ഇന്ന് ബോളിവുഡിലെ ഏറ്റവും താരമൂല്യമുള്ള നടന്മാരിലൊരാളാണ് അക്ഷയ് കുമാർ. ഒരുകാലത്തു ആക്ഷൻ ചിത്രങ്ങൾ മാത്രം ചെയ്തു നടന്നിരുന്ന അക്ഷയ് കുമാർ എന്ന നടൻ ഗംഭീരമായി കോമെഡിയും ചെയ്യുമെന്ന് ബോളിവുഡിന് കാണിച്ചു കൊടുത്തത് മലയാളി സംവിധായകൻ പ്രിയദർശനാണ്. അക്ഷയ് കുമാർ- പ്രിയദർശൻ കൂട്ടുകെട്ട് ബോളിവുഡിൽ സൂപ്പർ വിജയങ്ങൾ സമ്മാനിച്ച് മുന്നേറിയതോടെ ഈ നടൻ ബോളിവുഡിലെ മിന്നും താരമായി മാറി. കഴിഞ്ഞ പതിറ്റാണ്ടിന്റെ തുടക്കത്തോടെ ട്രാക്ക് മാറ്റിയ അക്ഷയ് കുമാർ തുടർച്ചയായി വ്യത്യസ്ത തരത്തിലുള്ള ചിത്രങ്ങൾ ചെയ്യാൻ ശ്രദ്ധ വെക്കുകയും അവയിൽ തൊണ്ണൂറു ശതമാനവും ബോക്സ് ഓഫീസിൽ വമ്പൻ വിജയം നേടുകയും ചെയ്തു. ഒരു നടനെന്ന നിലയിലും വലിയ മികവ് പുലർത്തുന്ന അക്ഷയ് കുമാർ മികച്ച നടനുള്ള ദേശീയ അവാർഡ് നേടിയെടുത്തതും കഴിഞ്ഞ പതിറ്റാണ്ടിലാണ്. ഇപ്പോൾ ബോളിവുഡ് ബോക്സ് ഓഫീസിലെ ഏറ്റവും സുരക്ഷിതമായ ബെറ്റാണ് അക്ഷയ് കുമാർ ചിത്രങ്ങൾ. എന്നാൽ കോവിഡ് 19 ഭീഷണി മൂലം പല ചിത്രങ്ങളും ഓൺലൈൻ റിലീസിന് തയ്യാറെടുക്കുമ്പോൾ അവിടേയും പുതിയ റെക്കോർഡ് സൃഷ്ടിക്കുകയാണ് അക്ഷയ് കുമാർ.
ഇപ്പോൾ പുറത്തു വരുന്ന റിപ്പോർട്ടുകൾ പ്രകാരം അക്ഷയ് കുമാർ നായകനായ ലക്ഷ്മി ബോംബ് എന്ന ചിത്രം 125 കോടിക്കാണ് ഓൺലൈൻ സ്ട്രീമിങ് മാധ്യമമായ ഡിസ്നി ഹോട്ട്സ്റ്റാര് വാങ്ങിയത്. ഈദ് റിലീസായി പ്ലാൻ ചെയ്തിരുന്ന ലക്ഷ്മി ബോംബ് സംവിധാനം ചെയ്തത് തെന്നിന്ത്യൻ നടനും സംവിധായകനുമായ രാഘവ ലോറൻസാണ്. അദ്ദേഹത്തിന്റെ തന്നെ കാഞ്ചനയുടെ ഹിന്ദി റീമേക്കാണു ഈ ചിത്രം. ഫോക്സ്റ്റാറിനൊപ്പം സഹകരിച്ച് അക്ഷയ്കുമാറും തുഷാര് കപൂറുമാണ് ഈ ഹിന്ദി റീമേക്ക് നിർമ്മിച്ചിരിക്കുന്നത്. അറുപതു മുതൽ എഴുപതു കോടി വരെയാണ് സാധാരണ വമ്പൻ ചിത്രങ്ങൾക്ക് ഡിജിറ്റൽ അവകാശമായി ലഭിക്കാറുള്ളതെങ്കിൽ ഈ അക്ഷയ് കുമാർ ചിത്രം അതിന്റെ ഇരട്ടി നേടിയാണ് പുതിയ ചരിത്രം സൃഷ്ടിച്ചിരിക്കുന്നത്. ബോക്സ് ഓഫീസിൽ അക്ഷയ് കുമാർ ചിത്രങ്ങൾ തുടർച്ചയായി ഇരുനൂറു കോടിക്ക് മുകളിൽ കളക്ഷൻ നേടുന്നതാണ് ഈ വലിയ തുക കൊടുത്തു അദ്ദേഹത്തിന്റെ ചിത്രത്തിന്റെ ഡിജിറ്റൽ അവകാശം വാങ്ങാൻ ഡിസ്നി ഹോട്ട് സ്റ്റാർ ടീമിനെ പ്രേരിപ്പിച്ചത് എന്നറിയുന്നു.
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
This website uses cookies.