Yennai Arindhaal 2
പ്രശസ്ത സൗത്ത് ഇന്ത്യൻ സംവിധായകനായ ഗൗതം വാസുദേവ് മേനോൻ തമിഴകത്തിന്റെ തല അജിത്തുമായി ഒന്നിച്ച ചിത്രമായിരുന്നു യെന്നൈ അറിന്താൽ എന്ന പോലീസ് സ്റ്റോറി. ബോക്സ് ഓഫീസിൽ വിജയം നേടിയ ഈ ചിത്രത്തിന്റെ രണ്ടാം ഭാഗം ഒരുക്കാൻ ഗൗതം മേനോൻ പ്ലാൻ ചെയ്യുന്നതായും ആ രണ്ടാം ഭാഗത്തിലൂടെ അജിത്തുമായി ഒരിക്കൽ കൂടി കൈകോർക്കാൻ തയ്യാറെടുക്കുന്നതായുമാണ് തമിഴ് സിനിമാ ഇൻഡസ്ട്രിയിൽ നിന്ന് വരുന്ന റിപ്പോർട്ടുകൾ പറയുന്നത്. ഇപ്പോൾ തന്നെ രണ്ടു ചിത്രങ്ങളുടെ തിരക്കിലാണ് ഗൗതം മേനോൻ. വിക്രം നായകൻ ആയി എത്തുന്ന ധ്രുവനച്ചത്തിരം, ധനുഷ് നായകൻ ആയി എത്തുന്ന എന്നൈ നോക്കി പായും തോട്ട എന്നിവയാണവ. ഇത് കൂടാതെ തമിഴ്, തെലുഗ്, മലയാളം, കന്നഡ ഫിലിം ഇൻഡസ്ട്രികളിലെ താരങ്ങളെ അണി നിരത്തി ഒരു മൾട്ടിസ്റ്റാർ ചിത്രവും ഗൗതം മേനോൻ അനൗൺസ് ചെയ്തിട്ടുണ്ട്. ഈ ചിത്രം എപ്പോൾ തുടങ്ങും എന്നറിയില്ലെങ്കിലും അങ്ങനെയൊരു പ്രൊജക്റ്റ് ഉണ്ടാകുമെന്നാണ് ഗൗതം മേനോൻ പറഞ്ഞിരിക്കുന്നത്.
മലയാളത്തിൽ നിന്ന് പ്രിത്വി രാജ് സുകുമാരനും കന്നടയിൽ നിന്ന് പുനീത് രാജ്കുമാറും ആയിരിക്കും ആ ചിത്രത്തിൽ ഉണ്ടാവുക എന്ന് വാർത്തകൾ വന്നിരുന്നു. തെലുങ്കിൽ നിന്ന് സായി ധരം തേജ് , തമിഴിൽ നിന്ന് ചിമ്പു അല്ലെങ്കിൽ ജയം രവി എന്നിവർ ഈ ചിത്രത്തിന്റെ ഭാഗം എന്നും റിപ്പോർട്ടുകൾ വന്നിരുന്നു. ഇത് കൂടാതെ മലയാളത്തിൽ ഒരു ചിത്രം സംവിധാനം ചെയ്യാനും ഗൗതം വാസുദേവ് മേനോന് പ്ലാൻ ഉണ്ട്. മോഹൻലാലിനെ വെച്ച് ഒരു ചിത്രം സംവിധാനം ചെയ്യുകയാണ് തന്റെ സ്വപ്നം എന്ന് അദ്ദേഹം പലവട്ടം തുറന്നു പറഞ്ഞിട്ടുണ്ട്. മോഹൻലാലിൻറെ ഡേറ്റ് കിട്ടിയില്ലെങ്കിൽ നിവിൻ, ഫഹദ് ഫാസിൽ എന്നിവരെയും അദ്ദേഹം പരിഗണിക്കുന്നുണ്ട് എന്നാണ് വാർത്തകൾ സൂചിപ്പിക്കുന്നത്.
ഏതായാലും അജിത്തിന്റെ ഒപ്പം യെന്നൈ അറിന്താലിന്റെ രണ്ടാം ഭാഗവുമായി ഗൗതം മേനോൻ എത്തുകയാണെങ്കിൽ സത്യദേവ് ഐ പി എസ് നെ വീണ്ടും സ്ക്രീനിൽ കാണാൻ കാത്തിരിക്കുകയാണ് അജിത് ആരാധകർ. അജിത്തിനോട് നാലഞ്ച് മാസത്തിനുള്ള ഇതിന്റെ കഥ പറയും എന്നാണ് ഗൗതം മേനോൻ സൂചിപ്പിച്ചിരിക്കുന്നത്. അജിത് ഇപ്പോൾ ശിവ ഒരുക്കുന്ന വിശ്വാസം എന്ന ചിത്രത്തിൽ ജോയിൻ ചെയ്യാൻ പോവുകയാണ്. ശിവയോടൊപ്പമുള്ള അജിത്തിന്റെ നാലാമത്തെ ചിത്രം ആണിത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.