിയ ചിരപ്രതിഷ്ഠ നേടിയ ചലച്ചിത്രകാരനാണ് അൽഫോൺസ് പുത്രൻ. നിവിൻ പോളിയെ നായകനാക്കി നേരം, പ്രേമം എന്നീ രണ്ട് സൂപ്പർ ഹിറ്റ് ചിത്രങ്ങൾ ഒരുക്കിയ അൽഫോൻസ് പുത്രന്റെ പുതിയ ചിത്രത്തെക്കുറിച്ച് സമൂഹമാധ്യമങ്ങളിൽ വലിയ ചർച്ചകൾ നടക്കാറുള്ളത് പതിവാണ്. നിലവിൽ ഫഹദ് ഫാസിലിനെയും നയൻതാരയും കേന്ദ്രകഥാപാത്രങ്ങളാക്കി പാട്ട് എന്ന പുതിയ ചിത്രം സംവിധാനം ചെയ്യുന്നതിന്റെ തിരക്കിലാണ് അൽഫോൺസ് പുത്രൻ. എങ്കിലും അദ്ദേഹത്തിന്റെ പുതിയ പ്രോജക്ടുകളെപ്പറ്റി അറിയാൻ ആരാധകർക്ക് വലിയ താല്പര്യമാണുള്ളത്. പുതിയ സിനിമകളെ സംബന്ധിക്കുന്ന ആരാധകരുടെ ചോദ്യത്തിന് വളരെ വ്യക്തമായ മറുപടി കൊടുക്കാൻ അൽഫോൺസ് പുത്രൻ എല്ലായിപ്പോഴും ശ്രദ്ധിക്കാറുണ്ട്. അത്തരത്തിൽ ആരാധകന് അൽഫോൺസ് പുത്രൻ നൽകിയ മറുപടിയാണ് ഇപ്പോൾ സമൂഹം മാധ്യമങ്ങളിൽ വലിയ ചർച്ചയായിരുന്നത്.

അൽഫോൻസ് സാർ, ലാലേട്ടനെയും മമ്മൂക്കയെയും വെച്ച് ഒരു സിനിമ എടുക്കുമൊ. എന്ന ആരാധകരുടെ ചോദ്യത്തിനാണ് അൽഫോൺസ് പുത്രൻ വളരെ വ്യക്തമായ മറുപടി നൽകിയത്. അവരെ വെച്ച് ഒരു സിനിമ ചെയ്യുന്നുണ്ടെങ്കിൽ. അത് മിനിമം ഹരികൃഷ്ണൻസും ട്വന്റി- 20 യിലും വലിയ സിനിമ ആയിരിക്കണം. അതിന് സ്ക്രിപ്റ്റ് എഴുതുന്നത് ഒട്ടും എളുപ്പമുള്ള കാര്യമല്ല. പിന്നെ എനിക്ക് അതിനുള്ള പക്വത ആയോ എന്നൊരു ഡൗട്ട് ഉണ്ട്. അൽഫോൺസ് പുത്രന്റെ ഈ മറുപടി ആരാധകർ ഏറ്റെടുത്തിരിക്കുകയാണ്. ഇത്തരത്തിൽ ആരാധകനു നൽകിയ മറുപടിയിൽ മമ്മൂട്ടിയെ നായകനാക്കി താൻ ഒരു സിനിമ ചെയ്യാൻ പോകുന്നു എന്ന് അദ്ദേഹം വെളിപ്പെടുത്തിയിരുന്നു. പ്രേക്ഷകർക്ക് വലിയ പ്രതീക്ഷയുള്ള ചലച്ചിത്രകാരൻ ആയതിനാലാണ് അദ്ദേഹത്തിന്റെ ചില മറുപടികൾ പോലും ഇത്ര പ്രസക്തമാകുന്നത്.